Team India: ఐర్లాండ్‌తో సిరీస్.. కెప్టెన్‌గా శాంసన్, ఓపెనర్‌గా వైభవ్ సూర్యవంశీ.? ఇక ఊహకందని ఊచకోతే

Team India: జూన్ 2026లో జరగనున్న టీమిండియా, ఐర్లాండ్ టీ20 సిరీస్‌కు సంబంధించి బీసీసీఐ కీలక అప్‌డేట్ ఇచ్చింది. సంజు శాంసన్ కెప్టెన్‌గా వ్యవహరించే అవకాశం ఉన్న ఈ సిరీస్ షెడ్యూల్, జట్టులో జరగబోయే మార్పులు ఇలా ఉన్నాయి. 

Image Credit : BCCI\Twitter

టీమిండియా ఐర్లాండ్ పర్యటన..

2026 టీ20 ప్రపంచకప్ తర్వాత భారత క్రికెట్ జట్టు తన తదుపరి పోరుకు సిద్ధమవుతోంది. జూన్ 2026లో టీమిండియా ఐర్లాండ్ పర్యటనకు వెళ్లనున్నట్లు బీసీసీఐ అధికారికంగా ప్రకటించింది. ఈ పర్యటనలో భాగంగా భారత్ రెండు టీ20 మ్యాచ్‌లు ఆడనుంది. దాదాపు ఎనిమిదేళ్ల తర్వాత భారత్ బెల్ ఫాస్ట్ మైదానంలో అడుగుపెట్టబోతుండటం విశేషం.

Image Credit : Team India\BCCI

షెడ్యూల్ వివరాలు

మొదటి టీ20: జూన్ 26, 2026 - రాత్రి 7.30 గంటలకు(ఇండియన్ టైం) బెల్ ఫాస్ట్ స్టేడియంలో

రెండో టీ20: జూన్ 28, 2026 - రాత్రి 7.30 గంటలకు(ఇండియన్ టైం) బెల్ ఫాస్ట్ స్టేడియంలో

Image Credit : BCCI\Twitter

కెప్టెన్సీ, జట్టులో మార్పులు

ఐర్లాండ్ లాంటి చిన్న జట్లతో ఆడేటప్పుడు సీనియర్లకు విశ్రాంతినిచ్చి యువ ఆటగాళ్లను ప్రోత్సహించడం బీసీసీఐ ఆనవాయితీగా వస్తోంది. ఈ క్రమంలోనే స్టార్ వికెట్ కీపర్ బ్యాటర్ సంజూ శాంసన్‌ను ఈ సిరీస్ కు కెప్టెన్‌గా నియమించే అవకాశాలు ఎక్కువగా కనిపిస్తున్నాయి. గతంలో సీనియర్ల గైర్హాజరీలో జట్టులో సభ్యుడిగా ఉన్న సంజూ, ఇప్పుడు తన అనుభవంతో జట్టును ముందుండి నడిపించే ఛాన్స్ దక్కించుకోబోతున్నాడు.

Image Credit : X/BCCI

ఓపెనర్లుగా జైస్వాల్, వైభవ్

మరోవైపు, బిజీ షెడ్యూల్ కారణంగా సూర్యకుమార్ యాదవ్, అభిషేక్ శర్మలకు ఈ పర్యటన నుండిచి విశ్రాంతి ఇచ్చే అవకాశం ఉంది. వారి స్థానంలో ఓపెనర్లుగా యశస్వి జైస్వాల్ లేదా యువ సంచలనం వైభవ్ సూర్యవంశీలలో ఒకరికి అవకాశం దక్కే ఛాన్స్.

Image Credit : Team India\BCCI

బిజీ షెడ్యూల్

ఐపీఎల్ 2026 ముగిసిన వెంటనే భారత జట్టు అఫ్ఘనిస్తాన్ తో ఒక టెస్ట్, మూడు వన్డేల సిరీస్ ఆడనుంది. జూన్ 20న అఫ్ఘనిస్తాన్ సిరీస్ ముగియగానే వెంటనే ఐర్లాండ్ పర్యటనకు బయలుదేరుతుంది. ఈ సిరీస్ ముగిసిన వెంటనే జూలై 1 నుంచి ఇంగ్లాండ్ లో ఐదు టీ20లు, మూడు వన్డేల భారీ సిరీస్ ప్రారంభం కానుంది. ఇంగ్లాండ్ పర్యటనకు ముందు ఐర్లాండ్ సిరీస్ భారత యువ జట్టుకు ఒక మంచి సన్నాహకంగా మారనుంది.