Saree Run: అమ్మాయి చీర కట్టి.. బుల్లెట్ నడిపితే ఆ గ్రేసే వేరు..!

14

saree run

మహిళల ఆరోగ్యం, ఫిట్నెస్, సంప్రదాయాన్ని ప్రతిబంబిస్తూ హైదరాబాద్ మహానగరంలో స్పెషల్ గా శారీ రన్ నిర్వహించారు. ప్రముఖ బ్రాండ్ తనైరా, బెంగళూరుకు చెందిన జెజె యాక్టివ్ కలిసి నిర్వహించిన ఈ కార్యక్రమంలో దాదాపు 3,120 మంది మహిళలు చీరలు ధరించి రన్నింగ్ చేయడం విశేషం. 

24

నక్లెస్ రోడ్డులోని పీపుల్ ప్లాజా వద్ద ఈ శారీ రన్ ప్రారంభం అయ్యింది. ఈ కార్యక్రమంతో మహిళల్లో ఆరోగ్యంపై అవగాహన పెంచడంతోపాటు, మహిళా సాధికారతను ప్రోత్సహించే శక్తివంతమైన సందేశాన్ని  అందించారు. మొదట కొందరు మహిళలు బులెట్ బండి పై చీర కట్టుకొని నడపడం విశేషం. ఆ తర్వాత శారీ రన్ నిర్వహించారు

34

ఫిట్‌నెస్, సంప్రదాయ సమ్మేళనం
తనైరా శారీ రన్‌ను జెజె యాక్టివ్ కోచ్ ప్రమోద్ ప్రారంభించారు. ఈ కార్యక్రమం ద్వారా ఆధునిక జీవనశైలిలో కూడా సంప్రదాయ వస్త్రధారణను ఎలా చొప్పించుకోవచ్చు అనే సందేశాన్ని స్ఫురింపజేశారు. చీర కేవలం ఒక వస్త్రం కాదు, అది బలం, వ్యక్తిత్వం, స్ఫూర్తి కి  (ప్రతీక). మహిళలను ఆరోగ్యాన్ని ప్రాధాన్యతనివ్వమని ప్రోత్సహించడంతో పాటు, వారు ఎదుర్కొనే సాంఘిక అడ్డంకులను అధిగమించేలా ప్రేరేపించడం ఈ కార్యక్రమ ప్రధాన ఉద్దేశం.

మహిళల కోసం ఓ శక్తివంతమైన వేదిక
ఈ కార్యక్రమం గురించి తనైరా సీఈఓ అంబుజ్ నారాయణ్ మాట్లాడుతూ, “తనైరా శారీ రన్ మహిళల బలం, సంప్రదాయం, ఆధునికత మధ్య ఉన్న అందమైన అనుసంధానాన్ని చూపిస్తుంది. మహిళలు తమ వారసత్వాన్ని గర్వంగా ధరిస్తూనే, ఆరోగ్యాన్ని కూడా సమానంగా ప్రాధాన్యతనివ్వాలి. చీర నేటి ఆధునిక జీవనశైలికి అనుగుణంగా ఎలా సరిపోతుందో ఈ కార్యక్రమం ద్వారా వెల్లడిస్తున్నాము” అని తెలిపారు.

44

జెజె యాక్టివ్ కోచ్ ప్రమోద్ మాట్లాడుతూ, “సామాన్యంగా మహిళలు తమ కుటుంబాల కోసం ఎంతో సమయాన్ని వెచ్చిస్తారు. అయితే, తమ ఆరోగ్యాన్ని కూడా సమానంగా చూసుకోవాలి. తనైరా శారీ రన్‌ వంటి కార్యక్రమాలు మహిళలకు ఆరోగ్యంపై దృష్టిపెట్టేలా ప్రోత్సహించడమే కాకుండా, ఒకరికొకరు మద్దతుగా నిలిచే వేదికగా మారుతున్నాయి” అని వివరించారు.

ఇప్పటికే బెంగళూరు, అహ్మదాబాద్, చెన్నై వంటి నగరాల్లో విజయవంతమైన తనైరా శారీ రన్, ఇప్పుడు హైదరాబాద్‌లోనూ విశేష స్పందన పొందింది. మహిళల ఆరోగ్యం, ఫిట్‌నెస్, సాధికారతపై శక్తివంతమైన సందేశాన్ని అందిస్తూ, ఈ కార్యక్రమం మరెందరో మహిళలకు స్ఫూర్తిగా నిలుస్తోంది.