Weather Report: గ‌జ‌గ‌జ వ‌ణ‌కాల్సిందే, మ‌రింత పెర‌గ‌నున్న చ‌లి తీవ్ర‌త‌.. పూర్తిగా త‌గ్గేది ఎప్పుడంటే?

Weather Report: చ‌లి తీవ్ర‌త పెరుగుతోంది. కొన్ని చోట్ల‌ క‌నిష్ఠ ఉష్ణోగ్ర‌త‌లు సింగిల్ డిజిట్‌కు ప‌డిపోతున్నాయి. దీంతో ప్ర‌జ‌లు తీవ్ర ఇబ్బందులు పడుతున్నారు. కాగా వ‌చ్చే 3 రోజులు చ‌లి మ‌రింత పెరిగే అవ‌కాశం ఉంద‌ని అధికారులు హెచ్చ‌రిస్తున్నారు. 

Image Credit : ANI

ఒక్కసారిగా పెరిగిన చ‌లి తీవ్ర‌వ‌

తెలంగాణ, ఆంధ్రప్రదేశ్‌లో ఈ ఏడాది చ‌లికాలం అసాధారణంగా కొనసాగుతోంది. పలు జిల్లాల్లో క‌నిష్ఠ‌ ఉష్ణోగ్రతలు సింగిల్ డిజిట్‌కు పడిపోవడంతో ప్రజలు తీవ్ర‌ చలిని ఎదుర్కొంటున్నారు. ముఖ్యంగా రాత్రి వేళ నుంచి తెల్లవారుజాము వరకూ చలి తీవ్రత ఎక్కువగా కనిపిస్తోంది. హైదరాబాద్ వాతావరణ కేంద్రం అంచనాల ప్రకారం ఈ పరిస్థితి డిసెంబర్ 31 వరకు కొనసాగనుంది. ఆ తరువాత ఉష్ణోగ్రతలు క్రమంగా పెరిగే అవకాశాలు ఉన్నట్లు తెలిపింది.

Image Credit : X@IndianTechGuide

తెలంగాణ జిల్లాల్లో చలి ప్రభావం ఎలా ఉందంటే.?

తాజా వాతావరణ గణాంకాల ప్రకారం తెలంగాణలోని పలు జిల్లాల్లో రాత్రి ఉష్ణోగ్రతలు గణనీయంగా తగ్గాయి. సంగారెడ్డి, మెదక్, ఆదిలాబాద్, నిర్మల్, నిజామాబాద్, కరీంనగర్, జగిత్యాల, సిద్దిపేట జిల్లాల్లో కనీస ఉష్ణోగ్రతలు 6 నుంచి 9 డిగ్రీల మధ్య నమోదయ్యాయి. హైదరాబాద్ పరిసర ప్రాంతాలైన రంగారెడ్డి, మేడ్చల్–మల్కాజ్‌గిరి ప్రాంతాల్లో ఉష్ణోగ్రతలు 13 నుంచి 15 డిగ్రీల వరకు పడిపోయాయి. నగరాల్లో కంటే గ్రామీణ ప్రాంతాల్లో చలి మరింత ఎక్కువగా ఉంది.

Image Credit : Generated by google gemini AI

ఆంధ్రప్రదేశ్‌లోనూ ఇదే పరిస్థితి

ఆంధ్రప్రదేశ్‌లో ముఖ్యంగా రాయలసీమ ప్రాంతాల్లో చలి ప్రభావం స్పష్టంగా కనిపిస్తోంది. కర్నూలు, అనంతపురం, వైఎస్సార్ కడప, చిత్తూరు, ప్రకాశం జిల్లాల్లో రాత్రి ఉష్ణోగ్రతలు 7 నుంచి 9 డిగ్రీల మధ్య నమోదు అవుతున్నాయి. వ్యవసాయ ప్రాంతాల్లో నివసించే ప్రజలు చలి కారణంగా ఉదయం వేళ ఎక్కువ ఇబ్బందులు పడుతున్నారు. కొన్ని చోట్ల పొగమంచు ఏర్పడే అవకాశం ఉందని వాతావరణ శాఖ హెచ్చరిస్తోంది.

Image Credit : Gemini AI

డిసెంబర్ చివరి వరకు కొనసాగనున్న చలి

భారత వాతావరణ సంస్థ అంచనాల ప్రకారం రాబోయే నాలుగు నుంచి ఐదు రోజులు తెలంగాణ రాష్ట్రవ్యాప్తంగా ఉష్ణోగ్రతలు సాధారణం కంటే 3 నుంచి 4 డిగ్రీలు తక్కువగా ఉండే అవకాశం ఉంది. పగటిపూట ఎండ సాధారణంగా ఉన్నా ఉదయం, సాయంత్రం వేళల్లో చలిగాలులు బలంగా వీస్తాయి. ప్రస్తుతం రెండు రాష్ట్రాల్లో వర్షాలకు సంబంధించిన సూచనలు లేవని వాతావరణ శాఖ స్పష్టం చేసింది.

Image Credit : Gemini AI

జనవరి నుంచి మార‌నున్న ప‌రిస్థితులు

జనవరి ప్రారంభంలో ఉష్ణోగ్రతలు క్రమంగా 1 నుంచి 2 డిగ్రీలు పెరిగే అవకాశముందని వాతావరణ నిపుణులు చెబుతున్నారు. అయితే సంక్రాంతి సమయంలో ఉత్తర భారతం నుంచి వచ్చే చలిగాలుల ప్రభావంతో స్వల్పంగా చలి మళ్లీ పెరిగే సూచనలు ఉన్నాయి. ఈ ప్రభావం ఉత్తర తెలంగాణ ప్రాంతాలు, రాయలసీమ జిల్లాల్లో ఎక్కువగా ఉండొచ్చని అంచనా. జనవరి చివరి వారానికి వచ్చేసరికి చలి ప్రభావం పూర్తిగా తగ్గుముఖం పడుతుందని వాతావరణ శాఖ వెల్లడించింది.