Asianet News TeluguAsianet News Telugu

ఇద్దరు భార్యల ముద్దుల మొగుడు.. ఒక్కో భార్యతో మూడు రోజులు.. భర్తను, జీతాన్ని, ఆస్తిని సమానంగా పంచిన కోర్టు..

గ్వాలియర్: లాక్‌డౌన్ సమయంలో తనతో పాటు ఆఫీసులో పని చేసే అమ్మాయితో ప్రేమ వ్యవహారం నడిపాడు. యువకుడి మొదటి భార్య కోర్టును ఆశ్రయించింది. 

2 Women Married To Same Man Reach An Agreement To Split Days With Him
Author
First Published Mar 16, 2023, 11:38 PM IST

ఇప్పటివరకు ఆస్తుల పంపకం చూసి ఉంటాం.. భూముల పంపకం చూసి ఉంటాం.. కానీ తొలిసారి భర్తను పంచుకోవడం ఎప్పుడైనా చూసి ఉంటారా..? ఓ భర్తకు ఇద్దరు భార్యలు పంచుకున్నారు. ఒక్కో భార్యతో 3 రోజులు ఉంటాడు, తర్వాతి 3 రోజులు మరో భార్యతో ఉంటాడు. ఆదివారం భర్త సెలవుదినం. ఆ రోజు తనకు నచ్చిన భార్యతో ఉండవచ్చు. చాలా కొత్తగా వింతగా.. చాలా కొత్తగా ఉంది కాదా.. ఇది కథ కాదండి బాబు.. ఇది వాస్తవం. భర్తను పంచుకున్న విచిత్ర ఘటన మధ్యప్రదేశ్‌లోని గ్వాలియర్‌లో జరిగింది. ఓ భర్త ఇలాగే విడిపోయాడు.అంతే కాదు.. అతని జీతం కూడా ఇలానే విభజించబడింది.

2018లో మొదటి వివాహం   

గ్వాలియర్ లో నివాసిస్తున్న ఓ యువకుడు హర్యానాలోని ఓ బహుళజాతి కంపెనీలో సాఫ్ట్‌వేర్ ఇంజనీర్‌గా పనిచేస్తున్నాడు. అతనికి 2018 సంవత్సరంలో వివాహం జరిగింది. దీని తరువాత, 2020 లో..దేశవ్యాప్తంగా లాక్డౌన్ ఉంది. యువకుడు తన భార్యను గ్వాలియర్‌లోని ఆమె తల్లి వద్ద వదిలి హర్యానాకు తిరిగి వచ్చాడు.

తోటి ఉద్యోగినితో ప్రేమలో 

ఈ క్రమంలో తనతో పాటు ఆఫీసులో పనిచేసే యువతితో ప్రేమ వ్యవహారం నడిపినట్లు సమాచారం. అతను గ్వాలియర్‌కు రావడం లేదని, తన ఖర్చులు కూడా ఇవ్వడం లేదని యువకుడి భార్య ఆరోపించింది. దీనిపై ఆ మహిళ గ్వాలియర్‌లోని ఫ్యామిలీ కోర్టును ఆశ్రయించింది. భార్యాభర్తలకు కౌన్సెలింగ్‌ ఇవ్వాలని కోర్టు ఆదేశించింది. హర్యానాలోనూ ఆ యువకుడు మరో యువతిని పెళ్లి చేసుకున్నట్లు  వెలుగులోకి వచ్చింది.

కోర్టు కౌన్సెలింగ్‌లో ఒప్పందం

కౌన్సెలర్ భార్యాభర్తలకు వివరించాడు. దీనిపై అన్ని పార్టీలు కూర్చుని మాట్లాడుకున్నాయి. భర్తను విభజించాలని నిర్ణయించారు. దీనిపై అన్ని పార్టీలు వారంలో మొదటి మూడు రోజులు భర్త మొదటి భార్యతోనే ఉండాలని నిర్ణయించుకున్నాయి. ఆ తర్వాత మూడు రోజులు రెండో భార్య వద్దే ఉన్నాడు. కాగా ఆదివారం భర్తకు సెలవు. అతను ఎవరితోనైనా జీవించగలడు. ఈ విషయం గ్వాలియర్‌తో పాటు మొత్తం మధ్యప్రదేశ్‌లో చర్చనీయాంశంగా మారింది.
 

Follow Us:
Download App:
  • android
  • ios