అన్ని జుట్టు సమస్యలకు నెయ్యితో పరిష్కారం..!

ప్రతి ఒక్కరూ తమకు అందమైన కురులు ఉండాలని కోరుకుంటారు. కానీ.. దానితో వచ్చే సమస్యలు అన్నీ ఇన్నీ కాదు.. ఒక్కో వెంట్రుక రాలుతూ ఉంటే కలిగే బాధ అంతా ఇంతా కాదు. జుట్టు  రాలిపోవడం, తెల్లగా మారడం, చుండ్రు, ఎదుగుదల ఉండకపోవడం... జుట్టు సమస్యలు ఎప్పటికీ తీరవు. ఈ రోజుల్లో కాలుష్యం, ఒత్తిడి , తప్పుడు జీవనశైలి కారణంగా ఈ సమస్యలు ఎక్కువగా ఉన్నాయి.

మన అందంలో జుట్టు కీలక పాత్ర పోషిస్తుంది. కాబట్టి ప్రతి ఒక్కరూ అందమైన , ఆరోగ్యకరమైన జుట్టును కోరుకుంటారు. ఈ జుట్టు ఆరోగ్యం కోసం మీరు చాలా మందులు, షాంపూలు, ఇంటి నివారణలు ప్రయత్నించి ఉండవచ్చు. అయితే, మీరు దేశీ నెయ్యి ప్రయత్నించారా?

నమ్మసక్యంగా లేదా..? చాలా జుట్టు సమస్యలకు దేశీ నెయ్యి పరిష్కారం. జుట్టు ఆరోగ్యానికి దేశీ నెయ్యిని ఎలా ఉపయోగించాలి? ఎలా ఉపయోగిస్తే.. జుట్టు రాలే సమస్యను తగ్గించుకోవచ్చో చూద్దాం..

వేడి నెయ్యితో జుట్టుకు మసాజ్ చేయడం వల్ల తలలో రక్త ప్రసరణ పెరుగుతుంది. దీంతో జుట్టు వేగంగా పెరుగుతుంది. నెయ్యి జుట్టుకు పోషకాలను అందించే ఆరోగ్యకరమైన కొవ్వులను కలిగి ఉంటుంది. కాబట్టి జుట్టు సహజంగా పెరగడానికి నెయ్యి సహాయపడుతుంది. యాంటీ ఆక్సిడెంట్ ,ఫ్యాటీ యాసిడ్ గుణాలు నెయ్యిలో ఉన్నాయి. ఈ రెండు కారకాలు జుట్టు , స్కాల్ప్‌కు చాలా మేలు చేస్తాయి.

జుట్టుకు నెయ్యి రాయడం వల్ల కలిగే ప్రయోజనాలు...
జుట్టుకు పోషణ: నెయ్యిలో విటమిన్ ఎ , ఇ, ప్రొటీన్ , యాంటీ ఆక్సిడెంట్లు ఉంటాయి, ఇవి జుట్టుకు పోషణనిస్తాయి.
జుట్టు రాలడాన్ని నివారిస్తుంది: నెయ్యిలోని విటమిన్ ఇ జుట్టు రాలడాన్ని నివారిస్తుంది. శిరోజాలను బలపరుస్తుంది.
చుండ్రును తొలగిస్తుంది: నెయ్యి మసాజ్ వల్ల చర్మంలోని మృతకణాలు తొలగిపోతాయి మరియు జుట్టులో రక్త ప్రసరణ పెరుగుతుంది, ఇది చుండ్రును తొలగిస్తుంది.
జుట్టు పెరుగుదలను ప్రోత్సహిస్తుంది: నెయ్యిలో యాంటీమైక్రోబయల్ లక్షణాలు ఉన్నాయి, ఇవి జుట్టు పెరుగుదలను ప్రోత్సహిస్తాయి.
జుట్టుకు మెరుపును తెస్తుంది: నెయ్యిని రెగ్యులర్ గా అప్లై చేయడం వల్ల జుట్టు మెరుపును పెంచుతుంది. వాటిని మృదువుగా చేస్తుంది.

 
దేశీ నెయ్యిని ఉపయోగించడానికి సరైన మార్గం...
కాస్త దేశీ నెయ్యి తీసుకుని కొద్దిగా వేడి చేయాలి. వేడి నెయ్యి జుట్టు రంధ్రాలలోకి బాగా కలిసిపోతుంది. దేశీ నెయ్యితో మీ స్కాల్ప్ , జుట్టు మూలాలను మసాజ్ చేయండి. దీన్ని సున్నితంగా అప్లై చేయండి, తద్వారా ఇది తలలో బాగా శోషించబడుతుంది. నెయ్యిని జుట్టు మీద కనీసం ఒక గంట లేదా రాత్రిపూట అలాగే ఉంచండి. దీంతో జుట్టుకు పుష్కలంగా పోషణ లభిస్తుంది.
మీ జుట్టును సాధారణ షాంపూతో కడగాలి, మీరు నెయ్యిని అప్లై చేస్తే రెండుసార్లు షాంపూ చేయడం మంచిది.
ఉపయోగం: కనీసం వారానికి ఒకసారి దేశీ నెయ్యిని ఉపయోగించండి.