అమ్మమ్మలు చెప్పిన ఈ హెయిర్ ఆయిల్ వాడితే.. జుట్టు ఒత్తుగా పెరగడం ఖాయం..!

ఒత్తుగా, పొడుగ్గా ఉండే జుట్టు ను ఎవరు మాత్రం కాదనుకుంటారు. కానీ.. మనం కోరుకున్న జుట్టు మనకు దొరకకపోవచ్చు. ఇప్పడంటే అందరూ జుట్టురాలే సమస్యతో ఇబ్బంది పడుతున్నారు.. కానీ... మన అమ్మమ్మలు, నానమ్మల కాలంలో అందరికీ జుట్టు చాలా ఎక్కువగా ఉండేది. వాళ్లు మనలా ఖరీదైన నూనెలు, షాంపూలు కూడా వాడేవాళ్లు కాదు. కానీ.. వాళ్ల జుట్టు ఎలా  బాగుండేదో తెలుసా? వాళ్లు వాడిన కొన్ని హోం రెమిడీస్ అని చెప్పొచ్చు. మీరు కూడా .. మళ్లీ.. ఒత్తుగా జుట్టు పెరగాలి అనుకుంటే... అమ్మమ్మల కాలం నాటి.. ఈ హోం రెమిడీని ఫాలో అవ్వాల్సిందే.

జుట్టు పొడవుగా పెరగాలి అంటే.. మనం స్పెషల్ గా  అమ్మమ్మలు చెప్పిన నూనెను తయారు చేసుకోవాలి. అదెలాగో ఇప్పుడు చూద్దాం...

ఈ నూనె కోసం మనం ఆవ నూనె, ఉల్లిపాయ రసం తీసుకోవాలి. ఈ రెండూ ముందు మన జుట్టుకు ఎలా సహాయపడతాయో తెలుసుకుందాం...

మస్టర్డ్ ఆయిల్ జుట్టుకు సహజమైన కండీషనర్‌గా పనిచేస్తుంది. ఇది జుట్టుకు పోషణను అందించడంలో , చిట్లడం తగ్గించడంలో సహాయపడుతుంది.
ఇది కొత్త జుట్టు పెరగడానికి , సరైన పోషకాహారాన్ని అందించడంలో సహాయపడుతుంది.

ఇక ఉల్లి విషయానికి వస్తే....ఉల్లిపాయ రసంలో సల్ఫర్ పుష్కలంగా ఉంటుంది, ఇది జుట్టును మెరిసేలా , ఒత్తుగా మార్చడంలో సహాయపడుతుంది.
ఇందులో సల్ఫర్ ఉండటం వల్ల జుట్టు పల్చబడడాన్ని నివారిస్తుంది. ఉల్లిపాయలో ఉండే యాంటీఆక్సిడెంట్ మూలకం జుట్టుకు తేమను అందించడంలో సహాయపడుతుంది.

ఇప్పుడు ఈ రెండూ కలిపి నూనె తయారు చేసుకోవాలి.  ముందుగా జుట్టు పొడవును బట్టి ఒక గిన్నెలో ఆవనూనె తీసుకోవాలి. 1 ఉల్లిపాయను గ్రైండ్ చేసి రసం తీసి ఒక గిన్నెలో వేయాలి. రెండింటినీ బాగా మిక్స్ చేసి వేళ్ల సహాయంతో తల నుండి జుట్టు పొడవు వరకు అప్లై చేయాలి.
మీరు దీన్ని రాత్రంతా మీ జుట్టులో ఉంచవచ్చు లేదా మీ జుట్టును కడగడానికి 2 నుండి 3 గంటల ముందు కూడా ఈ నూనెను ఉపయోగించవచ్చు.

ఈ ఆయిల్ ని తొలగించుకోవడానికి మీరు తర్వాతి రోజు...  షాంపూ చేస్తే సరిపోతుంది. కండిషనర్  కూడా వాడొచ్చు.  ఈ నూనెను మీరు వారానికి రెండు సార్లు తలకు అప్లై చేస్తే సరిపోతుంది. కచ్చితంగా మీ జుట్టు ఒత్తుగా పెరుగుతుంది.