ఇలా చేస్తే ఇంట్లోకి చీమలు, ఈగలు ఒక్కటి కూడా రావు

కాలాలతో సంబంధం లేకుండా కొన్ని కొన్ని సార్లు ఇంట్లోకి చీమలు, ఈగలు ఎక్కువగా వస్తుంటాయి. వీటివల్ల ఇల్లు మురికిగా మారడమే కాకుండా.. ఎన్నో అనారోగ్య సమస్యలు కూడా వస్తాయి. అందుకే ఇంటిని శుభ్రంగా ఉంచుకోవాలి.  

ముఖ్యంగా పిల్లలు ఉన్న ఇంటిని మరింత శుభ్రంగా ఉంచుకోవాల్సిన అవసరం ఉంది.  ఎందుకంటే పిల్లలు ఎక్కడ పడితే అక్కడ ఫుడ్ ను పెట్టి తింటుంటారు. దీనివల్ల ఇంట్లోకి చీమలు, ఈగలు ఎక్కువగా వస్తుంటాయి. 

మనం చాలా సార్లు ఇంటిని ఎంత శుభ్రంగా ఉంచుకున్నా.. ఇంట్లోకి చీమలు, ఈగలు వస్తూనే ఉంటాయి. ఎక్కడ పడితే అక్కడ తిరుగుతూనే ఉంటాయి. మీ ఇంట్లో కూడా ఇదే సమస్య ఉన్నట్టైతే కొన్ని వస్తువులను కలిపిన నీటితో ఇంటిని తుడిస్తే మీ ఇంట్లోకి ఒక్క చీమ, ఈగ కూడా రాదు. 

ఈగలు, చీమల బాధ తగ్గించుకోవడానికి చిట్కాలు:

ఇంటిని తుడవడానికి కావాల్సిన పదార్థాలు 

బేకింగ్ సోడా
కల్లుప్పు
పచ్చ కర్పూరం
పసుపు
నీళ్లు

ఉపయోగించే విధానం

ఇంటిని తుడవడానికి ముందుగా.. సగం బకెట్ నీళ్లను తీసుకుని అదులో ఒక టీ స్పూన్ బేకింగ్ సోడా, కల్లుప్పును వేసి బాగా కలపండి. దీంట్లోనే పచ్చ కర్పూరం పొడి, పసుపు పొడి వేడి కలపండి. ఇవన్నీ నీళ్లలో కరిగే వరకు బాగా కలపండి.  

ఆ తర్వాత తర్వాత ఆ నీళ్లతో మీ ఇంటి తుడవండి. ఇలా చేయడం వల్ల నేల శుభ్రంగా ఉండటమే కాకుండా.. ఇంట్లోకి ఈగలు, చీమలతో పాటుగా చిన్న చిన్న కీటకాలు, పురుగులు కూడా రావు. కావాలనుకుంటే మీరు ఈ నీళ్లలో డెటాల్ లేదా లైజోల్ ను కూడా కలపొచ్చు. 

ఈ వాటర్ తో కిచెన్ స్లాబ్ ను కూడా క్లీన్ చేయొచ్చు. దీనివల్ల కిచెన్ స్లాబ్ పై ఈగలు వాలవు. చీమలు అస్సలే రావు.