అవిసె గింజలతో మెరిసే జట్టు.. !

అందమైన జుట్టు, మెరిసే కురులు కావాలని అందరూ కోరుకుంటారు. ఈ రోజుల్లో అలాంటి జుట్టు కావాలి అంటే.. సెలూన్ కి వెళ్లి.. రూ.వేలకు వేలు ఖర్చు పెట్టాల్సిందే. అలా ఖర్చు పెట్టకపోతే.. జుట్టు అందంగా కనిపించని రోజులివి. కానీ... ప్రతి ఒక్కరికీ.. అలాంటి డబ్బులు ఖర్చు చేసి మీర జుట్టు సంరక్షించుకోవడం కుదరదు. కానీ.. కొన్ని చిట్కాలు ఫాలో అయితే మాత్రం  జుట్టును అందంగా చేసుకోవచ్చట. అదెలాగో ఓసారి చూద్దాం...

అవిసె గింజలతో తయారు చేసిన హెయిర్ జెల్ జుట్టును అందంగా మారుస్తుందట. అవిసె గింజలు మెగ్నీషియం, బి విటమిన్లు, మాంగనీస్, కాపర్ ఒమేగా-3 ఫ్యాటీ యాసిడ్‌లు , సెలీనియం వంటి పోషకాలను కలిగి ఉంటుంది. కాబట్టి... ఇవి జుట్టు , స్కాల్ప్ రెండింటికీ మేలు చేస్తాయి. ఈ పోషకాలు జుట్టు పెరుగుదలను పెంపొందిస్తాయి. జుట్టు పొడవుగా పెరగడానికి సహాయపడతాయి. అవిసె గింజల వాడకం జుట్టు రాలడాన్ని కూడా నివారిస్తుంది.

ఈ అవిసె గింజల జెల్ ఎలా తయారు చేయాలో ఇప్పుడు చూద్దాం...

స్టెప్ 1: పాన్‌లో నీటిని పోసి అందులో అవిసె గింజలను వేయండి. మీడియం వేడి మీద ఉడకబెట్టాలి.

స్టెప్ 2: అవిసె గింజలు కింద అడుగు అంటకుండా.. కలుపుతూ ఉండాలి.

స్టెప్3: 2 నుండి 3 నిమిషాల తర్వాత పాన్‌ కింద మంటను ఆప్ చేయాలి. ఆ నీరంతా జెల్ లాగా మారుతుంది. 

స్టెప్ 4: మిశ్రమం చల్లారే వరకు కదలించకూడదు.

స్టెప్ 5: ఇప్పుడు ఆ మిశ్రమాన్ని ఒక క్లాత్ లో వడగొట్టాలి.

స్టెప్ 6: దీనిని ఉపయోగించే ముందు 2 గంటల వరకు చల్లగా ఉండటానికి వదిలివేయండి. మీరు దీన్ని ఫ్రిజ్‌లో కూడా నిల్వ చేయవచ్చు.

ఈ మిశ్రమాన్ని తలకు బాగా పట్టించాలి. గంటసేపు అలానే వదిలేసి.. ఆతర్వాత నీటితో కడిగి తలస్నానం చేయాలి. తరచూ ఇలా  చేయడం వల్ల.. జుట్టు కుదుళ్లు బలపడి.. ఆరోగ్యంగా మారుతుంది.