ఈ స్టార్ కిడ్స్.. చదువుల్లో సరస్వతులు..!

ఈ కింది స్టార్స్ మాత్రం.. నటనలో ఇరగదీస్తున్నా.. చదువు విషయంలోనూ తాము సరస్వతీ దేవి పుత్రులు, పుత్రికలు అని నిరూపించుకున్నారు. బాలీవుడ్ లో బాగా చదువుకున్న స్టార్స్ కిడ్స్  ఎవరో ఓసారి చూద్దాం.. 

సినిమా రంగం ఓ కలల ప్రపంచం. అందులోకి అడుగుపెట్టడం అంత సులువేమీ కాదు. దాని కోసం చాలా కష్టపడాల్సి ఉంటుంది. ఒక్కసారి అడుగుపెట్టిన తర్వాత, తమ టాలెంట్ చూపించి, అభిమానులను సంపాదించుకోవాల్సి ఉంటుంది. ఈ విషయంలో స్టార్ కిడ్స్ కాస్త అదృష్టవంతులే. వారు ఈ సినిమా రంగంలోకి అడుగుపెట్టకముందే ఫ్యాన్స్ ఉంటారు. వారి పేరెంట్స్ కి ఉన్న అభిమానులే.. వీరిని కూడా అభిమానించడం మొదలుపెడుతూ ఉంటారు. ఆ తర్వాత వారి నటనతో మరింత మందిని సంపాదించుకుంటారు. అయితే..చాలా మంది ఈ స్టార్ కిడ్స్ కి చదువు సరిగా రాకపోవడం వల్లే.. మళ్లీ సినిమాల్లోకి వచ్చారు అని అనుకుంటూ ఉంటారు. కానీ, ఈ కింది స్టార్స్ మాత్రం.. నటనలో ఇరగదీస్తున్నా.. చదువు విషయంలోనూ తాము సరస్వతీ దేవి పుత్రులు, పుత్రికలు అని నిరూపించుకున్నారు. బాలీవుడ్ లో బాగా చదువుకున్న స్టార్స్ కిడ్స్  ఎవరో ఓసారి చూద్దాం..

1.ఆర్యన్ ఖాన్..
 బాలీవుడ్ బాద్షా షారూక్ ఖాన్ కి పరిచయం అవసరం లేదు. ఆయన పెద్ద కుమారుడు ఆర్యన్ ఖాన్ కూడా అందరికీ సుపరిచితమే. ఇప్పుడిప్పుడే ఇండస్ట్రీలోకి అడుగుపెట్టాలని అనుకుంటున్నాడు. యూనివర్శిటీ ఆఫ్ సదరన్ కాలిఫోర్నియాలో అయాన్ తన స్కూలింగ్ చేశాడు.  మార్షల్ ఆర్ట్స్ లోనూ నైపుణ్యం సాధించాడు. అదేవిధంగా తైక్వాండోలో బ్లాక్ బెల్టు కూడా సాధించాడు.

2.జాన్వీ కపూర్..
అలనాటి అందాల తార శ్రీదేవి, నిర్మాత బోనీ కపూర్ ల పెద్ద కుమార్తె జాన్వీ కపూర్ కూడా అందరికీ సుపరిచితమే. బాలీవుడ్ లో కెరీర్ మొదలుపెట్టి, టాలీవుడ్ లోనూ దేవర మూవీతో సత్తా చాటడానికి రెడీ అవుతోంది. ఈ బ్యూటీ కూడా చదువులో సరస్వతీ పుత్రికే. యూఎస్ లోని లీ స్ట్రాస్ బర్గ్ ఫిల్మ్ యూనివర్శిటీలో చదువుకుంది. అంతకముందు ధీరూభాయ్ అంబానీ ఇంటర్నేషనల్ స్కూల్ లోనూ చదివింది.

3.సారా అలీఖాన్..
బాలీవుడ్ హీరో సైఫ్ అలీఖాన్ కి కూడా పరిచయం అవసరం లేదు. దక్షిణాదిన కూడా రీసెంట్ గా విలన్ పాత్రలు చేస్తున్నారు. ఆయన ముద్దుల కుమార్తె సారా అలీఖాన్ బాలీవుడ్ లో సత్తా చాటుతోంది. సారా కొలంబియా యూనివర్శిటీలో గ్రాడ్యుయేషన్ పూర్తి చేసింది. తనకు హిస్టరీ,పొలిటికల్ సైన్స్ లో డిగ్రీ కూడా ఉంది.

4.నవ్య నవేలి నందా..
బిగ్ బీ అమితాబచ్చన్ కుమార్తె శ్వేతా నందా చాలా తక్కువ మందికి తెలిసి ఉంటుంది. ఆమె కుమార్తె నవ్య నవేలి నందా మాత్రం నెటజన్లకు సుపరిచితమే. బిగ్ బీ మనవరాలిగా ఎక్కువ మందికి తెలుసు. ఈ బ్యూటీ కూడా న్యూ యార్క్ సిటీలో డిజిటల్ టెక్నాలజీలో డిగ్రీ సంపాదించింది.

5.సుహానా ఖాన్..
షారూక్ ఖాన్ ముద్దుల కుమార్తె సుహానా. రీసెంట్ గా తన యాక్టింగ్ కెరీర్ ని మొదలుపెట్టింది. న్యూ యార్క్ యూనివర్శిటీలో గ్రాడ్యుయేషన్ పూర్తి చేసింది. ధీరూభాయ్ అంబానీ ఇంటర్నేషనల్ స్కూల్లోనూ చదవింది.

Varun Dhawan

6.వరుణ్ ధావన్..
బాలీవుడ్ లో వరసగా సినిమాలు అందుకుంటూ దూసుకుపోతున్న మరో హీరో వరుణ్ ధావన్. ఈయంగ్ హీరో కూడా స్టార్ కిడ్ అనే విషయం స్పెషల్ గా చెప్పక్కర్లేదు. వరుణ్ ధావన్ నొటింగమ్ ట్రెంట్ యూనివర్శిటీలో బిజినెస్ స్టడీస్ లో డిగ్రీ పట్టా అందుకున్నాడు.