నడిరోడ్డుపై ఓ వ్యక్తి మహిళను వేధించారు. అయితే అతనికి దారిపోయేవారు బుద్ది చెప్పారు. ఈ వీడియో సోషల్ మీడియాలో వైరల్ గా మారింది.
న్యూఢిల్లీ:చర్యకు ప్రతి చర్య ఉంటుందని మనం తరచుగా వినే ఉంటాం. అయితే ఓ మహిళను నడిరోడ్డుపై వేధింపులకు గురిచేసిన వ్యక్తిని రోడ్డున వెళ్లే ప్రయాణీకులు చితకబాదారు. ఈ ఘటనను కొందరు వీడియో రికార్డ్ చేసి సోషల్ మీడియాలో పోస్టు చేశారు.
also read:ఇన్సూరెన్స్ డబ్బుల కోసం: అమ్మమ్మను మనవడు ఏం చేశాడంటే?
ఓ మహిళ ఒంటరిగా వీధిలో వెళ్తున్న సమయంలో ఓ వ్యక్తి ఆ మహిళను వేధింపులకు గురి చేశాడు. ఆ వ్యక్తి నుండి తప్పించుకొనేందుకు ఆ మహిళ ప్రయత్నిస్తుంది. అయితే అదే సమయంలో ఓ బస్సు అదే దారి గుండా వెళ్తుంది.
also read:బుల్లెట్ కు గుడి కట్టి పూజలు: ఎందుకో తెలుసా?
ఈ బస్సులోని ప్రయాణీకులు ఈ విషయాన్ని గమనించి నిందితుడికి దేహశుద్ది చేశారు. బస్సులోని ప్రయాణీకుల సహయంతో బాధితురాలు అక్కడి నుండి సురక్షితంగా బయటపడింది.
ఈ వీడియోను చూసిన నెటిజన్లు మహిళలను వేధించిన వ్యక్తికి దేహశుద్ది చేయడాన్ని సమర్ధించారు. ఒక చర్యకు ప్రతిచర్య తప్పక ఉంటుందని ఓ నెటిజన్ వ్యాఖ్యానించారు.గుర్తు తెలియని మహిళను రక్షించేందుకు ప్రయాణీకులు రావడాన్ని కొందరు నెటిజన్లు సంతోషం వ్యక్తం చేశారు. మహిళను కాపాడేందుకు వచ్చిన వారిని అభినందించారు. మహిళను వేధించిన వ్యక్తికి మంచి గుణపాఠం చెప్పారని మరొకరు వ్యాఖ్యానించారు.
