కాఫీvsటీ.. రెండింటిలో ఏది బెస్ట్..?
డ‌యాబెటిస్‌, గుండె జ‌బ్బులు, క్యాన్సర్ వంటి వ్యాధులు ఉన్న‌వారు.. ఇత‌ర అనారోగ్య స‌మ‌స్య‌లు ఉన్న‌వారు నిత్యం కాఫీ తాగితే మంచిది. వీలైతే వారు గ్రీన్ టీ తాగాలి.
ఉదయం లేవగానే.. వేడిగా కడుపులో టీ గానీ.. కాఫీ గానీ పడకపోతే.. చాలా మందికి పొద్దపోదు. అసలు ఈ రెండింటిలో ఏదో ఒకటి తాగనిది చాలా మందికి కనీసం రోజు మొదలుకాదు. ఇక కొందరికైతే.. రోజుకి కనీసం నాలుగైదు సార్లు అయినా.. టీ కానీ..కాఫీ గానీ తాగాల్సిందే. మరి.. ఈ రెండింటిలో ఏది బెస్ట్..? ఆరోగ్యానికి టీ మంచిదా..? కాఫీ మంచిదా..? ఈ సందేహం చాలా మందికే కలిగి ఉంటుంది. మరి దీనిపై నిపుణులు ఏమంటున్నారో ఓసారి చూసేద్దామా..
టీ, కాఫీల‌లో కెఫీన్ అనే స‌మ్మేళ‌నం ఉంటుంద‌ని తెలిసిందే. అయితే టీ క‌న్నా కాఫీలోనే ఎక్కువ‌గా కెఫీన్ ఉంటుంది. ఈ క్ర‌మంలో నిత్యం మ‌నం 400 మిల్లీగ్రాముల క‌న్నా ఎక్కువ‌గా కెఫీన్ తీసుకోరాదు. అంటే.. కాఫీ అయినా టీ.. ఏదైనా స‌రే.. ఎన్ని క‌ప్పులు తాగినా వాటి ద్వారా మ‌న‌కు అందే కెఫీన్ ప‌రిమాణం నిత్యం 400 మిల్లీగ్రాముల‌కు మించ‌రాదు. అయితే రెండింటిలో ఏది తాగితే మంచిది..? అంటే..
డ‌యాబెటిస్‌, గుండె జ‌బ్బులు, క్యాన్సర్ వంటి వ్యాధులు ఉన్న‌వారు.. ఇత‌ర అనారోగ్య స‌మ‌స్య‌లు ఉన్న‌వారు నిత్యం కాఫీ తాగితే మంచిది. వీలైతే వారు గ్రీన్ టీ తాగాలి. అలాగే ఉద‌యాన్నే ప‌ని భారం ఎక్కువ‌గా ఉంటుంద‌ని అనుకునే వారు కాఫీ తాగితే మైండ్ రిలాక్స్ అయి మ‌న‌స్సు ప్ర‌శాంతంగా మారుతుంది. శ‌రీరానికి ఉత్సాహం, ఉత్తేజం క‌లుగుతాయి. దీంతో పెద్ద‌గా ప‌నిఉన్నా భారం అనిపించ‌దు.
ఇక నిత్యం ఉద‌యాన్నే వ్యాయామం చేసేవారు, శారీర‌క శ్ర‌మ ఎక్కువ‌గా చేసే వారు టీ తాగ‌డం బెట‌ర్‌. అలాగే అసిడిటీ, జీర్ణ స‌మ‌స్య‌లు ఉన్న‌వారు టీ తాగాలి. అయితే టీ, కాఫీ రెండింటి ద్వారా మ‌న‌కు ఆరోగ్య‌క‌ర ప్ర‌యోజ‌నాలు క‌లిగిన‌ప్ప‌టికీ వాటిని నిత్యం ప‌రిమిత మోతాదులో మాత్ర‌మే తీసుకోవాలి. రోజు 4 లేదా 5 చిన్న క‌ప్పులు ఫ‌ర్వాలేదు. అంతకు మించితే శ‌రీరంలో కెఫీన్ పెరిగిపోతుంది. దాంతో ఆరోగ్య‌క‌ర ప్ర‌యోజ‌నాలు క‌ల‌గ‌క‌పోగా, కొత్త అనారోగ్య స‌మ‌స్య‌లు వస్తాయి. క‌నుక ఎవ‌రైనా స‌రే.. టీ, కాఫీ ఏది తాగినా ఫ‌ర్లేదు. కానీ పైన చెప్పిన‌ట్లుగా కెఫీన్ మోతాదును చూసుకుని మ‌రీ తాగాలి..!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
