Holidays : తెలుగు విద్యార్థులకు తీపికబురు... ఇలా వేసవి సెలవులు ముగియగానే అలా మరిన్ని సెలవులు

15

Image Credit : social media

సమ్మర్ హాలిడేస్ తర్వాత కూడా సెలవులే

School Holidays : ప్రస్తుతం తెలుగు రాష్ట్రాల్లో వేసవి సెలవులు కొనసాగుతున్నాయి. ఆంధ్ర ప్రదేశ్ తో పాటు తెలంగాణలోనూ విద్యాసంస్థలకు ఏప్రిల్ 24న సెలవులు ప్రారంభమయ్యాయి... మే మొత్తం కొనసాగి జూన్ 11 లో ముగియనున్నాయి. జూన్ 12న ప్రభుత్వ, ఎయిడెడ్, ప్రైవేట్ స్కూళ్లన్నీ తెరుచుకుంటాయి. అంటే మరో పదిహేను ఇరవై రోజుల్లో వేసవి సెలవులు ముగుస్తాయి... పిల్లలంతా బడిబాట పడతారు.

అయితే వేసవి సెలవుల్లో సరదాగా గడిపిన పిల్లలు స్కూలుకు వెళ్లాలంటే ఇష్టపడరు. మరికొన్నిరోజులు సెలవులు ఉంటే బాగుంటుందని కోరుకుంటారు. ఇలాంటి విద్యార్థుల కోసమే ఈ సమాచారం. జూన్ లో స్కూళ్లు ఇలా ప్రారంభంకాగానే అలా కొన్ని సెలవులు వస్తున్నాయి. వేసవి సెలవులు ముగిసాయని బాధపడే విద్యార్థులకు ఈ సెలవులు కాస్త ఊరట ఇవ్వనున్నాయి. ఇలా వేసవి సెలవులు ముగియగానే వచ్చే సెలవుల గురించి తెలుసుకుందాం.

25

Image Credit : our own

వేసవి సెలవుల పొడిగింపు లేనట్లే...

తెలంగాణతో పాటు ఆంధ్ర ప్రదేశ్ లో కూడా వచ్చే నెల జూన్ 12 విద్యాసంస్థలు పున:ప్రారంభం కానున్నాయి. ఇప్పటికే ఎండల తీవ్రత తగ్గి వర్షాలు ప్రారంభమయ్యాయి... జూన్ లో ఈ వర్షాలు మరింత జోరందుకునే అవకాశం ఉంది. కాబట్టి వేసవి సెలవుల పొడిగింపుకు అవకాశమే లేదు... అనుకున్న సమయానికే విద్యాసంస్థలకు ప్రారంభం అవుతాయి.

35

Image Credit : our own

తెలుగు రాష్ట్రాల్లో ఆప్షనల్ హాలిడేస్

ఇలా వేసవి సెలవులు ముగియగానే స్కూళ్లకు భారంగా వెళ్ళే విద్యార్థులకు గుడ్ న్యూస్. జూన్ లో విద్యాసంస్థలకు కొన్ని ఐచ్చిక సెలవులు ఉన్నాయి. అంటే విద్యాసంస్థల నిర్వహకులు ఈ ఆప్షనల్ హాలిడే పై నిర్ణయం తీసుకుంటారు.. విద్యార్థులకు సెలవు ఇవ్వాలనుకుంటే ఇవ్వొచ్చు. దీన్ని అధికారిక సెలవుగానే పరిగణిస్తారు.

45

Image Credit : our own

జూన్ లో సెలవులే సెలవులు

జూన్ 12న స్కూల్ ప్రారంభమైతే జూన్ 15న ఈద్-ఇ-గదీర్ సందర్భంగా ఐచ్చిక సెలవు ఉంది. అలాగే ఈ నెలలో మరో సెలవు కూడా ఉంది. జూన్ 27న రథయాత్ర సందర్భంగా ఆప్షనల్ హాలిడే ఇచ్చారు. ఇలా తెలంగాణతో పాటు ఆంధ్ర ప్రదేశ్ లోనూ విద్యాసంస్థలకు ఈ రెండ్రోజులు ఆప్షనల్ హాలిడేనే. జూన్ 7 న బక్రీద్ పండక్కి సాధారణ సెలవు ఉన్నా అది వేసవి సెలవుల్లోనే కలిసిపోతోంది.

55

Image Credit : our own

వర్షాలు కురిసినా సెలవులే...

ఈ ఐచ్చిక సెలవులకు తోడు ఆదివారాలు ఎలాగూ సెలవే. ఇక జూన్ లో రుతుపవనాలు తెలుగు రాష్ట్రాలంతా వ్యాపిస్తాయి.. వీటి ప్రభావంతో భారీ వర్షాలు కురిసి నదులు, వాగులు వంకలు ఉప్పొంగి… చెరువులు, ప్రాజెక్టులు నిండుకుండలా మారి వరద పరిస్థితుల వస్తే అప్పుడు కూడా జాగ్రత్త చర్యల్లో భాగంగా విద్యాసంస్థలకు సెలవులు ఇస్తారు. ఇలా వేసవి సెలవులు ముగిసాయని బాధపడే విద్యార్థులకు ఈ సెలవులన్నీ ఊరట ఇస్తాయి.