Holidays: ఒక్కరోజు మేనేజ్ చేస్తే నాలుగు రోజులు సెలవులు, రెండు లాంగ్ వీకెండ్స్..!
సమ్మర్ లో ఫ్యామిలీతో కలిసి బయటకు వెళ్లాలని అనుకుంటున్నారా? ఆఫీసులో లీవ్ పెట్టాల్సిన అవసరం లేకుండా, హ్యాపీగా ఎంజాయ్ చేయడానికి లాంగ్ వీకెండ్స్ వస్తున్నాయి.
ఓవైపు పిల్లలకు వేసవి సెలవలు దగ్గరపడుతున్నాయి. ఇక పిల్లలు ఇంట్లో ఉంటే వాళ్ల అల్లరి భరించలేం. అలా అని.. వాళ్లను ఎక్కడికైనా బయటకు తీసుకువెళదామా అంటే..మనకేమే ఆఫీసు వర్క్ లు. పిల్లల స్కూళ్లకు సెలవులు ఇచ్చినట్లు.. మనకు కూడా ఆఫీసుకు సెలవులు ఉంటే బాగుండు కదా అని చాలా మంది అనుకుంటారు. పిల్లలు లేని యూత్ కూడా అంతే.. ఎక్కడికైనా జాలీగా బయటకు వెళ్లివద్దామన్నా ఆఫీసు వర్క్ కారణంగా కుదరకపోవచ్చు. అన్ని ప్లేసులకు శనివారం, ఆదివారం రెండు రోజుల్లో వెళ్లి వచ్చేయలేం కదా. మీరు కూడా ఇదే విషయంలో బాధపడుతున్నారా? అయితే, ఈ గుడ్ న్యూస్ మీకోసమే. హ్యాపీగా ఈ ఏప్రిల్, మే నెలల్లో మీరు రెండు సార్లు ట్రిప్ కి వెళ్లి రావచ్చు. మరి, ఆ తేదీలేంటో చూద్దామా..
ఏప్రిల్ 18వ తేదీన గుడ్ ఫ్రైడే వచ్చింది. అంటే శుక్రవారం. ఆ తర్వాత శని, ఆదివారాలు ఏలాగూ సెలవులే.ఈ మూడు రోజులతో మంచిగా లాంగ్ వీకెండ్ ని ఎంజాయ్ చేయవచ్చు. దగ్గరలో ఉన్న ఏ ప్లేస్ కి వెళ్లినా.. హ్యాపీగా ఫ్యామిలీతో ఎంజాయ్ చేయవచ్చు.
Public Holiday
ఇక.. మేలో కూడా లాంగ్ వీకెండ్ ని మీరు ఎంజాయ్ చేయవచ్చు. ఎలాగూ మే 1 కార్మికుల దినోత్సవం పేరిట ఆ రోజు అందరికీ హాలీడే ఉండనే ఉంది. అది గురువారం వచ్చింది. శుక్రవారం ఒక్కరోజు కనుక లీవ్ పెడితే చాలు. మళ్లీ శనివారం, ఆదివారం ఏలాగూ సెలవులే. హ్యాపీగా నాలుగు రోజులు ఎంజాయ్ చేయవచ్చు. ఎండాకాలం కాబట్టి.. చల్లగా ఉండే ఏ ఊటీ, సిమ్లా లాంటి ప్లేసులకు పిల్లలతో కలిసి వెళ్లి చక్కగా ఎంజాయ్ చేయవచ్చు.