కోహ్లీని అనుష్క అంతలా మార్చేసిందా..?

టీమిండియా మాజీ కెప్టెన్ విరాట్ కోహ్లీకి పరిచయం అవసరం లేదు. ఒక్కసారి మైదానంలో అడుగుపెట్టాడు అంటే చాలు పరుగుల వరదకురిపిస్తూనే ఉంటాడు. అందుకే కోహ్లీని పరుగుల రారాజు అని పిలుస్తూ ఉంటారు. కాగా... కోహ్లీ ఆట గురించి ఎవరికీ స్పెషల్ గా చెప్పాల్సిన అవసరం లేదు. రీసెంట్ గా టీమిండియా టీ20 ప్రపంచకప్ గెలవడానికి కోహ్లీ పాత్ర చాలా కష్టపడ్డాడు.

ఈ వరల్డ్ కప్ తర్వాత... కోహ్లీ తన ఫ్యామిలీతో కలిసి లండన్ వెళ్లనున్నాడంటూ వార్తలు వచ్చాయి. నార్మల్ గానే.. కోహ్లీ ఫ్యామిలీ మ్యాన్. సమయం దొరికినప్పుడల్లా తన భార్య అనుష్క శర్మ, పిల్లలతో సమయం గడుపుతూ ఉంటాడు.

మ్యాచ్ మధ్యలో కూడా  అనుష్కకు ఫోన్ చేసి మాట్లాడుతూ ఉంటాడు. అయితే... కోహ్లీ ఫ్యామిలీ మ్యాన్ లా మారడానికి అనుష్కనే కారణం అంట. పెళ్లికి ముందు కోహ్లీ ఇలా ఉండేవాడు కాదట. అనుష్కనే ఆయనను మార్చేసింది అంటూ తోటి క్రికెటర్లు కూడా పేర్కొనడం విశేషం.

టీమిండియా మాజీ ఆటగాడు ఇషాంత్ శర్మ రీసెంట్ గా ఓ ఇంటర్వ్యూలో కోహ్లీ గురించి మాట్లాడాడు.. పెళ్లి తర్వాత కోహ్లీ మారిపోయాడని, అనుష్క అలా మార్చేసింది అని పేర్కొన్నాడు. అంతకముందు చాలా అగ్రెసివ్ గా ఉండేవాడని.. ఇప్పుడు మాత్రం చాలా కామ్ గా మారాడు అని ఆయన అన్నారు.  ఇషాంత్ తర్వాత.. మరో క్రికెటర్ అమిత్ మిశ్రా కూడా.. ఇదే కామెంట్స్ చేయడం గమనార్హం. 

కెప్టెన్ అయిన తర్వాత విరాట్ కోహ్లీ ప్రవర్తనలో మార్పు వచ్చిందని భారత జట్టు సీనియర్ స్పిన్నర్ అమిత్ మిశ్రా షాకింగ్ స్టేట్ మెంట్ ఇచ్చాడు. విరాట్ కోహ్లీ కెప్టెన్సీలో అమిత్ మిశ్రా భారత్ తరఫున ఆడాడు. 

2015 నుండి 2017 వరకు కోహ్లీ నేతృత్వంలో ఆడిన అమిత్ మిశ్రా, విరాట్ కోహ్లీ , రోహిత్ శర్మ మధ్య తేడాను వివరించాడు. కెప్టెన్సీ, పేరు ప్రఖ్యాతులు పొందిన తర్వాత... కోహ్లీలో వైఖరిలో మార్పు వచ్చిందని.. రోహిత్ మాత్రం.. అలానే ఉన్నాడని ఆయన అన్నారు. కోహ్లీ ప్రవర్తన కారణంగానే ఆయన టీమ్ లో స్నేహితులు చాలా తక్కువగా ఉంటారు  అని అమిత్ మిశ్రా పేర్కొనడం గమనార్హం.