Bank Holidays : జూన్ సెకండాఫ్ లో బ్యాంకులకు సెలవులే సెలవులు.. ఏ రాష్ట్రంలో, ఏరోజు, ఎందుకు సెలవో తెలుసా?

ఈ నెలలో మీరు బ్యాంకుకు వెళ్లాలని ప్లాన్ చేస్తున్నారా? అయితే జూన్ సెకండాఫ్ లో బ్యాంకులకు ఎప్పుడెప్పుడు సెలవులు ఉన్నాయో తెలుసుకోండి. ఆర్బీఐ విడుదల చేసిన హాలిడే క్యాలెండర్, డిజిటల్ బ్యాంకింగ్ సేవల పూర్తి వివరాలు ఇక్కడ ఉన్నాయి.

Image Credit : Getty

జూన్ 2026 బ్యాంక్ హాలిడేస్

Bank Holidays : ఇప్పటికే జూన్ నెలలో సగం రోజులు ముగిశాయి... మిగతా సగంలో బ్యాంకులకు భారీగా సెలవులు వస్తున్నాయి. దేశంలోని ఒక్కో రాష్ట్రంలో సెలవులు ఒక్కోలా ఉంటాయి... స్థానిక పండుగలు, ప్రత్యేక రోజులను బట్టి బ్యాంక్ హాలిడేస్ ఉంటాయి. కాబట్టి బ్యాంకులో పనులు ఉన్నవాళ్లు రిజర్వ్ బ్యాంక్ ఆఫ్ ఇండియా (RBI) హాలిడే లిస్ట్‌ను ఒకసారి చూసుకోవడం చాలా ముఖ్యం. తెలంగాణ, ఏపీతో పాటు మిగతా రాష్ట్రాల్లో బ్యాంక్ హాలిడేస్ గురించి ఇక్కడ తెలుసుకుందాం.

Image Credit : Getty

జూన్ 15 నుండి 21 వరకు బ్యాంక్ హాలిడేస్..

ఆర్బీఐ హాలిడే క్యాలెండర్ ప్రకారం... జూన్ 15 నుంచి 21 వరకు చాలా రాష్ట్రాల్లో బ్యాంకులు యథావిధిగా పనిచేస్తాయి. అయితే జూన్ 15న మిజోరంలో 'యంగ్ మిజో అసోసియేషన్ (YMA)' దినోత్సవం సందర్భంగా బ్యాంకులకు సెలవు... రాజధాని ఐజ్వాల్‌ సహా రాష్ట్రవ్యాప్తంగా అన్ని బ్యాంకులు మూతపడనున్నాయి. ఇక ఇదే రోజు ఒడిశాలో 'రాజా సంక్రాంతి' పండుగ నేపథ్యంలో బ్యాంకులకు సెలవు ఉంది. ఈ రెండు రాష్ట్రాలు మినహా మిగతా చోట్ల బ్యాంకులు తెరిచే ఉంటాయి. ఇక జూన్ 21 ఆదివారం కాబట్టి తెలుగు రాష్ట్రాలు సహా దేశవ్యాప్తంగా బ్యాంకులకు సెలవు ఉంది.

Image Credit : ChatGPT

జూన్ 22 నుండి 30 వరకు బ్యాంక్ హాలిడేస్..

జూన్ 25న మొహర్రం పండగ నేపథ్యంలో ఆంధ్ర ప్రదేశ్ లోని బ్యాంకులకు సెలవు ఉంది. మరో తెలగు రాష్ట్రం తెలంగాణలో మాత్రం జూన్ 26న మొహర్రం సెలవుంది. ఢిల్లీ, మహారాష్ట్ర, కర్ణాటక, తమిళనాడు, పశ్చిమ బెంగాల్ సహా అనేక రాష్ట్రాల్లో జూన్ 26నే మొహర్రం సెలవుంది.

జూన్ 27న నాలుగో శనివారం కాబట్టి దేశవ్యాప్తంగా అన్ని బ్యాంకులకు సెలవుంది. జూన్ 28న ఆదివారం బ్యాంకులకు సాధారణ సెలవుంది. ఈ రెండ్రోజులు తెలుగు రాష్ట్రాల్లో బ్యాంకులు మూతపడనున్నాయి.

జూన్ 29న సంత్ గురు కబీర్ జయంతి సందర్భంగా సిమ్లాలో బ్యాంకులకు సెలవు ప్రకటించారు. ఇక జూన్ 30న మిజోరాంలో ''రెమన రీ (డే ఆఫ్ ఫీస్) సందర్భంగా సెలవుంది. ఇలా జూన్ సెకండాఫ్ లో బ్యాంకులకు భారీగానే సెలవులు రాబోతున్నాయి.

Image Credit : getty

బ్యాంకు పనులుంటే ముందే ప్లాన్ చేసుకొండి..

చెక్ డిపాజిట్ చేయడం, డిమాండ్ డ్రాఫ్ట్ (డీడీ) తీసుకోవడం వంటి పనుల కోసం తప్పనిసరిగా బ్రాంచ్‌కు వెళ్లాల్సి ఉంటే, సెలవులను దృష్టిలో పెట్టుకుని మీ పనులను ప్లాన్ చేసుకోవడం మంచిది. ఆర్బీఐ హాలిడే లిస్ట్‌ను చూసుకోవడానికి కొన్ని నిమిషాలు కేటాయిస్తే, అనవసరమైన ఇబ్బందులు ఉండవు, సమయం వృథా కాకుండా చూసుకోవచ్చు.

బ్యాంకు బ్రాంచ్‌లు మూసి ఉన్నప్పటికీ యూపీఐ (UPI), ఇంటర్నెట్ బ్యాంకింగ్, మొబైల్ బ్యాంకింగ్, ఏటీఎం సేవలు యథావిధిగా పనిచేస్తాయి. డబ్బు బదిలీ, అకౌంట్ బ్యాలెన్స్ చెక్ చేసుకోవడం, బిల్లుల చెల్లింపు వంటి చాలా పనులను మీరు ఇంటి నుంచే చేసుకోవచ్చు.