ఇరాన్‌లో ముగ్గురు భారతీయులు మిస్సింగ్

భారతదేశం నుండి ఇరాన్‌కు వెళ్ళిన ముగ్గురు భారతీయులు కనిపించకుండా పోయారని టెహ్రాన్‌లోని భారత రాయబార కార్యాలయం ధృవీకరించింది. వారిని వెతికేందుకు ప్రయత్నాలు జరుగుతున్నాయని తెలిపింది.

Indians missing in Iran

పంజాబ్‌లోని సంగ్రూర్, హోషియార్‌పూర్, ఎస్‌బిఎస్ నగర్ నుండి ఇరాన్‌కు వెళ్ళిన ముగ్గురు భారతీయులు కనిపించకుండా పోయారని టెహ్రాన్‌లోని భారత రాయబార కార్యాలయం ధృవీకరించింది. వారిని వెతికేందుకు ప్రయత్నాలు జరుగుతున్నాయని తెలిపింది. మిస్సింగ్ అయిన వ్యక్తుల కుటుంబసభ్యులు రాయబార కార్యాలయాన్ని సంప్రదించి తమవారు అకస్మాత్తుగా కనిపించకుండా పోయారని ఆందోళన వ్యక్తం చేశారు.

“ముగ్గురు భారతీయుల కుటుంబసభ్యులు తమవారు ఇరాన్‌కు వెళ్ళిన తర్వాత కనిపించకుండా పోయారని భారత రాయబార కార్యాలయానికి సమాచారం ఇచ్చారు” అని ప్రకటనలో పేర్కొన్నారు.రాయబార కార్యాలయం ఈ విషయాన్ని ఇరాన్ అధికారుల దృష్టికి తీసుకెళ్లింది. మిస్సయిన భారతీయులను వెంటనే వెతికి, వారి భద్రతను నిర్ధారించాలని కోరింది.

Scroll to load tweet…

మిస్సయిన ముగ్గురు వ్యక్తులను హుషన్‌ప్రీత్ సింగ్ (సంగ్రూర్), జస్పాల్ సింగ్ (ఎస్‌బిఎస్ నగర్), అమృత్‌పాల్ సింగ్ (హోషియార్‌పూర్) గా గుర్తించారు. వీరంతా మే 1న టెహ్రాన్‌లో దిగిన వెంటనే కనిపించకుండా పోయారు. మిస్సయినవారిని వెతికేందుకు తాము చేస్తున్న ప్రయత్నాల గురించి ఎప్పటికప్పుడు వారి కుటుంబసభ్యులకు సమాచారం అందిస్తున్నామని రాయబార కార్యాలయం తెలిపింది. 

పంజాబ్‌లోని ఏజెంట్ ఒకరు ఈ ముగ్గురు వ్యక్తులను దుబాయ్-ఇరాన్ మార్గం ద్వారా ఆస్ట్రేలియాకు పంపిస్తానని హామీ ఇచ్చాడు. ఇరాన్‌లో వారికి ఉండేందుకు ఏర్పాట్లు చేస్తానని హామీ ఇచ్చాడు. కానీ వారు మే 1న ఇరాన్‌లో దిగిన వెంటనే కిడ్నాప్ చేయబడ్డారు.కిడ్నాపర్లు 1 కోటి రూపాయలు డిమాండ్ చేశారని కుటుంబ సభ్యులు తెలిపారు.వీరిని విదేశాలకు పంపిన హోషియార్‌పూర్ ఏజెంట్ కూడా కనిపించకుండా పోయాడు.

Scroll to load tweet…