బ్యూటీ విత్ టాలెంట్.. కీర్తి సురేష్ అందం సీక్రెట్ ఇదే..!

కీర్తి సురేష్.. ఈ పేరు వినగానే.. ముందుగా ఆమె అందం మనసులో కదలాడుతుంది. కేవలం అందంతో మాత్రమే కాదు.. తన టాలెంట్ తో ఆమె మెప్పించగలదు. ఎలాంటి ఎక్స్ పోజింగ్ లేకుండా... దక్షిణాదిన టాప్ హీరోయిన్ గా దూసుకుపోతోంది కీర్తీ సురేష్.
 

మహానటి సావిత్రి బయోపిక్ ని కేవలం తన నటన, హావా భావాలతో అందరి మనసు దోచేసింది. ప్రస్తుతం టాలీవుడ్ లో టాప్ హీరోలతో నటిస్తోంది. అంతేకాదు.. ఏదైనా లేడీ ఓరియంటెడ్ సినిమా తీయాలంటే ముందుగా అందరికీ గుర్తుకువచ్చేది కూడా కీర్తి సురేష్  అనడంలో ఎలాంటి సందేహం లేదు,

సినిమాల్లో అడుగుపెట్టిన కొత్తలో బొద్దుగా ముద్దుగా ఉన్న ఈ బ్యూటీ తర్వాత.. చిక్కింది. చక్కనమ్మ చిక్కినా అందమే అన్నట్లు.. సన్నపడిన తర్వాత కూడా కీర్తి అందంగానే ఉంది.
 

మరి అంత అందంగా కనపడటానికి కీర్తి ఏం చేస్తుంది..? తన అందాన్ని కాపాడుకోవడానికి కీర్తీ ఏం చేస్తుందో మీకు కూడా తెలుసుకోవాలని ఉందా ఇంకెందుకు ఆలస్యం చదివేయండి,,
 

కీర్తి.. తన శరీరాన్ని ఎప్పుడూ హైడ్రేటెడ్ గా ఉంచుకుంటారట. అందుకోసం ఎక్కువగా మంచినీరు తాగుతూ ఉంటారు. అలా మంచినీరు ఎక్కువగా తాగడం వల్ల బాడీ హైడ్రేటెడ్ గా ఉండి.. చర్మం మెరుస్తూ ఉంటుందట.

కీర్తి.. సినిమాలతో ఎంత బిజీగా ఉన్న తన స్కిన్ కేర్ రోటీన్ మాత్రం అస్సలు వదిలిపెట్టదట.  ప్రతిరోజూ క్లెన్సింగ్, టోనింగ్, మాయిశ్చరైజింగ్ తప్పనిసరిగా చేస్తూ ఉంటుందట.

తన శరీరాన్ని ఫిట్ గా ఉంచుకోవడానికి కీర్తి యోగా ఎక్కువగా చేస్తూ ఉంటారట. యోగా చేయడం వల్ల అందంతోపాటు ఆరోగ్యం కూడా లభిస్తుంది. చర్మం అందంగా మెరవడానికి సహాయ పడుతుంది.

ఇక.. కీర్తీ తన చర్మసౌందర్యం కోసం ఎలాంటి బయటి కెమికల్ ప్రోడక్ట్స్ ఉపయోగించరట. ఎక్కువగా సహజ పదార్థాలనే వినియోగిస్తూ ఉంటారట.
 

చాలా మంది మేకప్ లో ఫౌండేషన్ ని ఉపయోగిస్తూ ఉంటారు.  అయితే.. కీర్తి మాత్రం ఫౌండేషన్  ని అస్సలు వినియోగించరట. దానికి బదులు ఆమె బీబీ క్రీమ్ ని ఉపయోగిస్తుంటారట.

అంతేకాకుండా.. కీర్తి ఎక్కువగా హెవీ మేకప్ వేసుకోవడాన్ని పెద్దగా ఇష్టపడటరట. చాలా సహజంగా  ఉండేందుకు చాలా లైట్ మేకప్ ని వినియోగిస్తూ ఉంటారట. దాని వల్ల కూడా ఆమె అందంగా కనిపిస్తున్నారని చెప్పాలి,
 

షూటింగ్ ల కోసం మేకప్ వేసుకోక తప్పదు. అయితే.. ఎంత అలసిపోయినా.. ఆమె ఆ మేకప్ తోనే నిద్రపోరట. కచ్చితంగా ఆ మేకప్ మొత్తం క్లీన్ చేసుకోని తర్వాతే పడుకుంటారట.
 

కీర్తి సురేష్  ముఖం లో చిరునవ్వు ఎప్పుడూ చెరగనివ్వరట. ఆమె ఎప్పుడూ నవ్వుతూ ఉంటారు కాబట్టి..  ఆ నవ్వు మరింత అందాన్ని తీసుకువస్తుంది.

ఇక తన జుట్టు ఆరోగ్యంగా ఉంచుకోవడానికి కీర్తి.. కేవలం కొబ్బరి నూనె మాత్రమే వినియోగిస్తారట. దానితో తరచూ మసాజ్ చేస్తూ ఉంటారట. దాని వల్ల ఆమె మరింత అందంగా కనపడుతున్నారు.