Holidays : సెలవులే సెలవులు ... జూన్ నెలంతా అక్కడి విద్యాసంస్థలకు హాలిడేస్
సాధారణంగా తెలుగు రాష్ట్రాల్లో వేసవి సెలవులంటే ఏప్రిల్ లో ప్రారంభమై జూన్ లో ముగుస్తాయి. కానీ కొన్నిరాష్ట్రాల్లో వర్షాకాలంలో అంటే జూన్ లో సెలవులు ఉంటాయి. అలాంటి రాష్ట్రాలేవో చూద్దాం.,
school holidays
Summer Holidays : వేసవి సెలవులు వచ్చాయంటే చాలామంది విద్యార్థులకు మామూలు ఆనందం కాదు. స్కూల్ కి వెళ్లాల్సిన అవసరం లేదు... చదువుల ఒత్తిడి, పరీక్షల టెన్షన్ ఉండదు... క్లాస్ వర్క్ లు, హోంవర్క్ లు చేయాల్సిన అవసరం ఉండదు... హాయిగా కుటుంబసభ్యులు, స్నేహితులతో గడపవచ్చు. ఇక సొంతూరికి వెళ్లి నాన్నమ్మ వాళ్ల ఇంట్లో లేదంటే అమ్మమ్మ వాళ్ల ఇంట్లో ఎంజాయ్ చేయవచ్చు... ఇలా పట్నాల్లోని పిల్లలు పల్లెటూళ్లలో సరదాగా గడుపుతారు. అందుకే వేసవి సెలవులు వచ్చాయంటే పిల్లలు ఎగిరి గంతేస్తారు.
అయితే తెలుగు రాష్ట్రాల్లో ఇప్పటికే వేసవి సెలవులు సగం ముగిసాయి. ఆంధ్ర ప్రదేశ్, తెలంగాణలో పదో తరగతి, ఇంటర్మీడియట్ విద్యార్థులకు చాలా ముందుగానే వేసవి సెలవులు వచ్చాయి... మిగతా తరగతుల విద్యార్థులకు ఏప్రిల్ 24 నుండి సెలవులు ప్రారంభమయ్యాయి. అన్ని ప్రభుత్వ, ఎయిడెట్, ప్రైవేట్ స్కూళ్లకు జూన్ 11 వరకు సెలవులు కొనసాగనున్నాయి.. జూన్ 12న తిరిగి ప్రారంభం అవుతాయి. అంటే 46 రోజులపాటు విద్యార్థులకు సెలవులు కొనసాగుతాయన్నమాట.
School Holidays
తెలుగు రాష్ట్రాల్లో వేసవి సెలవులు ముగిసే సమయానికి కొన్ని రాష్ట్రాల్లో సెలవులు ప్రారంభంకానున్నాయి. ఇలా జూన్ ఆరంభంలో మొదలై జూలైలో సెలవులు ముగుస్తాయి. వర్షాల సమయంలో సెలవులు వస్తాయి కాబట్టి వీటిని వర్షాకాలం అనవచ్చేమో. ఇలా త్వరలో ఏయే రాష్ట్రాల్లో విద్యాసంస్థలకు సెలవులు ప్రారంభం అవుతాయో తెలుసుకుందాం.
school holidays
ఈ రాష్ట్రాల్లో జూన్ నెలంతా సెలవులే :
భారతదేశంలోని ఒక్కో రాష్ట్రంలో విద్యాసంస్థలకు అకడమిక్ బ్రేక్ ఒక్కోలా ఉంటుంది. తెలుగు రాష్ట్రాల్లో వేసవిలో సెలువులుంటే కొన్నిరాష్ట్రాల్లో వర్షాకాలం ఆరంభంలో సెలవులు ప్రారంభం అవుతాయి. ఇలా దేశ రాజధాని డిల్లీలో జూన్ 1 నుండి విద్యాసంస్థలకు సెలవులు ప్రారంభం కానున్నాయి. ఇక ఉత్తర ప్రదేశ్, తమిళనాడులో కూడా ఇదేవిధంగా సెలవులు ప్రారంభమవుతాయి.
ఇలా ఈ మూడు రాష్ట్రాల్లో జూన్ 1 నుండి జూలై 16 వరకు విద్యాసంస్థలకు సెలవులు రానున్నాయి. అంటే మొత్తంగా 46 రోజులపాటు డిల్లీ, తమిళనాడు, ఉత్తర ప్రదేశ్ లో ప్రభుత్వ, ఎయిడెడ్, ప్రైవేట్ విద్యాసంస్థలకు అకడమిక్ బ్రేక్ ఇవ్వనున్నారన్నమాట.
School Holidays
ఇక మన పొరుగురాష్ట్రాలు మహారాష్ట్ర, కర్ణాటకలో కూడా విద్యాసంస్థలకు వేసవిలో సెలవులు ఉండవు. ఈ రెండు రాష్ట్రాల్లో మే 30 నుండి సెలవులు ప్రారంభమవుతాయి.. జూలై 14 వరకు కొనసాగుతాయి. అంటే జూన్ నెల పూర్తిగా విద్యాసంస్థలు మూసివుండనున్నాయి.
School Holidays
మరో ఉత్తరాది రాష్ట్రం రాజస్థాన్ లో మే 31 నుండి స్కూళ్లకు సెలవులు ప్రారంభం అవుతాయి. జూలై 15 వరకు ఈ సెలవులు కొనసాగుతాయి. పశ్చిమ బెంగాల్ లో జూన్ 2 నుండి జూలై 17 వరకు సెలవులు కొనసాగుతాయి. ఇలా ఆయా రాష్ట్రాల్లో వాతావరణ పరిస్థితుల ఆధారంగా విద్యాసంస్థలకు అకడమిక్ బ్రేక్ అంటే సెలవులు ఇస్తారు.
