ఇక కళ్లద్దాలతో పనిలేదు... ఈ ఐ డ్రాప్ వేసుకుంటే చాలట...
ఇకపై కళ్లద్దాలు కనుమరుగు కానున్నాయా? అంటే అవును అనేలా సరికొత్త మెడిసిన్ మార్కెట్ లో వచ్చింది. ఈ మెడిసిన్ వాడితే కళ్ళద్దాల అవసరమే వుండదట...
Followకంటి చూపు సరిగ్గా లేనివారు కళ్లద్దాలు వాడుతుంటారు. అయితే ఎలాంటి కళ్లద్దాలు లేకుండానే నిశ్చితంగా చదువుకునే సరికొత్త మెడిసిన్ వస్తోంది. కళ్లద్దాల బదులుగా ఉపయోగించేలా ఐ డ్రాప్ ను రూపొందించింది ముంబైకి చెందిన ఎన్టోడ్ ఫార్మా కంపనీ.
ఇలా కళ్లద్దాలు వాడకుండానే మంచి చూపును పొందేలా PresVu అనే ఐ డ్రాప్ ను లాంచ్ చేసింది ఎన్టోడ్ ఫార్మా. ఇలాంటి మెడిసిన్ దేశంలోనే మొదటిసారిగా అందుబాటులోకి వస్తోంది. ఇప్పటికే దీనికి డ్రగ్స్ రెగ్యులేటరీ ఏజన్సీ ఆమోదం లభించింది. అమ్మకాలు చేపట్టేందుకు కూడా సెంట్రల్ డ్రగ్ స్టాండర్డ్ కంట్రోల్ ఆర్గనైజేషన్ ఆమోదం కూడా లభించింది.
ఈ ఐ డ్రాప్ కంటి సమస్యలకు శాశ్వత పరిష్కారం కాదని నిపుణులు చెబుతున్నారు. ఒక్క డ్రాప్ కంట్లో వేసుకుంటే 15 నిమిషాల తర్వాత పని ప్రారంభిస్తుందని... దాదాపు 6 గంటలవరకు ప్రభావం వుంటుందని చెబుతున్నారు.
''అప్పటికప్పుడు ఇలాంటి ఐ డ్రాప్స్ ఉపయోగపడవచ్చు. కానీ వీటిని ఎక్కువ కాలం ఉపయోగించలేం. ఎక్కువగా వాడటం వల్ల ఇతర సమస్యలు ఉత్పన్నం కావచ్చు. కాబట్టి ఇలాంటి మందుల కంటే కళ్లద్దాలే ఉత్తమం'' అనేది నిపుణుల అభిప్రాయం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
