జుట్టు నూనె నూనె ఉంటే ఏం చేయాలి?

ఆడవాళ్లైనా, మగవారైనా జుట్టు ఒత్తుగా, నల్లగా, హెల్తీగా ఉండాలని కోరుకుంటారు. ఇలా మీరు కోరుకున్నట్టు మీ జుట్టు ఉండాలంటే జుట్టు సంరక్షణ ఖచ్చితంగా ఉండాలంటారు నిపుణులు. అయితే చాలా మంది జుట్టును సరిగ్గా చూసుకోకపోవడంతో నెత్తిమీద చుండ్రు, డ్రై హెయిర్, హెయిర్ ఫాల్ వంటి సమస్యలు వస్తాయి. 
 

ముఖ్యంగా కొంతమంది జుట్టు ఎప్పుడూ జిడ్డుగానే కనిపిస్తుంది. స్నానం చేసినా.. జుట్టులో నూనె కనిపిస్తుంటుంది.దీనివల్ల జుట్టు హెల్తీగా కనిపించదు. ఎప్పుడూ నూనె నూనె కనిపించడం వల్ల జుట్టు అందంగా కూడా కనిపించదు.

ఎందుకంటే నెత్తిమీద ఎక్కువ నూనె వల్ల జుట్టు మురికిగా కనిపిస్తుంది. అలాగే దీనికి దుమ్ము, దూళి కణాలు కూడా అంటుకుంటాయి. దీనివల్ల నెత్తిమీద చుండ్రు ఏర్పడుతుంది. విపరీతంగా దురద పెడుతుంది. అందుకే ఈ అదనపు నూనెను తొలగించడానికి ఏం చేయాలో ఇప్పుడు తెలుసుకుందాం పదండి. 
 

హెయిర్ వాష్

ఆయిలీ జుట్టు చాలా తొందరగా మురికిగా మారుతుంది. ఎందుకంటే ఆయిలీ జుట్టుకు దుమ్ము, ధూళి బాగా అంటుకుంటాయి. వీటివల్ల జుట్టు ఆరోగ్యం దెబ్బతినడంతో పాటుగా హెయిర్ ఫాల్ కూడా వస్తుంది. దీనికోసమని చాలా మంది ప్రతిరోజూ లేదా రోజు తప్పించి రోజు షాంపూతో తలస్నానం చేస్తుంటారు. కానీ జుట్టును ప్రతిరోజూ షాంపూతో క్లీన్ చేయకూడదు.

 ఎందుకంటే దీనివల్ల కూడా నెత్తిమీద ఎక్కువ నూనె ఉత్పత్తి అవుతుంది. అలాగే జుట్టు ఆరోగ్యం కూడా దెబ్బతింటుంది. కాబట్టి వారానికి 2 సార్లు షాంపూతో తలస్నానం చేయండి. ఇంతకంటే ఎక్కువ సార్లు తలస్నానం చేస్తే జుట్టులో నూనె ఎక్కువగా పేరుకుపోతుంది. అలాగే మీ జుట్టు ఆరోగ్యం దెబ్బతింటుంది. దీనివల్ల మీరు మీ జుట్టును నచ్చిన విధంగా స్టైల్ చేయలేరు. 
 

సరైన కండీషనర్ 

యాడ్స్, వేరేవాళ్లు చెప్పిన చిట్కాలను చాలా మందికి ఫాలో అయ్యే అలవాటు ఉంటుంది. కానీ వీటివల్ల జుట్టు బాగా దెబ్బతింటుంది. ఏదైనా సరే అది జుట్టుకు మంచి చేస్తుందా? చెడు చేస్తుందా? అని తెలుసుకున్న తర్వాతే ఉపయోగించాలంటారు నిపుణులు. 

ముఖ్యంగా చాలా మంది కండిషనర్లలో ఎక్కువ తప్పులు చేస్తుంటారు. జుట్టు ఆరోగ్యంగా ఉండాలంటే మాత్రం తలకు సరైన కండీషనర్ ను ఉపయోగించాలి. అలాగే దీన్ని నెత్తిమీద అస్సలు పెట్టకూడదు. ఎందుకంటే కండీషనర్ నెత్తిని జిగటగా మారుస్తుంది. అలాగే మురికిగా అయ్యేలా చేస్తుంది. కాబట్టి జుట్టుకు సరిపోయే మంచి కండీషనర్ ను ఉపయోగించండి. 
 

ఈ చిట్కాలను పాటిస్తే మీ జుట్టు జిగటగా, జిడ్డుగా కనిపించదు. అలాగే నెత్తిమీద చుండ్రు తగ్గుతుంది. జుట్టు రాలడం కూడా చాలా వరకు కంట్రోల్ అవుతుంది. అయితే ఇందుకోసం ఈ చిట్కాలను సరైన పద్దతుల్లో పాటించాలని నిపుణులు చెబుతున్నారు.