Hair Mask: అవిసెగింజల హెయిర్ మాస్క్ జుట్టు రాస్తే ఏమౌతుంది?

 అవిసెగింజలను జుట్టుకు పెడితే.. ఆ జుట్టు పట్టుకుచ్చులా మెరుస్తుందట. కానీ, ఆ అవిసెగింజలను జుట్టుకు ఎలా వాడాలో మాత్రం తెలుసుకోవాల్సిందే. 

జుట్టు అందంగా, ఆరోగ్యంగా ఉండాలని కోరుకోనివారు ఎవరైనా ఉంటారా?  అలా జుట్టు అందంగా ఉండాలని మనమంతా మార్కెట్లో దొరికే ఏవేవో ఉత్పత్తులన్నీ వాడేస్తూ ఉంటాం. వాటిలో ఉండే కెమికల్స్.. జుట్టును మరింత బలహీనంగా మార్చేస్తాయి. అందుకే... ఆ కెమికల్స్ ఉండే ఉత్పత్తులకు బదులు సహజంగా లభించే కొన్నింటిని వాడటం వల్ల జుట్టును అందంగా మార్చుకోవచ్చు.  మరీ ముఖ్యంగా  అవిసెగింజలను జుట్టుకు పెడితే.. ఆ జుట్టు పట్టుకుచ్చులా మెరుస్తుందట. కానీ, ఆ అవిసెగింజలను జుట్టుకు ఎలా వాడాలో మాత్రం తెలుసుకోవాల్సిందే. 

flaxseed

అవిసె గింజలను ఉపయోగించి మనం హెయిర్ మాస్క్ తయారు చేసుకోవచ్చు. ఈ హెయిర్ మాస్క్ ని వారానికి రెండుసార్లు జుట్టుకు పట్టించినా.. హెయిర్ అందంగా మారుతుంది. ఎందుకంటే... ఈ గింజల్లో ఒమేగా 3 ఫ్యాటీ యాసిడ్స్ ఉంటాయి. ఇవి జుట్టుకు బాగా సహాయపడతాయి. అయితే.. అచ్చంగా ఈ గింజలను మాత్రమే కాకుండా.. వీటితో మరికొన్నింటిని కలిపి తీసుకోవడం వల్ల జుట్టు అందంగా మారుతుంది.

హెయిర్ మాస్క్ తయారీకి ఏమేమీ కావాలి?

నీరు - 1-2 గ్లాసులు
ఫ్లాక్స్ సీడ్స్ - 1 బౌల్
బియ్యం పిండి - 2 టేబుల్ స్పూన్లు
గమనిక- మీ జుట్టు పొడవు , పరిమాణాన్ని బట్టి పేర్కొన్న పదార్థాలను పెంచడం లేదా తగ్గించడం ద్వారా మీరు హెయిర్ మాస్క్‌ను తయారు చేసుకోవచ్చు.

హెయిర్ మాస్క్ తయారీ...
ముందుగా, ఒక పాత్ర తీసుకొని, దానికి 2 గ్లాసుల నీరు వేసి వేడి చేయండి.
నీరు కొద్దిగా మరిగేటప్పుడు, దానికి 1 బౌల్ ఫ్లాక్స్ సీడ్స్ వేసి, నీటిని 10-15 నిమిషాలు మరిగించండి.
గింజలు నీటిలో మరిగేటప్పుడు, ఒక గిన్నె నీటిలో 2 టీస్పూన్ల బియ్యం పిండిని కలపండి.
ఇప్పుడు ఈ పిండి-నీటి మిశ్రమాన్ని పాన్‌లో వేసి కలపండి.
మరో 5 నిమిషాలు ఉడికించిన తర్వాత, ఫ్లాక్స్ సీడ్స్ ఉన్న నీరు జెల్‌గా మారడం ప్రారంభమౌతుంది.
ఇప్పుడు స్టవ్ ఆఫ్ చేసి, అది చల్లబడే ముందు జెల్‌ను ఒక గిన్నెలోకి తీసివేయండి.
తయారుచేసిన రెసిపీ చల్లబడిన తర్వాత, దానిని మీ జుట్టుకు బాగా అప్లై చేసి 30 నిమిషాలు ఆరనివ్వండి. తర్వాత  తలస్నానం చేస్తే చాలు. వారానికి రెండు రోజులు చేసినా.. జుట్టు అందంగా మారడం పక్కా.