ముఖంపై అవాంఛిత రోమాలు ఇబ్బంది పెడుతున్నాయా..? ఇలా తొలగించండి...!

కొన్ని సహజ పద్దతులతో మనం వెంట్రుకలను సులభంగా తొలగింవచ్చట. ఎలాంటి చికిత్సలు తీసుకోకుండా.. సహజంగా ముఖంపై వెంట్రుకలను ఎలా తొలగించాలో ఇప్పుడు చూద్దాం...

ముఖంపై అవాంఛిత వెంట్రుకలు ఉండటం మహిళలు ఎవరికీ నచ్చదు. కానీ.. మనం ఎంత వద్దు అనుకున్నా కూడా.. ఈ వెంట్రుకలు మనల్ని ఇబ్బంది పెడుతూ ఉంటాయి. వీటిని తొలగించుకునేందుకు కూడా తరచూ తంటాలు పడుతూ ఉంటాం. అయితే.. కొన్ని సహజ పద్దతులతో మనం వెంట్రుకలను సులభంగా తొలగింవచ్చట. ఎలాంటి చికిత్సలు తీసుకోకుండా.. సహజంగా ముఖంపై వెంట్రుకలను ఎలా తొలగించాలో ఇప్పుడు చూద్దాం...

వోట్‌మీల్, అరటిపండు: ఓట్‌మీల్ , అరటిపండును బాగా కలిపి పేస్టులాగా తయారు చేసుకోవాలి. తర్వాత దీనిని స్క్రబ్బర్ గా వినియోగించాలి. ముఖంపై రాసి స్క్రబ్బింగ్ చేయాలి.  ఇలా చేయడం వల్ల సహజంగా టోనింగ్, డెడ్ స్కిన్  తొలగించడంతో పాటు.. ముఖం మీద రోమాలను కూడా మనం తొలగించగలం. దీనిలో ఉన్న యాంటీ ఆక్సిడెంట్స్.. ముఖం పై వాపును కూడా నివారిస్తాయి. చర్మం అందంగా కనిపించడానికి కూడా సహాయం చేస్తుంది.

నిమ్మరసం, పంచదార, తేనె: నిమ్మరసం, పంచదార, తేనె ల మిశ్రమం ముఖంపై వెంట్రుకలను తొలగించడానికి సహాయపడుతుంది.  ఈ మిశ్రమానికి కొద్దిగా నీటిని జోడించి వేడి చేయడం వల్ల.. సహజంగా ఇంట్లోనే వ్యాక్స్ లా తయారు చేసుకోవచ్చు.  దీనిని వెంట్రుకలు ఉన్న ప్రాంతంలో రాసి... స్ట్రిప్ తో తొలగించాలి.

బంగాళదుంపలు, పప్పులు: బంగాళాదుంప రసం, తేనె , నిమ్మరసంతో కలిపి మెత్తని పేస్టు మాదిరి చేయాలి. ఈ పేస్టును ముఖంపై వెంట్రుకలు ఉన్న ప్రాంతంలో రాయాలి. అనంతరం అది పూర్తిగా ఎండిపోయిన తర్వాత నీటితో శుభ్రం చేసుకోవాలి.  బంగాళాదుంప రసం ముఖంపై వెంట్రుకలు తక్కువగా కనిపించేలా చేస్తుంది.

గుడ్డులోని తెల్లసొన , మొక్కజొన్న పిండి: గుడ్డులోని తెల్లసొన , మొక్కజొన్న పిండిని క్రమం తప్పకుండా ఉపయోగిస్తే ముఖంపై వెంట్రుకలు తగ్గుతాయి. ఈ మాస్క్ ని ముఖానికి రాసుకొని.. ఆరిపోయిన తర్వాత నీటితో కడగాల్సి ఉంటుంది. ఇలా చేయడం వల్ల వెంట్రుకలను తొలగించవచ్చు.

నేరేడు పండు, తేనె: నేరేడు పండు ని తేనెతో కలిపి దట్టమైన మాస్క్‌ని తయారు చేసుకోవాలి. తర్వాత దీనిని ముఖానికి సర్కిల్  మాదిరి రాయాలి. అనంతరం సున్నితంగా మర్దన చేయాలి. ఇది వెంట్రుకలను తొలగించడంలోనూ సహాయపడుతుంది.