నాలుగు కేజీల బరువు తగ్గిన జెనీలియ.. టెక్నిక్ ఇదే..!

జెనీలియా... ఈ పేరు పెద్దగా ఎవరికీ పరిచయం చేయాల్సిన అవసరం లేదు. తెలుగు వారందరికీ జెనీలియా సుపరిచితమే. తెలుగులో బ్లాక్ బస్టర్ సినిమాలో నటించిన ఆమె.. ప్రస్తుతం సినిమాలకు దూరమయ్యారు. బాలీవుడ్ నటుడు రితేష్ దేశ్ ముఖ్ ని ఆమె ప్రేమించి పెళ్లి చేసుకున్నారు. వీరికి ఇద్దరు కుమారులు కూడా ఉన్నారు. కాగా... ప్రస్తుతం ఆమె సినిమాలు చేయకున్నా.. సోషల్ మీడియాలో మాత్రం సందడి చేస్తూనే ఉన్నారు.

తన లైఫ్ కు సంబంధించిన ఫోటోలు, వీడియోలను ఆమె ఎప్పటికప్పుడు సోషల్ మీడియాలో షేర్ చేస్తూ ఉంటారు. కాగా.. తాజాగా ఆమె తన వెయిట్ లాస్ జర్నీ గురించి చెప్పుకొచ్చారు. మామూలుగానే జెనీలియా సన్నజాజి తీగలా ఉంటారు. అయినప్పటికీ ఆమె.. మరో నాలుగు కేజీల బరువు తగ్గారట. కేవలం 6 వారాల్లో తాను 4 కేజీల బరువు తగ్గానని ఆమె చెప్పారు. అది కూడా ఎలా తగ్గారో మనం ఇప్పుడు తెలుసుకుందాం...

ఇన్‌స్టాగ్రామ్‌లో జెనీలియా తన వెయిట్ లాస్ జర్నీ గురంచి షేర్ చేసింది. తాను 6 వారాల్లో నాలుగు కేజీల బరువు ఎలా తగ్గారో ఆమె అందులో వివరించారు. 6 వారాల పాటు కష్టపడి తాను  59.4 కిలోల నుండి 55.1 కిలోల బరువుకు చేరుకున్నట్లు చెప్పారు.

జిమ్‌లో అనేక పరికరాలను ఉపయోగించి వెయిట్ ట్రైనింగ్ నుండి, కార్డియో, యుద్ధ రోప్ వ్యాయామాల వరకు, బరువు తగ్గడానికి అనేక వ్యాయామాలు ప్రయత్నించి.. చాలా కష్టపడి ఆమె ఈ బరువు తగ్గారు. 
 

ఈ వెయిట్ లాస్ జర్నీ ప్రారంభించే ముందు ఆమెకు చాలా అనుమానాలు ఉన్నాయట. కానీ.. ఆరు వారాల్లో లక్ష్యాన్ని చేరుకోవడం చాలా ఆనందంగా ఉందని.. తాను క్రమశిక్షణ పెంచుకున్నానని ఆనందం వ్యక్తం చేశారు.
 

జెనీలియా తన 59.4 కిలోల వయస్సులో శిక్షణ ప్రారంభించినట్లు వీడియో చూపిస్తుంది. రెండో వారం నాటికి ఆమె బరువు 58.2 కిలోలు. మూడవ వారంలో, ఆమె బరువు 57.2 కిలోలు, నాలుగవ వారంలో ఆమె బరువు 56.1 కిలోలు. ఐదవ వారం నాటికి, ఆమె 55.7 కిలోలు, ఆరవ వారంలో 55.1 కిలోలకు చేరుకుంది.
 

ఫిట్‌నెస్ , ఆరోగ్యవంతమైన జీవితాన్ని తన జీవితంలో సహజంగా మార్చుకోవాలని ఆమె కోరుకుంటున్నట్లు తెలిపారు. కేవలం బరువు తగ్గడానికి మాత్రమే కాకుండా.. హెల్దీ లైఫ్ స్టైల్ అలవాటు చేసుకోవాలని.. కండరాలను బలంగా చేసుకోవాలని తాను అనుకున్నట్లు ఆమె చెప్పారు.