ఆకుపచ్చ గాజులు వేసుకోవడం వల్ల ఎన్ని లాభాలున్నాయో తెలుసా?

పెళ్లిలో పెళ్లి కూతురితో పాటుగా పెళ్లికొచ్చిన చాలా మంది ఆకు పచ్చ గాజులనే వేసుకుంటుంటారు. ఈ విషయం అందరికీ తెలిసిందే. అసలు ఆకుపచ్చ గాజులనే ఎందుకు వేసుకుంటారో ఎప్పుడైనా ఆలోచించారా? 

పెళ్లి సమయంలో, ఆ తర్వాత ఆడవాళ్లు ఖచ్చితంగా గాజులను వేసుకోవాలని పురాణాలు వెల్లడిస్తున్నాయి. నిజానికి గాజులకు హిందూ మతంలో చాలా ప్రాముఖ్యత ఉంది. ఈ గాజులు భార్యాభర్తల బంధాన్ని బలోపేతం చేయడానికి సహాయపడతాయని నమ్ముతారు. అయితే పెళ్లిలో ప్రతి ఒక్కరూ ఆకు పచ్చ గాజులనే వేసుకుంటుంటారు. అసలు ఆకుపచ్చ గాజులనే ఎందుకు వేసుకోవాలి? వీటిని వేసుకుంటే కలిగే ప్రయోజనాల గురించి ఇప్పుడు తెలుసుకుందాం పదండి. 

గాజుల ప్రాముఖ్యత

పెళ్లైన ఆడవారు ఖచ్చితంగా గాజులను వేసుకోవాలనే నియమం ఉంది. ముఖ్యంగా పెళ్లికి చాలా మంది ఆకుపచ్చ, ఎర్ర గాజులనే వేసుకుంటుంటారు. ఈ ఆకుపచ్చ గాజులు వేసుకోవడాన్ని శుభప్రదంగా భావిస్తారు. అందుకే శుభకార్యానికి పచ్చని గాజులను వేసుకోవాలంటారు. 

బాధలు దూరమవుతాయి

ఆడవాళ్లు రెండు చేతులకు ఆకుపచ్చని గాజులను వేసుకోవడం వల్ల వారికున్న అన్ని రకాల బాధలు తొలగిపోతాయని నమ్ముతారు. ఇది భార్యాభర్తల మధ్య బంధాన్ని బలోపేతం చేయడానికి కూడా సహాయపడుతుందని జ్యోతిష్యులు చెబుతున్నారు. 

పాజిటివిటీ

ఆకుపచ్చ గాజులను వేసుకోవడం వల్ల ఆడవారి శరీరంలో పాజిటివ్ ఎనర్జీ వస్తుందని నమ్ముతారు. ఆకుపచ్చని గాజులు జీవితంలో నెగిటివిటీని తొలగించి లైఫ్ ను ఆనందంగా, సంతోషంగా చేస్తుందని జ్యోతిష్యులు చెబుతున్నారు. 

సమృద్ధికి చిహ్నం 

ఆకుపచ్చ రంగు బుధ గ్రహానికి సంబంధించినది. దీని బలం జీవితంలో సౌభాగ్యాన్ని తెస్తుంది. అలాగే ఆకుపచ్చ గాజులను వేసుకోవడం వల్ల ఆడవాళ్లు ప్రతి పనిలో విజయం సాధిస్తారు.

వైవాహిక జీవితం ఆనందం

జ్యోతిష్య శాస్త్రం ప్రకారం.. వైవాహిక జీవితం ఆనందంగా ఉండాలంటే చేతులకు ఆకుపచ్చని గాజులను ఖచ్చితంగా వేసుకోవాలి. ఈ ఆకుపచ్చని గాజులు ఆడవాళ్లకు అదృష్టాన్ని తెస్తుందని కూడా నమ్మకం ఉంది. 

శివపార్వతుల ఆశీస్సులు

రెండు చేతులకు ఆకుపచ్చని గాజులను వేసుకోవడం వల్ల శివపార్వతుల అనుగ్రహం లభిస్తుందనే నమ్మకం కూడా ఉంది. ఈ గాజులు శుభం, శ్రేయస్సుకు చిహ్నంగా కూడా పరిగణిస్తారు. 

bangles

అదృష్టం 

పెళ్లి తర్వాత ఆకుపచ్చని గాజులను వేసుకోవడాన్ని శుభప్రదంగా భావిస్తారు. వివాహిత స్త్రీలకు అకుంఠిత శుభం ఆశీర్వాదం లభిస్తుందని నమ్ముతారు.