యోని దురద, చికాకు, నొప్పికి కారణాలు ఇవే..!
యోనిలో దురద వచ్చే సమస్య చాలా మందిని వేధిస్తుంటుంది. కానీ ఇది ప్రధానంగా పరిశుభ్రత లేకపోవడం వల్లే వస్తుందని నిపుణులు అంటుాన్నుు. దురద అనేది ఒక సాధారణ సమస్య. కానీ కొన్నిసార్లు ఈ దురద విపరీతమైన నొప్పి, వాపు, గాయాలకు కూడా కారణమవుతుంది. అందుకే దీన్ని లైట్ తీసుకోకూడదు.
యోనిలో దురద వచ్చే సమస్య చాలా మందిని వేధిస్తుంటుంది. కానీ ఇది ప్రధానంగా పరిశుభ్రత లేకపోవడం వల్లే వస్తుందని నిపుణులు అంటుాన్నుు. దురద అనేది ఒక సాధారణ సమస్య. కానీ కొన్నిసార్లు ఈ దురద విపరీతమైన నొప్పి, వాపు, గాయాలకు కూడా కారణమవుతుంది. అందుకే దీన్ని లైట్ తీసుకోకూడదు.
vagina
కానీ చాలా మంది ఆడవారు ఈ సమస్య గురించి బహిరంగంగా మాట్లాడలేకపోతుంటారు. కొంతమంది ఎంత ఇబ్బంది అయినా సరే హాస్పటల్ కు వెళ్లకుండా అలాగే ఉంటారు. ఈ తప్పు వల్లే సమస్య మరింత పెద్దది అవుతుంది. యోనిలో దురద రావడానికి బ్యాక్టీరియా, ఈస్ట్ ఇన్ఫెక్షన్ లేదా లైంగిక సంక్రమణ వ్యాధులు కూడా కారణం కావొచ్చు. అందుకే ఇలాంటి సమస్య వచ్చినప్పుడు వెంటనే హాస్పటల్ కు వెళ్లడం మంచిది. అసలు యోని దురదకు కారణమేంటో ఇప్పుడు తెలుసుకుందాం..
vagina
దురద లేదా చికాకు కలిగించే విషయాలు
చికాకు కలిగించే రసాయనాలు కూడా యోని దురదకు కారణమవుతాయి. ఇవి అలెర్జీ ప్రతిచర్యకు కారణమవుతాయి. ప్రస్తుత కాలంలో చాలా మంది యోనిని శుభ్రంగా ఉంచడానికి టీవీలో చూపించే యోని వాష్ లను ఉపయోగిస్తున్నారు. కానీ ప్రొడక్ట్ గురించి పూర్తిగా తెలుసుకోకుండా ఉపయోగించడం వల్ల ఇలాంటి సమస్యలను ఎదుర్కొంటున్నారని నిపుణులు అంటున్నారు. ఈ యోని వాష్ లు యోని దురదకు కూడా కారణమవుతాయి. వీటితో పాటుగా సబ్బు, బబుల్ బాత్, ఫ్యాబ్రిక్ సాఫ్ట్నర్, ఆరోమాటిక్ టాయిలెట్ పేపర్, సింథటిక్ కోటింగ్ ఉన్న శానిటరీ న్యాప్కిన్లు కూడా దురదకు కారణమవుతాయి.
ఈస్ట్ ఇన్ఫెక్షన్
యోనిలో సహజ ఈస్ట్ ఉంటుంది. ఇదేం ప్రమాదకరం కాదు. కానీ ఈ ఈస్ట్ ఎక్కువగా పెరిగినప్పుడు అది సంక్రమణకు కారణమవుతుంది. దీనిని యోని ఈస్ట్ ఇన్ఫెక్షన్ అంటారు. దీని వల్ల దురద వస్తుంది.
లైంగిక సంక్రమణ వ్యాధి
శారీరక సంబంధం పెట్టుకునేటప్పుడు సేఫ్టీ పద్ధతులను పాటించకపోవడం వల్ల ఎన్నో రకాల లైంగిక సంక్రమణ వ్యాధులు వచ్చే అవకాశం ఉంది. ఇది యోనిలో దురదకు కూడా కారణమవుతుంది. వీటిలో క్లామిడియా, జననేంద్రియ మొటిమలు, గోనేరియా, జననేంద్రియ హెర్పెస్ వంటి వ్యాధులు ఉన్నాయి. దురదతో పాటుగా ఈ వ్యాధులు ఆకుపచ్చ లేదా పసుపు ఉత్సర్గను కూడా కలిగిస్తాయి. అలాగే మూత్ర విసర్జన చేసేటప్పుడు చికాకుతో పాటుగా నొప్పిని కూడా కలిగిస్తాయి.
రుతువిరతి
రుతువిరతి ముగిసిన తర్వాత కూడా యోనిలో దురద వస్తుంది. దీనికి కారణం ఈస్ట్రోజెన్ హార్మోన్ లేకపోవడం. ఇది శ్లేష్మ పొర పొడిబారడానికి కారణమవుతుంది. దీని వల్ల దురద కలుగుతుంది.