Telangana Jobs : తెలంగాణ మహిళలకు సూపర్ ఛాయిస్ ... మీ ఊళ్లోనే ప్రభుత్వ ఉద్యోగమిచ్చి రూ.2 లక్షలు ఇస్తారట

తెలంగాణ ప్రభుత్వం రాష్ట్రంలోని ఆడబిడ్డలకు సూపర్ ఛాయిస్ ఇస్తోంది. మీరు కొద్దిగా చదువుకుంటే చాలు ఏకంగా ప్రభుత్వ ఉద్యోగమిచ్చి రూ.2 లక్షలు కూడా ఇవ్వనున్నారు. ఇందుకోసం మీరు ఏం చేయాలంటే…

Image Credit : Getty

తెలంగాణలో భారీగా అంగన్వాడీ ఉద్యోగాలు

Anganwadi Jobs : తెలంగాణ ప్రభుత్వం ఇప్పటికే రాష్ట్రవ్యాప్తంగా భారీగా అంగన్వాడీ ఉద్యోగాల భర్తీకి శ్రీకారం చుట్టింది. రాష్ట్రవ్యాప్తంగా 14,236 అంగన్వాడీ పోస్టులను భర్తీ చేయనున్నట్లు ఇప్పటికే ప్రభుత్వం ప్రకటించింది.. టీచర్లు, హెల్పర్ పోస్టులను భర్తీ చేయనున్నట్లు స్వయంగా స్త్రీ శిశు సంక్షేమ శాఖ మంత్రి సీతక్క ప్రకటించారు. ఇప్పటికే నోటిఫికేషన్ జారీకి కూడా గ్రీన్ సిగ్నల్ ఇచ్చింది ప్రభుత్వం. అంగన్వాడీ ఉద్యోగాల భర్తీ ఫైల్ పై మంత్రి సీతక్క సంతకం కూడా చేసారు. 

Image Credit : our own

అంగన్వాడీ ఉద్యోగులకు గుడ్ న్యూస్

ఇలా భారీ ఉద్యోగాల భర్తీ ప్రకటనతో మహిళలకు శుభవార్త చెప్పిన ప్రభుత్వం తాజాగా మరో గుడ్ న్యూస్ తెలిపింది. అంగన్వాడీ టీచర్లు, హెల్పర్ల పదవీ విరమణ ప్రయోజనాలు పెంచుతూ రేవంత్ సర్కార్ నిర్ణయం తీసుకుంది. ఇందులో భాగంగానే రిటైరయ్యే అంగన్‌వాడీ టీచర్లకు రూ.2 లక్షలు.. అంగన్‌వాడీ హెల్పర్లకు లక్ష రూపాయలు ఇవ్వనున్నట్లు ప్రభుత్వం ప్రకటించింది. ఇందుకు ఆర్థిక శాఖ ఆమోదం కూడా లభించింది. త్వరలోనే అధికారికంగా ఉత్తర్వులు వెలువడనున్నాయి.

Image Credit : Getty

అంగన్వాడీ ఉద్యోగులకు జీతాల పెంపు

గతంలోనే తెలంగాణలోని అంగన్వాడీ టీచర్లు, హెల్పర్లకు జీతాలను భారీగా పెంచారు. ఇక ఇటీవల మినీ అంగన్వాడీ టీచర్లకు ప్రమోషన్ కల్పించి అంగన్వాడీ టీచర్లకు సమానంగా జీతాలు పెంచారు. మరోవైపు రాష్ట్రవ్యాప్తంగా ఒకేసారి 14 వేలకు పైగా అంగన్వాడీ ఉద్యోగాల భర్తీకి సిద్దమయ్యింది ప్రభుత్వం. తాజాగా అంగన్వాడీలకు రిటైర్మెంట్ బెనిఫిట్స్ కల్పిస్తూ నిర్ణయం తీసుకున్నారు. ఇలా అంగన్వాడీలకు వరుసగా గుడ్ న్యూస్ లు చెబుతోంది కాంగ్రెస్ ప్రభుత్వం. 

Image Credit : Getty

తెలంగాణ మహిళలకు సూపర్ ఛాయిస్

తెలంగాణవ్యాప్తంగా 35 వేలకుపైగా అంగన్వాడీ కేంద్రాలున్నాయి... ప్రతి అంగన్వాడీలో ఓ టీచర్, ఓ హెల్పర్ ఉండాలి. అయితే కొన్ని అంగన్వాడీలు టీచర్లు లేకుండా కొనసాగుతున్నాయి... మరికొన్నిట్లో హెల్పర్ల పని కూడా టీచర్లే చేయాల్సి వస్తోంది. దీంతో చిన్నారులకు అంగన్వాడీల్లో సరైన సేవలు అందించలేకపోతున్నారు. 

ఇలా అంగన్వాడీల్లో ఉద్యోగుల కొరతను గుర్తించిన రేవంత్ సర్కార్ రాబోయే విద్యాసంవత్సరంలో  టీచర్లు, హెల్పర్ల కొరత లేకుండా చూడాలని సంబంధిత శాఖను ఆదేశించింది. దీంతో అంగన్వాడీలో ఉద్యోగాల భర్తీకి సంబంధించి వేగంగా నిర్ణయాలు తీసుకున్నారు… ఈ ఫైలు వేగంగా కదిలింది. ఇందులో భాగంగానే 6,399 టీచర్లు, 7,837 హెల్పర్ పోస్టులు మొత్తంగా 14 వేలకు పైగా ఉద్యోగాల భర్తీకి సర్వం సిద్దమయ్యింది.

Image Credit : our own

అంగన్వాడీ ఉద్యోగాలకు అర్హతలివే

కేవలం ఇంటర్మీడియట్ విద్యార్హతతో అంగన్వాడీ టీచర్ల భర్తీ చేపట్టనున్నారు... గతంలో పదో తరగతి అర్హతతోనే ఈ పోస్టులు భర్తీచేయగా ఇప్పుడు విద్యార్హతలు కొంచెం పెంచబోతున్నట్లు తెలుస్తోంది.  ఇక 18 నుండి 35 ఏళ్లలోపు మహిళలు ఈ ఉద్యోగాలకు అర్హులు... వీరు ఆ అంగన్వాడీ పరిధిలోనే శాశ్వత నివాసం కలిగివుండాలి. 

అంగన్వాడీ ఉద్యోగులకు మంచి సాలరీలున్నాయి… టీచర్లకు రూ.12,500 నుండి రూ.13,500 వరకు, హెల్పర్లకు రూ.8000 సాలరీ ఉంటుంది. స్వస్థలంలోనే ఉద్యోగం, మంచి జీతం,  భద్రత ఉండటంతో అంగన్వాడీ టీచర్ పోస్టులకు డిమాండ్ పెరిగింది.