గుడ్లు పగిలిపోకుండా ఉడకాలంటే ఏం చేయాలి?

గుడ్లు సంపూర్ణ ఆహారం. వీటిలో ఎన్నో రకాల పోషకాలుంటాయి. వీటిని తింటే మన శరీరంలో పోషకాల లోపం పోతుంది. అలాగే శరీరం బలంగా, ఆరోగ్యంగా ఉంటుంది. అందుకే మాంసం తినేవారు, ఫిట్ గా, ఆరోగ్యంగా ఉండాలనుకునేవారు ప్రతిరోజూ గుడ్లను తింటుంటారు. 
 

గుడ్లతో రకరకాల వంటలు చేసుకుని తినొచ్చు. అయితే వీటిని ఉడకబెట్టి తినడమే ఆరోగ్యానికి మంచిదని ఆరోగ్య నిపుణులు చెబుతుంటారు. కానీ వీటిని ఉడికించేటప్పుడు వేడి నీళ్లలో పగిలిపోతుంటాయి. దీనివల్ల గుడ్డులోని తెల్ల సొన మొత్తం బయటకు వస్తుంది. ఇలాంటి గుడ్లను అస్సలు తినాలనిపించదు. అందుకే గుడ్లు పగిలిపోకుండా ఎలా ఉడికించాలో ఇప్పుడు తెలుసుకుందాం పదండి. 

చలికాలంలో గుడ్లను తినడం వల్ల కలిగే ప్రయోజనాలు

చలికాలంలో గుడ్లను తినడం వల్ల ఎన్నో ఆరోగ్య ప్రయోజనాలు కలుగుతాయి. చలికాలంలో ఉడికించిన గుడ్డును తింటే శరీరం వెచ్చగా ఉంటుంది. దీంతో చలి ఎక్కువగా పెట్టదు. గుడ్డు వేడి స్వభావాన్ని కలిగి ఉంటుంది. కాబట్టి చాలా మంది చలికాలంలో రోజూ ఒక గుడ్డును తింటారు. గుడ్లలో ప్రోటీన్లు పుష్కలంగా ఉంటాయి. ఇవి మనల్ని ఆరోగ్యంగా ఉంచుతాయి. ఎన్నో అనారోగ్య సమస్యలు రాకుండా కాపాడుతాయి. 
 

ఉడికించిన గుడ్లు 

గుడ్డు కూర, ఆమ్లేట్ ఇలా గుడ్లను ఎన్నో విధాలుగా తింటుంటారు. అయితే కొంతమంది బయటినుంచే ఉడికించిన గుడ్డును తెచ్చుకుని తింటే.. మరికొందరు ఇంట్లోనే గుడ్లను ఉడకబెట్టి తింటుంటారు. అయితే గుడ్లను ఉడికించేటప్పుడు గుడ్డు పగిలి దాని నుంచి తెల్ల సొన బయటకు వస్తుంటుంది. అలాగే పగిలిన గుడ్డును ఉడికించడం కూడా కష్టంగా ఉంటుంది. 
 

పగలకుండా గుడ్లను ఎలా ఉడికించాలి?

ఉడికేటప్పుడు గుడ్లు ఖచ్చితంగా ఒకటో రెండో పగిలిపోతుంటాయి. ఇది అందరికీ తెలిసిన విషయమే. అయితే మీరు కొన్ని చిట్కాలను ఫాలో అయితే మాత్రం గుడ్లు పగిలిపోకుండా ఉడికిపోతాయి. అలాగే పగుళ్లు వచ్చిన గుడ్లు కూడా చక్కగా ఉడుకుతాయి. ఇందుకోసం ముందుగా.. ఒక పెద్ద గిన్నెలో నీళ్లను తీసుకుని వేడి చేయండి. నీళ్లు మరుగుతున్నప్పుడు దాంట్లో  ఒక నుంచి రెండు టీస్పూన్ల వైట్ వెనిగర్ వేయండి. ఆ తర్వాత గుడ్లను వేయండి. 

మీకు తెలుసా? వేడి నీళ్లలో వెనిగర్ ను వేసి కలిపి గుడ్లను ఉడికిస్తే గుడ్లు అస్సలు పగిలిపోవు. అలాగే పగుళ్లు వచ్చిన గుడ్లు కూడా చక్కగా ఉడుకుతాయి. వాటి నుంచి తెల్ల సొన లీక్ అయ్యే అవకాశం ఉండదు.