తలస్నానానికి ముందు ఆయిల్ పెడుతున్నారా? ఈ పొరపాట్లు చేయకండి

తలస్నానం చేయడానికి ముందు చాలా మంది జుట్టుకు ఆయిల్ పెడుతూ ఉంటారు. నిజంగా అలా చేయవచ్చా..? జుట్టుకు నూనె రాసుకున్న తర్వాత ఏం చేయాలి? ఏం చేయకూడదు అనే విషయాలు ఇప్పుడు తెలుసుకుందాం.. 

తలస్నానం చాలా మంది రెగ్యులర్ గా చేస్తూ ఉంటారు. జుట్టు ఆరోగ్యంగా ఉండాలంటే కనీసం వారానికి రెండు, మూడు సార్లు అయినా తలస్నానం చేయాలి అని చెబుతూ ఉంటారు. అయితే.. తలస్నానానికి ముందు జుట్టుకు ఆయిల్ పెట్టాలి అని కొందరు చెబుతుంటారు. ఆయుర్వేదం ప్రకారం.. ఇలా చేయడం జుట్టు అందాన్ని పెంచడంలో సహాయం చేస్తుందట.  కేవలం జుట్టుకు మాత్రమే కాదు.. శరీరం మొత్తానికి ఆయిల్ అప్లై చేసి.. ఆ తర్వాత స్నానం చేయాలట. ఇలా చేయడం వల్ల  చాల ా రకాల చర్మ సమస్యలు రాకుండా నివారించవచ్చట.

శరీరానికి నూనె రాసి, ఆ తర్వాత బాత్ చేయడం వల్ల చాలా ప్రయోజనాలు ఉన్నాయి. ఇలా చేయడం వల్ల  శరీర ఉష్ణాన్ని తగ్గిస్తుంది, గాఢ నిద్రను ఇస్తుంది, శరీర నొప్పులను తగ్గిస్తుంది, చర్మం, జుట్టుకు మెరుపును ఇస్తుంది. కీళ్ల నొప్పులు ఉంటే, కీళ్లకు నూనె రాసి మసాజ్ చేసి స్నానం చేస్తే చాలా మంచిది. ఆ నొప్పులు తగ్గిన అనుభూతి కలుగుతుంది.

ఆయిల్ బాత్ ఎవరికి మంచిది కాదు:

అయితే.. అందరూ ఇలా ఆయిల్ బాత్ చేయకూడదట.  గర్భిణీ స్త్రీలు, తీవ్ర అనారోగ్యంతో బాధపడేవారు, శరీరంపై గాయాలు ఉన్నవారు, ఋతు సమస్యలు ఉన్నవారు, క్యాన్సర్ ఉన్నవారు, శరీరంలో తీవ్రమైన నొప్పి ఉన్నవారు, కఫ సమస్యలు ఉన్నవారు ఆయిల్ బాత్ చేయకపోవడమే మంచిది. పుట్టిన 15 రోజుల శిశువు నుండి మిగతా అందరికీ ఆయిల్ బాత్ మంచిది.

ఆయిల్ బాత్ చేసేటప్పుడు చేయకూడనివి

ఆయిల్ బాత్ చేసేటప్పుడు చేయకూడనివి:

1. చల్లటి నీళ్ళతో స్నానం చేయకండి. మామూలు వేడి నీటితో స్నానం చేయాలి. స్నానం తర్వాత తలను బాగా ఆరనివ్వండి.

2. గాలి ఎక్కువగా తగిలే ప్రదేశాల్లో ఉండకండి. చల్లటి గాలి తగిలితే జలుబు చేసే అవకాశం ఉంది. ఎండలో కూడా ఎక్కువసేపు ఉండకండి. శరీర ఉష్ణోగ్రత పెరిగి ఇబ్బంది కలుగుతుంది.

3. పగటిపూట నిద్రపోకండి. శరీరంలోని నవద్వారాల ద్వారా ఉష్ణం బయటకు వెళుతుంది. కళ్ళు కూడా నవద్వారాల్లో ఒకటి. కాబట్టి ఆయిల్ బాత్ చేసిన రోజు పగలు నిద్రపోకపోవడమే మంచిది.

ఆయిల్ బాత్ తర్వాత తినకూడనివి

4. ఆయిల్ బాత్ చేసిన రోజు ఐస్ క్రీం, కూల్ డ్రింక్స్, పిండి పదార్థాలు, మామిడికాయ, బూడిద గుమ్మడికాయ, కొబ్బరి, నువ్వులు, మినపప్పు, కందులు, బచ్చలికూర, తోటకూర, వంకాయ, బీరకాయ, చిక్కుడుకాయ, రొయ్యలు, చేపలు, మాంసం వంటివి తినకండి. నెయ్యి, మిరియాల రసం, తేలికగా జీర్ణమయ్యే ఆహారం తీసుకోవచ్చు.

గుర్తుంచుకోండి:

ఆయిల్ బాత్ చేసే రోజు ఉదయం 5-7 గంటల లోపు స్నానం చేయాలి. తలకు నూనె రాసుకున్న 15 నిమిషాల తర్వాత స్నానం చేయాలి.

ఆయిల్ బాత్  పూర్తి ప్రయోజనాలను పొందాలంటే పైన చెప్పిన విషయాలను పాటించండి.