మాకు ఆ వివరాలు తెలియజేయండి.. ఇజ్రాయెల్ సైన్యం ఫ్లైట్‌లో నుంచి పాలస్తీనాలో కరపత్రాలు
హమాస్ సాయుధ గ్రూపు ఇజ్రాయెల్ బంధీలను విడిచి పెడుతూ ప్రపంచ దేశాల నుంచి సానుభూతి పొందే అవకాశాలను సుగమం చేసుకుంది. అయితే, ఇజ్రాయెల్ ఆ బంధీల వివరాలను పొందడానికి పాలస్తీనాలో కరపత్రాలను సైనిక విమానాల నుంచి విడిచిపెడుతున్నారు. ఆ వివరాలు అందించిన వారికి రివార్డు ప్రకటించడంతోపాటు వారికి భద్రత కల్పిస్తామని హామీ ఇస్తున్నారు.
Followన్యూఢిల్లీ: హమాస్ సాయుధ గ్రూపు బంధీలుగా మార్చుకున్న ఇజ్రాయెల్ పౌరులను ఒక్కొక్కరిగా విడిచిపెడుతున్నది. బంధీలు కూడా తమను హమాస్ సాయుధులు బాగానే చూసుకున్నారని చెబుతున్నారు. ఈ రకంగా ప్రపంచ దేశాల నుంచి సానుభూతి పొందే అవకాశాలను హమాస్ సాయుధ గ్రూపు కలిగించుకుంటున్నది. ఈ తరుణంలో ఇజ్రాయెల్ విమానాలు పాలస్తీనాలో కరపత్రాలు చల్లుతున్నది. ఇజ్రాయెల్ పౌరులను హమాస్ సాయుధ గ్రూపు బంధించిన వివరాలను తమకు అందించాలని, అలా అందించిన వారికి రివార్డు అందిస్తామని ఆ కరపత్రాల్లో ఇజ్రాయెల్ పేర్కొంది.
‘మీరు శాంతియుతంగా జీవించాలని అనుకుంటే, మీ పిల్లలకు మంచి భవిష్యత్ ఉండాలని కోరుకుంటే ఒక మానవ సహాయం చేయండి. మీ ఏరియాల్లో బంధీల వివరాలను మాకు అందించండి’ అని మిలిటరీ ఆ కరపత్రంలో పేర్కొంది. ‘ఈ సమాచారం అందించిన వారికి, వారి ఇంటికి భద్రత అందించడమే కాదు, ఆర్థిక సహకారం కూడా అందిస్తాం. మీ వివరాలను గోప్యంగా ఉంచడం మా బాధ్యత’ అని తెలిపింది.
ఈ బంధీల గురించి సమాచారం అందించడానికి అవసరమైన ఫోన్ నెంబర్లు, ఇతర సమాచారాలను ఆ కరపత్రాల్లో పొందుపరిచింది.
Also Read: హమాస్ మంచిగానే చూసుకుంది, సాలెగూళ్ల లాంటి సొరంగాళ్లలోకి తీసుకెళ్లారు: విడుదలైన ఇజ్రాయెల్ మహిళ
దక్షిణాది గాజాలోని నాస్సర్ హాస్పిటల్‌లో ఆశ్రయం పొందుతున్న శరణార్థి ఖాన్ యూనిస్ ఈ కరపత్రాన్ని చించేశాడు. ఇజ్రాయెల్ ప్రధాని బెంజమిన్ నెతన్యాహును ఉద్దేశిస్తూ ఓ పాలస్తీనా వాసి కీలక వ్యాఖ్యలు చేశాడు. ‘మీరేం కావాలని కోరుకున్నా.. మాకు అవసరమే లేదు. గాజాలోని మేమంతా ఏం చెబుతున్నామంటే.. తూర్పు నుంచి పశ్చిమం వరకు మేం ప్రతిఘటిస్తున్నాం’ అని వివరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
