భర్తని కాదని..అతనితో సంబంధం... అసలు కారణాలు ఇవే..
మరో వ్యక్తి పట్ల ఆకర్షణ ఎందుకు మొదలవుతుందనే దానికి ఎన్నో ఉంటాయి. వాటిల్లో ఈ అంశాలు కొంతవరకూ కారణమవుతాయి.
 )
Followపెళ్లి కాకముందు.. ఎవరిపట్ల అయినా ఆకర్షితులైతే దానిని ప్రేమ అంటారు. అదే పెళ్లి తర్వాత జీవిత భాగస్వామిని కాదని.. మరొకరి పట్ల ఆకర్షితులైతే.. దానిని అక్రమ సంబంధం అనే అంటారు. ఈ మధ్యకాలంలో ఈ వివాహేతర సంబంధాల సంఖ్య బాగా పెరిగిపోతోందనే చెప్పొచ్చు. కొందరైతే.. ప్రియుడితో జీవితాన్ని పంచుకునేందుకు.. భర్తలను అతి దారుణంగా హత్య చేస్తున్నారు కూడా. అసలు ఈ వివాహేతర సంబంధాలు ఏర్పడటానికి అసలు కారణాలు ఏంటి..? నిపుణులు ఏమంటున్నారో ఇప్పుడు చూద్దాం..
జీవన విధానం, స్త్రీ, పురుషులు కలిసి పనిచేసే అవకాశాలు ఎక్కువగా ఉండటం, సామాజికీకరణ... ఇలా కారణాలు ఏవైనా తరచూ ఇలాంటి సంఘటనలు వినిపిస్తున్నాయి, కనిపిస్తున్నాయి. ఆ ఆకర్షణ సంఘర్షణలో పడి కాపురాలనూ కల్లోలంగా చేసుకునేవారూ లేకపోలేదు. అలా కాకుండా ఉండాలంటే తట్టుకుని నిలబడటం తెలిసుండాలి.
మరో వ్యక్తి పట్ల ఆకర్షణ ఎందుకు మొదలవుతుందనే దానికి ఎన్నో ఉంటాయి. వాటిల్లో ఈ అంశాలు కొంతవరకూ కారణమవుతాయి.
స్త్రీ, పురుషులు ఎవరైనా కావచ్చు... కొందరు తమ భాగస్వామిని ఇతరులతో పోల్చుకుంటారు. అందం, ఆహార్యం, అలవాట్లు, మాటతీరు, ఉద్యోగం, ప్రేమను వ్యక్తం చేసే తీరు వరకూ ఎన్నో ఉంటాయి. ఎదుటి వ్యక్తిలో ఆ ప్రత్యేకతలు ఏ కాస్త కనిపించినా చాలు అది ఆకర్షణకు దారితీస్తుంది.
కొందరు పెళ్లైన కొత్తల్లోనే అందం, ఆహార్యం, ఫిట్‌నెస్‌ విషయంలో శ్రద్ధ తీసుకుంటారు. రోజులు గడిచేకొద్దీ పట్టించుకోరు. అందం తగ్గిందనో, సౌందర్య పోషణ లేదనో, లావయ్యారనో... ఆ కొందరు భాగస్వామిని అశ్రద్ధ చేయొచ్చు. మరికొందరు పేరుకే భార్యాభర్తలు. తరచూ ఒకరినొకరు అవమానపరచుకుంటూ ఉంటారు. నలుగురిలోకి వచ్చినా ఇదే ధోరణి కనిపిస్తుంది. ఒకరికొకరు అసలు విలువ ఇవ్వరు. అవన్నీ అందించే వ్యక్తి దొరికినప్పుడు ఆ ఆకర్షణకు లొంగే అవకాశం ఎక్కువ.
అసంతృప్తి కూడా పర ఆకర్షణకు ఓ కారణమే. ఉద్యోగాలు, వ్యాపారాల పరంగా కుటుంబానికి సమయం కేటాయించలేకపోవడం, పిల్లలతో గడపకపోవడం, సరదాగా బయటకు తీసుకెళ్లకపోవడం, విందులకీ, వినోదాలకీ దూరంగా ఉండటం... ఇలాంటివన్నీ అందుకు దారితీసే అంశాలే. జీవితభాగస్వామి ఇలా ఉండాలి, అలా మాట్లాడాలనే ఆలోచనలు మామూలే. అవేవీ జరగనప్పుడు తను ఇంతే అనే అసంతృప్తితో పొరపాట్లు చేసే ప్రమాదం కూడా లేకపోలేదు.
పెళ్లైన కొత్తల్లో ఉన్నంత పరవశం ఏళ్లు గడిచేకొద్దీ ఉండకపోవచ్చు. బాధ్యతలు పెరగడం, రకరకాల ఒత్తిళు, కలయికకు ప్రాధాన్యం ఇవ్వకపోవడం... ఇలాంటి ఆకర్షణ వలలో పడేందుకు దారితీస్తాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
