ఇదొక్కటీ పెడితే.. తెల్ల జుట్టు నల్లగా మారుతుంది

ప్రస్తుత కాలంలో చిన్న పిల్లల నుంచి పెద్దవారి వరక ప్రతి ఒక్కరికీ తెల్ల వెంట్రుకలు వస్తున్నాయి. ఒకప్పుడు మాత్రం 40,50 ఏండ్లున్న వారికి మాత్రమే వచ్చేవి. తెల్ల వెంట్రుకలు రావడానికి ఎన్నో కారణాలు ఉన్నాయి. జెనెటిక్స్, పర్యావరణం, జీవనశైలి వంటి చాలా కారణాల వల్ల చాలా మందికి చిన్న వయస్సులోనే గ్రే హెయిర్ రావడం ప్రారంభమవుతుంది. అయితే తెల్ల వెంట్రుకలను కనిపించకుండా చేయడానికి మార్కెట్ లోకి ఎన్నో ప్రొడక్ట్స్ వస్తున్నాయి. వీటిని యూజ్ చేసినా.. వారంలోపల మళ్లీ వెంట్రుకలు తెల్లగా అవుతాయి. అంతేకాకుండా.. వీటిలో కెమికల్స్ కూడా ఉండే అవకాశం ఉంది. వీటిని జుట్టుకు పెడితే.. జుట్టు డ్యామేజ్ అయ్యి వెంట్రుకలు ఊడిపోయే అవకాశం ఉంది. 

కానీ బీట్ రూట్ తో చేసిన హెయిర్ ప్యాక్ ను ఉపయోగిస్తే మాత్రం ఇలాంటి సమస్యలేమీ రావు. నిజానికి బీట్ రూట్ లో ఎన్నో రకాల పోషకాలు ఉంటాయి. ఇవి మన ఆరోగ్యాన్ని కాపాడటమే కాకుండా.. జుట్టుకు కూడా మేలు చేస్తాయి. అయితే బీట్ రూట్ ప్యాక్ తెల్లజుట్టుకు ఎలా పనిచేస్తుంది? దీన్ని ఎలా ఉపయోగించాలో ఇప్పుడు తెలుసుకుందాం పదండి.  

బీట్ రూట్ ప్యాక్ ను ఎలా తయారుచేయాలి? 

ఒక చిన్న బీట్ రూట్ ముక్కను తీసుకుని అందులో ఒక టీస్పూన్ రోజ్ వాటర్ ను మిక్స్ చేసి పేస్ట్ లా చేసుకోండి. తయారుచేసిన ఈ పేస్ట్ ను మీ జుట్టుకు బాగా అప్లై చేయండి. ఆ తర్వాత చేతులతో నెమ్మదిగా మసాజ్ చేయండి. దీన్ని 1 గంట పాటు వదిలేయండి. ఆ తర్వాత గోరువెచ్చని నీటితో కడిగేయాలి.
 

తెల్ల వెంట్రుకలు రాకుండా ఉండాలంటే మాత్రం మీరు ఈ బీట్ రూట్ హెయిర్  మిశ్రమాన్ని వారానికి రెండుసార్లు వాడండి. ఇలా మీరు క్రమం తప్పకుండా వాడితే తెల్ల జుట్టు కాస్త మళ్లీ నల్లగా, షైనీగా మారుతుంది.

జుట్టుకు బీట్ రూట్ ప్రయోజనాలు

మన జుట్టు పెరగడానికి, జుట్టు నల్ల రంగులో ఉండటానికి కొల్లాజెన్ చాలా అవసరం. బీట్ రూట్ లో ఉండే విటమిన్ సి కొల్లాజెన్ ఉత్పత్తికి ఎంతగానో సహాయపడుతుంది. కాబట్టి బీట్ రూట్ ను ఉపయోగించడం వల్ల మళ్లీ మీ వెంట్రుకలు నల్లగా మారుతాయి.