సాయి పల్లవి అందమైన కురుల వెనక రహస్యం ఇదే..!

సాయి పల్లవి అందంలో... ఆమె జుట్టుది కీలక పాత్ర అని చెప్పొచ్చు. ఆమె ఉంగరాల జుట్టు ఆమెకు మరింత అందాన్ని తీసుకువస్తుంది.

దక్షిణాదిన వరస విజయాలతో దూసుకుపోతున్న నటి సాయి పల్లవి.  ఇటీవల లవ్ స్టోరీతో గ్రాండ్ సక్సెస్ అందుకుంది ఈ బ్యూటీ.

ఇక సాయి పల్లవి నటించింది అంటే చాలు.. సినిమా మినిమమ్ గ్యారెంటీ అనే పేరు పడిపోయింది. కేవలం ఆమె  కోసమే సినిమాని వెళ్లి చూసేవారు పెరిగిపోయారు. ఆమె డ్యాన్స్ చూస్తే ఎవరైనా ఫిదా అవ్వాల్సిందే.

కాగా.. సాయి పల్లవి అందంలో... ఆమె జుట్టుది కీలక పాత్ర అని చెప్పొచ్చు. ఆమె ఉంగరాల జుట్టు ఆమెకు మరింత అందాన్ని తీసుకువస్తుంది.

మరి ఆ జట్టు అంత అందంగా ఉంచేందుకు సాయి పల్లవి ఎలాంటి జాగ్రత్తలు తీసుకుంటుందో.. తన బ్యూటిఫుల్ హెయిర్ సీక్రెట్ ఏంటో మనమూ తెలుసుకుందామా..

సాయి పల్లవి నేచురల్ బ్యూటీ అని చెప్పొచ్చు. సినిమాల్లో తప్ప.. బయట పెద్దగా మేకప్ వేసుకొని కనిపించాలని అనుకోదు. సహజంగా కనపడాలని అనుకుంటుంది.

ఇక బ్యూటీ ని కాపాడుకోవడానికి ఆమె ముఖ్యంగా ఆర్గానిక్ ప్రొడక్ట్స్ మాత్రమే వినియోగిస్తారు. కేవలం ముఖానికి మాత్రమే కాదు.. తన జుట్టు ఆరోగ్యంగా పెరగడానికి కూడా ఆమె ఆర్గానిక్ ఉత్పత్తులను ఎంచుకుంటారట.

sai pallavi

తన జట్టు అందంగా, ఆరోగ్యంగా ఉండటానికి తాను ఏం చేస్తానే అనే విషయాన్ని ఇటీవల సాయి పల్లవి ఓ ఇంటర్వ్యూలో వివరించింది. ఆరోగ్యకరమైన ఆహారం తీసుకుంటానని ఆమె చెప్పింది. అంతేకాకుండా.. వారానికి మూడు సార్లు తాను తల స్నానం చేస్తానని చెప్పింది. జట్టు ఊడిపోకుండా ఉండాలంటూ ప్రతిరోజూ దేవుడిని కోరుకుంటుందట.

ఇక తన జట్టు ఆరోగ్యానికి తాను సహజమైన ఉత్పత్తులు కలబంద లాంటివి  వాడతానని చెప్పడం గమనార్హం. ఆ కలబంద గుజ్జు కారణంగానే తన జట్టు ఆరోగ్యంగా పెరుగుతుందని సాయి పల్లవి చెప్పడం విశేషం.