Fake Chargers : ఏది ఒరిజినల్, ఏది ఫేక్ చార్జర్ అనేది గుర్తించడం ఎలా?
నకిలీ మొబైల్ చార్జర్లు మీ ఖరీదైన ఫోన్ను పాడుచేయడమే కాదు, పేలుళ్ల వంటి ప్రమాదాలకు కారణమవుతాయి. అసలు, నకిలీ చార్జర్ల మధ్య తేడాను ఎలా గుర్తించాలో ఇక్కడ తెలుసుకోండి.
మొబైల్ చార్జర్ తో జాగ్రత్త..
ఉదయం లేస్తూనే చాలామంది స్మార్ట్ ఫోన్ పట్టుకుంటారు… రోజంతా అదేపనిగా రీల్స్, వీడియోలు చూస్తూ సోషల్ మీడియాలో కాలక్షేపం చేస్తుంటారు. దీంతో తరచూ ఫోన్ ఛార్జింగ్ అయిపోతుంటుంది… ఇళ్లు, ఆఫీసు ఎక్కడంటే అక్కడ ఫోన్ ఛార్జింగ్ పెట్టాల్సి వస్తుంది. ఇందుకోసం ఫోన్ తో పాటు వచ్చిన ఒరిజినల్ ఛార్జర్ కాకుండా బయట మార్కెట్ లో దొరికే ఛార్జర్లను కూడా వాడుతుంటారు. ఈ క్రమంలో ఒక్కోసారి ఫేక్ ఛార్జర్లను ఉపయోగించడం వల్ల ఖరీదైన ఫోన్లు పాడయ్యే ప్రమాదం ఉంది.
ఫోన్ ఛార్జింగ్ కి ముందు వాడే చార్జర్ ఓరిజినలో కాదో తెలుసుకోవడం చాలా ముఖ్యం. ఏది ఒరిజినల్ ఛార్జర్, ఏది ఫేక్ అనేది తెలుసుకునే కొన్ని టిప్స్ ఇక్కడ అందిస్తున్నాం.
మొబైల్ లేదా చార్జర్ ఎక్కువ వేడెక్కుతోందా?
ఛార్జింగ్ పెట్టేటప్పుడు ఫోన్ లేదా చార్జర్ కొద్దిగా వేడెక్కడం సాధారణమే. కానీ ఈ రెండూ మరీ ఎక్కువగా వేడెక్కుతుంటే అస్సలు నిర్లక్ష్యం చేయొద్దు. నాసిరకం ఫేక్ చార్జర్లలో సేఫ్టీ సిస్టమ్ చాలా బలహీనంగా ఉంటుంది. దీనివల్ల ఫోన్ పేలిపోయే ప్రమాదం కూడా ఉంది. అందుకే చార్జర్ కొనేటప్పుడు BSI, ISI వంటి సేఫ్టీ సర్టిఫికేషన్లు ఉన్నాయో లేదో చెక్ చేసుకోండి.
చార్జర్పై ఉన్న సూచనలను చదవండి
కంపెనీ అధికారిక వెబ్సైట్
మీరు కొనాలనుకుంటున్న చార్జర్ కంపెనీ అధికారిక వెబ్సైట్ను సందర్శించి సమాచారం తెలుసుకోవచ్చు. కంపెనీలు తమ చార్జర్లకు సంబంధించిన పూర్తి వివరాలు, గుర్తింపు చిహ్నాలను వెబ్సైట్లో ఉంచుతాయి. మీరు కొన్న చార్జర్పై ఉన్న వివరాలు, వెబ్సైట్లోని వివరాలతో సరిపోలకపోతే అది నకిలీ అని భావించాలి.
తక్కువ ధర చార్జర్లు
ఛార్జింగ్ వేగం
మీ స్మార్ట్ఫోన్ చాలా వేగంగా లేదా చాలా నెమ్మదిగా ఛార్జ్ అవుతుంటే, మీరు వాడుతున్నది నకిలీ చార్జర్ అని అనుమానించవచ్చు. ఫేక్ చార్జర్లు కంపెనీ చెప్పినంత అవుట్పుట్ ఇవ్వలేవు. అందుకే ఛార్జింగ్ వేగంలో చాలా తేడా కనిపిస్తుంది.
నకిలీ చార్జర్ డేంజర్ ఎందుకు?
నకిలీ చార్జర్లు ఫోన్ బ్యాటరీని దెబ్బతీస్తాయి. దీనివల్ల బ్యాటరీ లైఫ్ తగ్గిపోతుంది. ఫేక్ చార్జర్ల వల్ల ఫోన్ అతిగా వేడెక్కి పేలిపోయే ప్రమాదం ఉంది. షార్ట్ సర్క్యూట్ అయ్యే అవకాశం కూడా ఉంటుంది. చాలా సందర్భాల్లో ఇలాంటి చార్జర్ల వల్ల అగ్ని ప్రమాదాలు కూడా జరిగాయి.
