ముఖానికి ఏవి పెట్టకూడదో తెలుసా?

ఆడవాళ్లు అందంగా కనిపించేందుకు రకరకాల ప్రయత్నాలు చేస్తుంటారు. వివిధ కాస్మటిక్ స్కిన్ ప్రొడక్ట్స్ ను వాడుతుంటారు. కానీ వీటిలో కెమికల్స్ ఉంటాయి. ఇవి చర్మాన్ని దెబ్బతీస్తాయి. ఉన్న అందాన్ని కూడా పాడుచేస్తాయి. అలాగే చాలా మంది ముఖానికి ఏవేవో వాడుతుంటారు. ఇవి ముఖానికి వాడాల్సినవా? కావా? అని కూడా తెలుసుకోరు. కానీ కొన్నింటిని ముఖానికి అస్సలు పెట్టకూడదు. అవేంటంటే? 
 

బాడీ లోషన్స్

చాలా మంది బాడీ లోషన్స్ ను ఉపయోగిస్తుంటారు. బాడీ లోషన్లను సాధారణంగా చేతులు, కాళ్లు, తొడలు, వెనుక భాగంలో అంటే కఠినంగా ఉండే మందపాటి చర్మానికి ఉపయోగిస్తారు. అయితే కొంతమంది బాడీ లోషన్ ను ముఖానికి కూడా పెడుతుంటారు. కానీ ఇది ముఖం సున్నితమైన చర్మాన్ని దెబ్బతీస్తుంది. అందుకే బాడీ లోషన్ ను ముఖానికి పెట్టకూడదు.
 

వేడి నీళ్లు

వేడి వేడి నీళ్లను ముఖాన్ని పొరపాటున కూడా కగడకూడదు. ఎందుకంటే వేడి నీళ్లతో ముఖాన్ని కడగడం వల్ల ముఖానికి గాయాలు అవుతాయి. అలాగే చర్మం నుంచి సహజ తేమ కూడా తొలగిపోతుంది. ఇది నేచురల్ ఆయిల్స్ ను తొలగించి, చర్మాన్ని పొడిబారేలా చేస్తుంది. అలాగే మొటిమలు అయ్యేలా చేస్తుంది. వేడి నీళ్లు  తామర, గాయాలు మొటిమలు, హైపర్పిగ్మెంటేషన్ వంటి ఇతర చర్మ సమస్యలను కలిగిస్తుంది.
 

టూత్ పేస్ట్

టూత్ పేస్ట్ ముఖ చర్మానికి హానికరం. ఎందుకంటే దీనిలో పదార్థాలు, రసాయనాలు ఉంటాయి. ఇవి ముఖ చర్మ రంధ్రాలు మూసుకుపోయేలా చేస్తాయి. ఇది చర్మాన్ని చికాకుపెడుతుంది. అలాగే చర్మ వాపు,ఎరుపునకు కారణమవుతుంది. టూత్ పేస్ట్ చర్మ పెరుగుదలకు కారణం కావడమే కాకుండా ముఖంలోని ఆయిల్ గ్రంథిని కూడా ప్రేరేపిస్తుంది. దీంతో మీ ముఖం ఆయిలీగా అవుతుంది.
 

హెయిర్ ప్రొడక్ట్స్

ముఖానికి ఎలాంటి హెయిర్ ప్రొడక్ట్స్ ను వాడకూడదు. ఎందుకంటే ఇవి చర్మంపై ప్రతిచర్యలకు కారణమవుతాయి. ముఖానికి హెయిర్ ప్రొడక్ట్స్ ఉపయోగించడం వల్ల వాటిలో ఉండే కఠినమైన రసాయనాలు, సువాసనల మీ ముఖంపై చికాకు, వాపునకు  దారితీస్తాయి. 
 

వంట నూనెలు

కొబ్బరి నూనె లేదా ఆలివ్ ఆయిల్ వంటి వంట నూనెలను నేరుగా మీ ముఖానికి అప్లై చేయకూడదు. ఎందుకంటే ఇవి కొన్ని రకాల చర్మ సమస్యలకు దారితీస్తాయి. అలాగే ఈ నూనెలలో హైడ్రోజనేటెడ్ కొవ్వులు కూడా ఎక్కువగా ఉంటాయి. ఇవి మొటిమలు, ఇతర చర్మ సమస్యలను కలిగిస్తాయి.