40 దాటిన మహిళలు కచ్చితంగా తాగాల్సిన డ్రింక్స్ ఇవి..!

వయసు పెరుగుతున్న కొద్దీ ఆరోగ్య సమస్యలు రావడం మొదలౌతూ ఉంటాయి. ముఖ్యంగా మహిళలు.. వయసు పెరుగుతున్న సమయంలో ప్రత్యేక శ్రద్ధ వహించాల్సి ఉంటుంది. ఎందుకంటే.. హార్మోన్ల మార్పులు మహిళల శరీరంపై గొప్ప ప్రభావాన్ని చూపిస్తాయి.  శరీరంలో హార్మోన్ల హెచ్చుతగ్గుల కారణంగా… మహిళల మానసిక, శారీరక ఆరోగ్యం దెబ్బతింటుంది.

అందువల్ల, వివిధ దశలలో ఆరోగ్యంగా ఉండటానికి, మహిళలు తమ ఆమారం, లైఫ్ స్టైల్ లో కొన్ని ప్రత్యేక మార్పులు చేసుకోవాలి. ఆరోగ్యకరమైన ఆహారం, కొన్ని ప్రత్యేకమైన మూలికలు తీసుకోవడం వల్ల ఆరోగ్య సమస్యలు రాకుండా ఉంటాయట. 40 దాటిన మహిళలు రెండు డ్రింక్స్ తాగడం వల్ల ఆరోగ్య సమస్యలు రావట. మరి , ఆ హెల్దీ డ్రింక్స్ ఏంటో చూద్దాం…

1.ఆస్పరాగస్ టీ…

ఆస్పరాగస్ అనేది ఒక హెర్బల్. దీని టీ పొడి మీకు మార్కెట్లో ఈజీగా లభిస్తుంది. ఈ టీ మహిళలకు చాలా ఆరోగ్య ప్రయోజనాలను అందిస్తుంది. మహిళల్లో వచ్చే అనేక సమస్యలను నివారించడంలో సహాయం చేస్తాయి. ఈ టీ తాగడం వల్ల హార్మోన్ ఇంబ్యాలెన్స్ సమస్య రాకుండా ఉంటుంది. 40, 45 దాటిన మహిళల్లో మోనోపాజ్ లక్షణాలు మొదలౌతాయి. ఈ టీ తాగడం వల్ల మెనోపాజ్ లక్షణాలను తగ్గిస్తుంది. వయసులో ఉన్న మహిళలు కూడా దీనిని తమ ఆహారంలో భాగం చేసుకోవచ్చు. ఇది మహిళల సంతానోత్పత్తిని మెరుగుపరచడంలో ప్రభావవంతంగా ఉంటుంది. ఇది జీర్ణక్రియకు సంబంధించిన సమస్యల నుండి కూడా ఉపశమనం కలిగిస్తుంది. ఈ టీ మనస్సు, శరీరానికి విశ్రాంతినిస్తుంది. బలహీనతను తొలగిస్తుంది.

2.మునగాకు టీ…
మునగాకు ఆరోగ్యానికి సూపర్ ఫుడ్. దీనిని అన్ని రకాల వయసుల మహిళలు తమ ఆహారంలో భాగం చేసుకోవాలి. 40 దాటిన మహిళలు కచ్చితంగా తీసుకోవాలి.  టీ గా మాత్రమే కాదు.. వేరే రూపంలో కూడా ఈ మునగాకులను తీసుకోవచ్చు.

ఈ టీ తీసుకోవడం వల్ల మన శరీరానికి ఐరన్, కాల్షియం అనేక ఇతర ముఖ్యమైన ఖనిజాలు ఇందులో ఉన్నాయి. ఈ టీ జీవక్రియను మెరుగుపరుస్తుంది. ఇది ఒత్తిడి, ఆందోళన, మూడ్ స్వింగ్‌లను కూడా తగ్గిస్తుంది. ఇది వృద్ధాప్య సంకేతాలను కూడా తగ్గిస్తుంది.
ఈ టీ 40 ఏళ్ల తర్వాత కీళ్ల నొప్పులను తగ్గించడంలో కూడా చాలా ఉపయోగకరంగా ఉంటుంది.