బిగ్ బాస్ బ్యూటీ షెహనాజ్ డైట్ సీక్రెట్ ఇదే...!

బాలీవుడ్ నటి షెహనాజ్ గిల్... పెద్దగా పరిచయం చేయాల్సిన అవసరం లేదు. ఆమె అందానికి ఎవరైనా ఫిదా కావాల్సిందే. చూడగానే చూపు తిప్పుకోలేనంత అందంతో కట్టిపడేస్తూ ఉంటుంది. ఆమె శరీరాకృతి... శిల్పి చెక్కినట్లుగా ఉంటుంది. అయితే... అలాంటి శరీరాకృతి కోసం ఆమె ఎలాంటి డైట్ ఫాలో అయ్యిందో ఓసారి చూద్దాం..

షెహనాజ్ బిగ్ బాస్ హౌజ్ లోకి అడుగుపెట్టిన సమయంలో చాలా బొద్దుగా ఉండేది. హౌజ్ నుంచి బయటకు వచ్చిన తర్వాత... కోవిడ్ కాలంలో... ఆమె సన్నగా నాజూకు తీగలా మారిపోయింది. ఆ సీక్రెట్ ఏంటో తెలుసుకుందాం..
 

షెహనాజ్ తన రోజుని  పసుపు నీటితో ప్రారంభిస్తుంది. గోరు వెచ్చని నీటిలో చిటికెడు పసుపు వేసుకొని... ప్రతిరోజూ తాగడం వల్ల సులభంగా బరువు తగ్గవచ్చట. షెహనాజ్  తన రోజుని ఈ నీటితోనే ప్రారంభిస్తుందట.

ఒక్కోసారి షెహనాజ్... పసుపు నీటికి బదులుగా.. ఆపిల్ సైడర్ వెనిగర్ ని ఉపయోగిస్తుందట. ఒక స్పూన్ ఈ ఆపిల్ సైడర్ వెనిగర్ ని వేడి నీటిలో కలిపి తీసుకోవడం వల్ల... సులభంగా బరువు తగ్గవచ్చట.

షెహనాజ్... తన లంచ్, డిన్నర్ విషయంలో అస్సలు కాంప్రమైజ్ అవ్వదట. తన లంచ్, డిన్నర్ లో తాజా కూరగాయలు, సీజనల్ కాయగూరలు చేరుస్తుందట. ఎక్కువ కూరగాయలను తన ఆహారంలో భాగం చేసుకుంటుందట.

కూరగాయలతో పాటు... ఆమె పప్పు కూడా ఎక్కువగా తీసుకుంటుందట. ప్రోటీన్ ఎక్కువగా ఉండే పప్పు, పెసర పప్పును తన లంచ్, డిన్నర్ లో భాగం చేసుకుంటుందట.

తాజా పండ్లతో తయారు చేసిన స్మూతీలను  ఆమె ఎక్కువగా తీసుకుంటుందట. దాని వల్లే తాను... సులభంగా బరువు తగ్గి... అందంగా కనపడుతున్నానని ఆమె చెప్పడం గమనార్హం.

ఇక.. షెహనాజ్ మంచినీరు చాలా ఎక్కువగా తీసుకుంటారు. ముఖ్యంగా వర్కౌట్స్ చేసిన తర్వాత ఆమె మంచినీరు మరింత ఎక్కువగా తీసుకుంటారు.
 

ఆమె బరువు తగ్గడానికి తీసుకున్న డైట్ లో ఎక్కువ మార్పులు చేసుకోలేదట. కేవలం... తీసుకోవాల్సిన ఆహారం క్వాంటిటీని తగ్గించిందట. ఎక్కువ మొత్తంలో కాకుండా... తక్కువ మొత్తంలో ఆహారం తీసుకుంటుందట.