సారాంశం

పాప్ స్టార్ కేటీ పెర్రీ, మరో ఐదుగురు మహిళలు బ్లూ ఆరిజిన్ మిషన్ ద్వారా అంతరిక్షంలోకి దూసుకెళ్లారు. 60 ఏళ్లలో మొదటిసారిగా పూర్తిగా మహిళా సిబ్బందితో ప్రయాణించారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. 

 

బ్లూ ఆరిజిన్ మహిళా సిబ్బంది ఏప్రిల్ 14న అంతరిక్ష సందర్శన తర్వాత సురక్షితంగా భూమికి తిరిగి వచ్చేశారు. జెఫ్ బెజోస్ కాబోయే భార్య లారెన్ సాంచెజ్‌తో పాటు, కేటీ పెర్రీ, గేల్ కింగ్, మాజీ నాసా రాకెట్ శాస్త్రవేత్త అయేషా బోవే, పౌర హక్కుల కార్యకర్త అమండా న్గుయెన్, సినిమా నిర్మాత కెరియాన్ ఫ్లిన్ కూడా ఈ బృందంలో ఉన్నారు.  

దాదాపు నాలుగు నిమిషాల పాటు అంతరిక్షంలో ఉన్న ఈ సిబ్బంది భూమికి 62 మైళ్ల ఎత్తులో ఉన్న కార్మన్ రేఖకు (భూమి వాతావరణం, అంతరిక్షాన్ని వేరు చేసే ప్రదేశం) చేరుకున్నారు.

 

 

వాళ్లు కిందకు చేరుకున్న వెంటనే, కేటీ, గేల్ ఇద్దరూ వెంటనే భూమిని ముద్దు పెట్టుకున్నారు. లారెన్ సంతోషంగా భూమికి తిరిగి వచ్చి, ఈ వేసవిలో జెఫ్‌తో తన పెళ్లి కోసం మళ్లీ రావాలని జోక్ చేసింది.

 

 

"ఆ క్యాప్సూల్‌లో ఉన్న ప్రేమ, హృదయం, భావాలు, నేను బయలుదేరే ముందు జెఫ్‌ను చూడటం ఎంతో భావోద్వేగాన్ని కలిగించాయి. నాకు పెళ్లి అవుతోంది! నేను తిరిగి రాకపోతే అది నాకు బాధ కలిగించింది' అని వెస్ట్ టెక్సాస్ లాంచ్ సైట్‌లో బ్లూ ఆరిజిన్‌తో ఆమె చెప్పింది. 

అంతరిక్షంలోకి వెళ్లాలనే జీవితకాల కోరిక ఉన్న అయేషా, "మేము లోపలికి వెళ్లగానే కౌంట్ డౌన్ ప్రారంభమైంది. ఆ సమయంలో నేను పాట వినడం మొదలుపెట్టాను. మేము పైకి లేచాము, క్యాప్సూల్‌లో ప్రతి ఒక్కరూ శక్తిని అనుభవించగలిగారు. మేము అక్కడకు చేరుకుని సీట్ల నుంచి బయటకు వచ్చినప్పుడు, మేమంతా ఒకరినొకరు చూసుకున్నాము, అదొక అద్భుత క్షణం" అని చెప్పింది.

అయేషా ఇంకా మాట్లాడుతూ, "మా అందరి మధ్య ఒక ప్రత్యేక క్షణం ఉంది, అది చాలా అందంగా ఉంది" అని చెప్పింది.

గేల్ మాట్లాడుతూ అంతరిక్షంలోకి వెళ్లినందుకు తనకు ఎలాంటి బాధ లేదని చెప్పింది. "మీరు అక్కడకు చేరుకున్నప్పుడు చాలా నిశ్శబ్దంగా ఉంటుంది, మీరు గ్రహం వైపు చూస్తారు" అని ఆమె చెప్పుకొచ్చింది. "మేము ఎప్పటికీ కలిసి ఉంటాము. మేము అనుభవించిన దాని నుంచి బయటపడలేము" అని ఆమె చెప్పింది. 

గేల్ ఇంకా మాట్లాడుతూ, వాళ్లు కిందకు వస్తున్నప్పుడు కేటీ లూయిస్ ఆర్మ్‌స్ట్రాంగ్ రాసిన "వాట్ ఎ వండర్‌ఫుల్ వరల్డ్" పాట పాడిందని చెప్పింది.

ఆ పాటను ఎందుకు ఎంచుకున్నావని అడిగితే, కేటీ మాట్లాడుతూ, "నేను గతంలో ఆ పాటను పాడాను, నాలోని ఉన్నతమైన వ్యక్తి నన్ను నడిపిస్తున్నాడు. నేను ఒకరోజు అంతరిక్షంలో ఆ పాట పాడుతానని నాకు తెలియదు" అని చెప్పింది.

"ఇది భవిష్యత్తులో మహిళలకు స్థానం కల్పించడం గురించే" అని ఆమె చెప్పుకొచ్చింది.