హీరోయిన్ శ్రియా వయసు ఇంతా.. ? అంత వయసొచ్చినా నాజుగ్గా, ఫిట్ గా ఎలా ఉందో తెలుసా?
హీరోయిన్ శ్రియా వయసు 41 ఏండ్లంటే ఎవరైనా నమ్ముతారా? నమ్మడం కష్టమే కానీ..నమ్మాల్సిందే. ఈ వయసులోనూ పర్ఫెక్ట్ బాడీ షేప్ తో అందరినీ ఆశ్చర్యానికి గురిచేస్తోంది ఈ బ్యూటీ. అసలు ఈ హీరోయిన్ ఇంత నాజూగ్గా ఉండటానికి రహస్యమేంటో ఇప్పుడు తెలుసుకుందాం పదండి.
చిరంజీవి, బాలయ్యబాబు, మహేహ్ బాబు అంటూ ఎందరో పెద్ద పెద్ద హీరోయిన్ల సరసన నటించి మెప్పించింది హీరోయిన్ శ్రియా శరణ్. ఒకప్పుడు ఈ హీరోయిన్ దే హవా. ఈ బ్యూటీకి ఉన్న క్రేజ్ అంతా ఇంతా కాదు. అయితే కుర్ర హీరోయిన్ల రాకతో ఈ బ్యూటీకి అవకాశాలు కాస్త తగ్గాయి. అయినా ఫిట్ నెస్ ను మాత్రం ఖచ్చితంగా మెయిన్ టైన్ చేస్తోంది. మీకు తెలుసా? ఇప్పుడు శ్రియా శరణ్ వయసు అక్షరాల 41 సంవత్సరాలు. అయినా ఈ బ్యూటీ లుక్ పర్ఫెక్ట్ గా ఉంది. ఓవర్ వెయిట్, ముడతలు అంటూ ఏజ్ మీదపడ్డ లక్షణాలు ఈ హీరోయిన్ లో ఎక్కడా కనిపించవు. 41 ఏండ్ల వయసైనా 25 ఏండ్లు ఉన్నట్టుగానే కనిపిస్తుంది. అసలు ఈ బ్యూటీ ఫిట్ నెస్ సీక్రేట్స్ ఏంటో ఇప్పుడు తెలుసుకుందాం పదండి.
సర్క్యూట్ ట్రైనింగ్
శ్రియా శరణ్ తన శరీరాన్ని ఫిట్ గా, బలంగా ఉంచడానికి ఎన్నో వ్యాయామాలు చేస్తుంటుంది. వీటిలో స్క్వాట్స్ వంటి సర్క్యూట్ వ్యాయామాలను చేస్తుంది. ఈ వ్యాయామాల వల్ల ఆమె బరువు పెరగదు. అలాగే ఆరోగ్యంగా, ఫిట్ గా ఉంటుంది.
యోగా, స్విమ్మింగ్
మీకు తెలుసా? హీరోయిన్ శ్రియా శరణ్ తల్లి యోగా ఇన్ స్ట్రక్టర్. ఇంకేముంది శ్రియా శరణ్ కు యోగా గురించి బాగా తెలుసు. యోగా చేయడం వల్ల కలిగే లాభాల గురించి ఈ హీరోయిన్ కి తెలుసు కాబట్టి రోజూ యోగా ఖచ్చితంగా చేస్తుంది. అలాగే ఈ హీరోయిన్ రెగ్యులర్ గా స్విమ్మింగ్ కూడా చేస్తుందట.
కార్డియో శిక్షణ
శ్రియా శరణ్ కు 41 ఏండ్లు ఉన్నా ప్రతిరోజూ జిమ్ కు ఖచ్చితంగా వెళుతుందట. ముఖ్యంగా కార్డియో వ్యాయామం చేస్తుంది. అయితే ఈ హీరోయిన్ జిమ్ కంటే బహిరంగ ప్రదేశాల్లో వాకింగ్, జాగింగ్ చేయడానికే ఎక్కువగా ఇంట్రెస్ట్ చూపుతుందట. ఈ బ్యూటీ రోజూ 20 నిమిషాల పాటు జాగింగ్ చేస్తుంటుంది.
బ్రేక్ ఫాస్ట్
శ్రియా శరణ్ ప్రతిరోజూ ఒక గ్లాసు ఆరెంజ్ జ్యూస్ తో తన డేను స్టార్ట్ చేస్తుంది. ఆరెంజ్ జ్యూస్ ఈ బ్యూటీ చర్మాన్ని ఆరోగ్యంగా, తేమగా ఉంచుతుంది. ఆరెంజ్ జ్యూస్ తాగిన తర్వాత ఈ చిన్నది మసాలా ఆమ్లెట్, పరాఠా తింటారట. ఇవే ఆమెను రోజంతా హెల్తీగా ఉంచుతాయట.
లంచ్, డిన్నర్
శ్రియా లంచ్, డిన్నర్ ను అస్సలు మిస్ చేయరు. అలాగే ఆరోగ్యకరమైన ఆహారాలను మాత్రమే తింటారు. అందులోనూ శ్రియాకు ఇంట్లో వండిన ఫుడ్ అంటేనే చాలా ఇష్టమట. వీటిలో ఇందులో కాయధాన్యాలు, కూరగాయలు, రొట్టె, వేయించిన చేపలు ఉంటాయట.
మంచి నిద్ర
శ్రియా శరణ్ నిద్ర విషయంలో అస్సలు కాంప్రమైజ్ కాదట. ఎందుకంటే నిద్రతోనే ఆరోగ్యం, అందం ఉంటుందన్న సంగతి ఈ హీరోయిన్ కు తెలుసు. అందుకే ఏదిఏమైనా ఈ హీరోయిన్ కంటినిండా నిద్రపోతుందట. ప్రతిరోజూ ఈ హీరోయిన్ ఎనిమిది గంటల పాటు నిద్రపోతుందట. నిద్ర రీఫ్రెష్ గా చేయడంతో పాటుగా అందాన్ని కూడా కాపాడుతుంది.