Mehandi: మెహందీ పెట్టుకోవడానికి ముందు చేతికి ఇది రాస్తే, రంగు అదిరిపోద్ది..!

చేతులకు మెహందీ ఎర్రగా పండితే ఎంత అందంగా ఉంటుంది? అలా ఎర్రగా పండాలంటే మెహందీ పెట్టుకోవడానికి ముందు చేతికి ఒక్కటి రాస్తే చాలు. మరి, అదేంటో తెలుసుకుందామా... 

ఇంట్లో పండగ, పెళ్లిళ్ల సీజన్, శుభకార్యం ఏదైనా వచ్చింది అంటే చాలు.. అమ్మాయిలకు మెహందీ పెట్టుకోవాలనే ఆలోచన వచ్చేస్తుంది.  చేతులకు ఎర్రగా పండిన మెహందీని చూసి అమ్మాయిలు మురిసిపోతారు. పండగ శోభ అంతా తమ చేతుల్లోనే కనిపించాలని అనుకుంటారు. అయితే.. ఒక్కోసారి మనం పెట్టుకునే మెహందీ మనకు నచ్చినట్లుగా ఎర్రగా పండకపోవచ్చు. దాని రంగు మనకు నచ్చినట్లు పండాలంటే.. ఈ కింది చిట్కాలు ఫాలో అవ్వాల్సిందే. అవేంటో చూద్దామా...

యూకలిప్టస్ నూనె చేతిని వేడి చేయడానికి సహాయపడుతుంది. దీని వల్ల మెహందీ రంగు చాలా బాగా వస్తుంది. కాబట్టి మెహందీ పెట్టుకునే ముందు చేతులు కడుక్కుని యూకలిప్టస్ నూనె రాస్తే రంగు బాగా వస్తుంది. మెహందీ డిజైన్ పెట్టుకోవడానికి ముందు  ఈ ఆయిల్ రాసుకుంటే చాలు. మీకు నచ్చినట్లుగా ఎర్రగా పండుతుంది.

కొందరు లవంగాల నూనె కూడా రాస్తారు. కానీ..  మెహందీ పెట్టుకున్నాక లవంగాల నూనె రాస్తే ఎక్కువ ఉపయోగం ఉంటుంది. మెహందీ పెట్టుకునే ముందు అయితే యూకలిప్టస్ నూనె వాడాలి. రెండింటిలో ఏదో ఒక్కటి వాడినా చాలు.. మీ చేతులు మాత్రం మందారంలా మెరిసిపోతాయి.

ఆవనూనె లేదా మరే ఇతర చిక్కటి నూనె రాయకూడదని గుర్తుంచుకోండి. దీని వల్ల మెహందీ, చేతి మధ్యలో నూనె చేరి మెహందీ రంగు అస్సలు ముదురుగా రాదు. మీరు పెట్టుకున్న డిజైన్ మంచిగా పండదు. కాబట్టి, ఈ పొరపాటు మాత్రం చేయకూడదు.

మీరు మెహందీ పెట్టుకునే ముందు మీ చేతికి ఎలాంటి చిక్కటి క్రీమ్ రాయకూడదు. దీని వల్ల మెహందీ రంగు సరిగ్గా సెట్ అవ్వదు. మీ చేతికి ఎలాంటి నూనె, మాయిశ్చరైజర్, క్రీమ్ ఉండకూడదని గుర్తుంచుకోండి. అలా ఉంటే మెహందీ రంగు మారదు. మెహందీ పెట్టుకునే ముందు మీ చేతులు బాగా కడుక్కోండి.

మీ చేతికి మెహందీ ఉన్నప్పుడు, ఈ చిట్కాను ప్రయత్నించవచ్చు. దీని వల్ల మీ మెహందీ రంగు ముదురుగా వస్తుంది. మీరు కొన్ని పొడవైన ఎండు పుల్లలు వేడి చేసి, ఆ పొగతో మీ చేతిని రుద్దాలి. దీని వల్ల మెహందీ రంగు చాలా బాగా వస్తుంది. మెహందీ పెట్టుకున్నాక ఇది చేయవచ్చు. దీని వల్ల పొగ కారణంగా మెహందీ రంగు ముదురుగా మారుతుంది.

దీంతో పాటు మెహందీ పెట్టుకునేటప్పుడు నిమ్మకాయ, చక్కెర ద్రావణం కూడా రాయవచ్చు. దీని వల్ల మెహందీ అతుక్కుని ఉంటుంది. మెహందీ రంగు బాగా వస్తుంది. కానీ కొన్ని చుక్కల నిమ్మరసం మాత్రమే కలపాలని గుర్తుంచుకోండి. ఎక్కువైతే మెహందీ రంగు పలచగా అవుతుంది.

మీ మెహందీ రంగు ముదురుగా లేకపోతే, మీరు నొప్పి నివారణ బామ్ ఉపయోగించవచ్చు. దీన్ని మీ చేతికి రాయండి. కొన్ని గంటల్లో మెహందీ రంగు ముదురుగా మారుతుంది. కానీ ఎక్కువ బామ్ రాయకూడదని గుర్తుంచుకోండి. లేదంటే చేతికి మంట పుడుతుంది.

మీరు రసాయన మెహందీ ఉపయోగిస్తే, మీ చేతికి ఎలాంటి బామ్ రాయకూడదు. ఇలా చేయడం వల్ల రియాక్షన్ వచ్చే అవకాశం ఉంది. రసాయన మెహందీ రంగు వాటంతట అదే ముదురుగా మారుతుంది.

మెహందీ పెట్టుకున్న తర్వాత కనీసం 5 నుంచి 6 గంటల వరకు సబ్బు వాడకూడదు. దీని వల్ల మెహందీ రంగు ముదురుగా రాదు. మీరు ఈ చిట్కాలు పాటిస్తే మీ మెహందీ రంగు చాలా అందంగా కనిపిస్తుంది. మీ చేతులు కూడా అంతే అందంగా ఉంటాయి.