ప్రతి పెళ్లికూతురు ఎదుర్కొనే కామన్ ప్రాబ్లం ఇది..!

పెళ్లి జీవితంలో ఓ ఆనందకరమైన, అందమైన ప్రయాణం. వైవాహిక జీవితంలోకి అడుగుపెట్టబోతున్నామనే ఆలోచన.. పెళ్లికూతురిలో కంగారు మొదలౌతుంది. ఓ వైపు ఆనందంతో ఉబ్బిపోతున్నా... మరో వైపు  ఎంతో కొంత కంగారు ఉండనే ఉంటుంది. కొత్త ఇంట్లో అడుగుపెట్టడం, వారి బంధువులను అర్థం చేసుకోవడం.. ఇలా ఎన్నో ప్రశ్నలు వారిని బుర్రను తినేస్తూ ఉంటాయి. అసలు పెళ్లి అనగానే.. వధువు ఎదుర్కొనే  కామన్ ప్రాబ్లమ్స్ ఏంటో ఓసారి చూసేద్దామా..
 

పెళ్లి తర్వాత.. వధువులు అత్తమామల ఇంట్లో అందరినీ ఎలా పిలవాలి లేదా పలకరించాలి అని ఆలోచిస్తారు. ప్రజలను సరైన రీతిలో సంబోధించడం భారతీయ సమాజంలో గొప్ప గౌరవం. కాబట్టి, ఈ ప్రశ్న.. వారిని ముందు నుంచే వేధిస్తూ ఉంటుందట. ఎవరిని ఎలా పిలవాలి..? ఎలా పలకరించాలి..? ఎలా ఉంటే నచ్చుతుంది అనే విషయం గురించి కంగారు పడుతూ ఉంటారు.

దాదాపు మన దేశంలో పెళ్లిళ్లు.. ఆచారాలు, సంప్రదాయాలతో కొన్ని గంటలపాటు సాగుతాయి. కొందరికైతే.. అర్థరాత్రి ముహుర్తాలు ఉంటాయి. దీంతో.. బాగా అలసిపోతారు. ముఖ్యంగా వధువుకి రెస్ట్ ఉండదు. దీంతో.. వారు పెళ్లి తర్వాత.. కనీసం రెండు, మూడు రోజులు ఫుల్ రెస్ట్ తీసుకోవాలని అనుకుంటూ ఉంటారు. కానీ.. అత్తగారింట్లో కొత్త కోడలు ఎక్కువ సేపు నిద్ర పోవడానికి అంగీకరిస్తారో లేదో..? అలా పడుకునే స్వతంత్రం ఉంటుందా లేదా అని కంగారు పడుతూ ఉంటారు.

పెళ్లి తర్వాత వధువుకి కాసేపు కూడా ఖాళీ సమయం దొరకదు. అందరూ వచ్చి పెళ్లి కూతురిని చూడాలి అంటూ ఉంటారు.  లేదంటే.. ఆ పూజ ఉంది.. ఈ వ్రతం ఉంది అంటూ.. మొత్తం అన్నీ.. పెళ్లికూతురితోనే ముడిపడి ఉంటాయి. దీంతో.. వారికి కనీసం కాసేపు కూడా ఒంటరిగా సమయం గడిపే అవకాశం ఉండదు.
 

ఇక.. పెళ్లి తర్వాత.. అమ్మాయిలకు బాగా నచ్చే విషయం ఒకటి ఉందట. అదేంటో తెలుసా..? అందరూ బహుమతులు ఇవ్వడం. అందరూ.. వధూవరులను ఆశీర్వదించి.. వారికి బహుమతులు ఇస్తూ ఉంటారు కదా.. అది మాత్రం వధూవరులకు బాగా నచ్చుతుందట.
 

ఇక.. పెళ్లి తర్వాత.. తమ పేరెంట్స్, కుటుంబసభ్యులకు దూరంగా ఉండాలి అనే ఆలోచన అమ్మాయిలకు బాగా బాధిస్తుందట. కాబట్టి.. ఎప్పుడెప్పుడు.. తమ ఇంటికి వెళ్లిపోదామా అని అనుకుంటూ ఉంటారట.  తమ పేరెంట్స్ ని తలచుకుంటూ ఉంటారు.