కొబ్బరి నూనె కాదు, జుట్టుకు కొబ్బరి పాలు రాస్తే ఏమౌతుంది?
ఈ కొబ్బరి పాలు వాడితే.. జుట్టుకు మళ్లీ ప్రత్యేకంగా కండిషనర్ వాడాల్సిన అవసరం కూడా రాదు.
కొబ్బరి ఆరోగ్యానికి చాలా మంచిది. రెగ్యులర్ గా కొబ్బరి తినడం వల్ల... చర్మ ఆరోగ్యంగా, అందంగా కనిపించేలా చేస్తుంది. ఇదే కొబ్బరి మన జుట్టు హెల్దీగా కూడా మార్చుకోవచ్చని మీకు తెలుసా?అయితే డైరెక్ట్ గా కొబ్బరి తినడం కాకుండా.. కొబ్బరి నుంచి వచ్చే పాలను వాడే జుట్టు ఒత్తుగా, పొడుగ్గా పెరుగుతుంది. ఇప్పటి వరకు జుట్టుకు కొబ్బరి నూనె రాస్తూ ఉంటాం. కానీ కొబ్బరి పాలు ఎఫ్పుడైనా రాశారా? అసలు ఈ కొబ్బరి పాలను జుట్టుకు ఎలా వాడాలి..? వాడితే దేనితో కలిపి వాడాలి? దాని వల్ల ప్రయోజనాలేంటో ఇప్పుడు తెలుసుకుందాం...
coconut milk
కొబ్బరి పాలలో చాలా న్యూట్రియంట్స్ ఉంటాయి. ముఖ్యంగా విటమిన్ సి, విటమిన్ ఇ ఉంటాయి. ఈ రెండూ జుట్టు ఆరోగ్యంగా పెరగడానికి సహాయపడతాయి. దానికోసం స్వచ్ఛమైన కొబ్బరిపాలను తీసుకొని తలకు మంచిగా మసాజ్ చేయాలి. దాని వల్ల.. తలలో రక్త ప్రసరణ బాగా జరుగుతుంది. ఈ కొబ్బరి పాలలోని విటమిన్లు కూడా జుట్టుకు అందుతాయి. దీని వల్ల చాలా తక్కువ సమయంలోనే జుట్టు పొడుగ్గా పెరగడానికి సహాయపడుతుంది.
Image: Getty
కేవలం తలకు కొబ్బరి పాలు మసాజ్ చేయడమే కాకుండా.. జుట్టు మొత్తానికి కూడా అప్లై చేయాలి. అప్పుడు జుట్టు కుదుళ్లు బలంగా మారతాయి. అంతేకాకుండా.. స్మూత్ గా కండిషనర్ గా కూడా పని చేస్తుంది. ఈ కొబ్బరి పాలు వాడితే.. జుట్టుకు మళ్లీ ప్రత్యేకంగా కండిషనర్ వాడాల్సిన అవసరం కూడా రాదు.
కొబ్బరి పాలు తలకు అప్లై చేసిన తర్వాత 30 నిమిషాల నుంచి గంట పాటు అలానే వదిలేయాలి. ఇలా వదిలేయడం వల్ల.. దానిలోని పోషకాలు జుట్టుకు అందుతాయి. జుట్టు తేమగా ఉండటానికి సహాయపడుతుంది. జుట్టు మరింత మృదువుగా మారాలి అంటే.. అదే కొబ్బరి పాలలో ఒక స్పూన్ తేనె కలపాలి. లేదంటే ఆలివ్ ఆయిల్ అయినా కలుపుకోవచ్చు. ఇలా చేయడం వల్ల హెయిర్ మరింత మృదువుగా, పట్టుకుచ్చులా మారుతుంది.
ఇలా అరగంట పాటు రాసి వదిలేసిన తర్వాత.. గోరువెచ్చని నీటితో జుట్టును శుభ్రంగా కడగాలి. ఆ తర్వాత గాఢత తక్కువ ఉన్న షాంపూ తో తలను, జుట్టు కుదుళ్లను మంచిగా షాంపూ చేయాలి. ఇలా చేయడం వల్ల.. జుట్టు మృదుత్వం కోల్పోకుండా, పట్టుకుచ్చులా కనపడుతుంది. బలంగా కూడా మారుతుంది. కావాలంటే ఈ కొబ్బరి పాలలో కలబంద గుజ్టు వేసి కూడా కలిపి జుట్టుకు అప్లై చేయవచ్చు. ఇలా వారానికి ఒకసారి కనీసం రెండు, మూడు సార్లు చేసినా మీ జుట్టులో మార్పు మీరు చూడగలరు.