Coconut oil: రాత్రి పడుకునే ముందు ముఖానికి పెడితే ఏమౌతుంది?
కొబ్బరి నూనె మన జుట్టుకు ఎంతటి మేలు చేస్తుందో అందరికీ తెలిసిందే. కానీ ఇది మన చర్మానికి కూడా ప్రయోజనకరంగా ఉంటుంది తెలుసా? అసలు దీన్ని రాత్రిపూట ముఖానికి రాస్తే ఏమౌతుందో తెలుసా?
మనకు మార్కెట్ లో ఎన్నో రకాల నూనెలు దొరుకుతాయి. కానీ వీటిలో చాలా మంది వాడేది కొబ్బరి నూనెనే. ఇప్పటి నుంచి కాదు.. ఎన్నో ఏండ్ల నుంచి కొబ్బరి నూనెను వాడుతూ వస్తున్నారు. ఎందుకంటే దీనిలో అన్ని ప్రయోజనాలు దాగున్నాయి కాబట్టి. కొబ్బరి నూనెను జుట్టుకు వాడటం వల్ల జుట్టు రాలడం తగ్గుతుంది.
వెంట్రుకలు నల్లగా ఉంటాయి. అలాగే మంచి స్మూత్ గా, షైనీగా కూడా ఉంటుంది. అంతేకాదు వెంట్రుకలు హైడ్రేట్ గా, హెల్తీగా ఉంటాయి. అందుకే చాలా మంది కొబ్బరి నూనెనే జుట్టుకు ఎక్కువగా వాడుతారు. అయితే ఇది కేవలం మన జుట్టుకు మాత్రమే కాదు.. మన చర్మానికి కూడా ప్రయోజనకరంగా ఉంటుంది.
నిపుణుల ప్రకారం.. కొబ్బరి నూనె మన చర్మానికి చాలా మంచిది. ఇది చర్మాన్ని పొడిబారకుండా చేస్తుంది. అలాగే ఎన్నో చర్మ సమస్యలను తగ్గిస్తుంది. కాబట్టి ముఖానికి కొబ్బరి నూనెను ఎలా వాడాలో ఇప్పుడు తెలుసుకుందాం పదండి.
ముఖానికి కొబ్బరి నూనెను పెట్టడం వల్ల కలిగే ప్రయోజనాలు
చర్మ సమస్యలను నయమవుతాయి
స్వచ్ఛమైన కొబ్బరి నూనె మన చర్మానికి ఎంతో మేలు చేస్తుంది. ముఖ్యంగా ఇది చర్మ సమస్యలను ఫాస్ట్ గా నయం చేయడానికి సహాయపడుతుంది. దీన్ని ఉపయోగించడం వల్ల చర్మంలో కొల్లాజెన్ ఉత్పత్తి పెరుగుతుంది. అలాగే యాంటీ ఆక్సిడెంట్లు కూడా పెరుగుతాయి. దీనివల్ల చలికాలంలో స్కిన్ డల్ నెస్, డ్రై స్కిన్ వంటి సమస్యలు తగ్గుతాయి.
skin care
చర్మాన్ని మాయిశ్చరైజ్ చేస్తుంది
కొబ్బరి నూనె మన చర్మానికి మంచి పోషణనిస్తుంది. ఈ నూనెలో విటమిన్ ఇ, ప్రో విటమిన్ ఎ, పాలీఫెనాల్స్ పుష్కలంగా ఉంటాయి. అలాగే అనాల్జేసిక్, యాంటీ ఇన్ఫ్లమేటరీ, యాంటీ క్యాన్సర్ లక్షణాలు కూడా మెండుగా ఉంటాయి. ఇవి మన చర్మాన్ని మాయిశ్చరైజ్ చేయడంలో చాలా ఎఫెక్టీవ్ గా పనిచేస్తాయి. చలికాలపు పొడి నుంచి మన చర్మాన్ని రక్షించడంలో కొబ్బరి నూనె బాగా సహాయపడుతుంది.
వృద్ధాప్యాన్ని నివారించడానికి సహాయపడుతుంది
కొబ్బరి నూనెలో యాంటీ బాక్టీరియల్, యాంటీ ఇన్ఫ్లమేటరీ, మాయిశ్చరైజింగ్ లక్షణాలు పుష్కలంగా ఉంటాయి. ఇవి మన చర్మాన్ని తేమగా ఉంచుతాయి. అలాగే చర్మ సమస్యలను తగ్గిస్తాయి. రాత్రిపూట కొబ్బరి నూనెను ముఖానికి పెట్టడం వల్ల సహజంగా చర్మంలో కొల్లాజెన్ ఉత్పత్తి పెరుగుతుంది. ఇది మీ చర్మానికి రక్షణగా ఉంటుంది.
రాత్రిపూట ముఖానికి కొబ్బరినూనె ఎలా అప్లై చేయాలి?
మీ ముఖ చర్మం నీరసంగా, డ్రై గా ఉంటే.. కొబ్బరి రూనె మీ చర్మానికి మంచి పోషణను అందిస్తుంది. ఇది ఒక మంచి మాయిశ్చరైజర్ గా పనిచేస్తుంది. ఇందుకోసం కొబ్బరినూనెలో అలోవెరా జెల్, రైస్ వాటర్, గ్లిజరిన్ మిక్స్ చేసి క్రీమ్ గా తయారుచేయొచ్చు. లేదంటే కొబ్బరి నూనెను మీ ముఖానికి పెట్టి కొద్దిసేపు మసాజ్ చేసి రాత్రంతా అలాగే వదిలేయాలి.