Janmashtami 2025: కృష్ణాష్టమి రోజున పూజ ఎలా చేయాలో తెలుసా?
శ్రీకృష్ణుడి జన్మదినాన్ని పురస్కరించుకొని జన్మాష్టమి జరుపుకుంటారు. మరి, ఆ రోజున ఆ చిన్ని కృష్ణుడిని ఎలా పూజించాలి? పూజ విధానం వివరాలు ఇప్పుడు తెలుసుకుందాం..
జన్మాష్టమి
శ్రీకృష్ణుని జన్మదిన వేడుక, హిందూ సంప్రదాయంలో అత్యంత పవిత్రమైన పండుగలలో ఒకటి. భారతదేశంలోనే కాకుండా ప్రపంచవ్యాప్తంగా హిందువులు భక్తి శ్రద్ధలతో జరుపుకుంటారు. ఈ పండుగ భాద్రపద మాసంలో కృష్ణ పక్షంలోని అష్టమి తిథి నాడు రోహిణి నక్షత్రంలో జన్మించిన విష్ణువు ఎనిమిదవ అవతారం శ్రీకృష్ణుని జన్మదినాన్ని సూచిస్తుంది.2025లో, జన్మాష్టమి ఆగస్టు 16, శనివారం నాడు జరుపుకోనున్నారు.
కృష్ణాష్టమి కొద్ది రోజులే ఉండటంతో.. భక్తులు అందుకు తగిన సన్నాహాలు మొదలుపెట్టారు. ఈ వేడుకల్లో భాగంగా కృష్ణుడి చరిత్రను తెలియజేసే చిత్రాలను ఏర్పాటు చేయడం. చిన్ని కృష్ణుడి కోసం ఊయల ఏర్పాటు చేసి, దానిని అందంగా అలంకరిస్తారు.
కృష్ణ జన్మాష్టమి కి అవసరమైన పూజా సామాగ్రి..
ఇంట్లో పూర్తి, సాంప్రదాయక జన్మాష్టమి వేడుకను సెలబ్రేట్ చేసుకోవడానికి, సాధారణంగా ఉపయోగించే పూజా సామాగ్రి జాబితా ఇక్కడ ఉంది:
- శ్రీకృష్ణుని విగ్రహం లేదా చిత్రపటం - చిన్ని కృష్ణుడు విగ్రహం ఉంటే మంచిది.
- చౌకి (చెక్క పీఠం) - శుభ్రమైన ఎర్రటి వస్త్రంతో కప్పి ఉంచాలి
- పూజా థాలి - ఆచార వస్తువులతో అలంకరించుకోవాలి.
- పువ్వులు, ఆకులు - గులాబీలు, చామంతి, తులసి, అరటి ఆకులు, తమలపాకులు, వక్కలు
- నైవేద్యం - ఇంట్లో తయారుచేసిన స్వీట్లు, వెన్న, పెరుగు, పండ్లు, మిశ్రీ (రాక్ షుగర్), డ్రై ఫ్రూట్స్ (పంచ మేవా), పంజిరి, పంచామృతం (పాలు, పెరుగు, తేనె, చక్కెర, నెయ్యిల పవిత్ర మిశ్రమం)
- ఆధ్యాత్మిక వస్తువులు - గంగాజలం, చందనం, కుంకుమ, అక్షత, అత్తర్ (పెర్ఫ్యూమ్), ఆచారాల కోసం శుభ్రమైన నీరు
- ఊయల (ఝూలా) - చిన్ని కృష్ణుడిని ఉంచి ఊపడానికి
- కృష్ణుడికి అలంకార వస్తువులు - చెవిపోగులు, కాలి పట్టీలు, వేణువు, తలపాగా, నడుము బెల్ట్, దండలు, తిలకం, కాటుక, నెమలి ఈకలు వంటి చిన్న ఆభరణాలు.
ఇంట్లో జన్మాష్టమి పూజ ఎలా చేయాలి
ఇంట్లో జన్మాష్టమి పూజ చేయడానికి సులభమైన విధానం..
- స్థలాన్ని శుద్ధి చేయండి - పూజ జరిగే ప్రదేశాన్ని శుభ్రం చేయడం ద్వారా ప్రారంభించండి.
- వేదికను ఏర్పాటు చేయండి - ఎత్తైన వేదికపై లేదా చౌకిపై ఎర్రటి వస్త్రం పరచి దానిపై కృష్ణుని విగ్రహం లేదా ఫోటో ఉంచండి.
- అభిషేకం, అలంకారం - పంచామృతంతో, ఆపై శుభ్రమైన నీటితో విగ్రహానికి అభిషేకం చేయండి. ఆ తర్వాత కొత్త దుస్తులు వేసి, ఆభరణాలతో అలంకరించండి.
- ఊయల ఆచారం - విగ్రహాన్ని ఊయలలో ఉంచి సున్నితంగా ఊపండి, అర్ధరాత్రి కృష్ణుని జననాన్ని సూచిస్తుంది.
- నైవేద్యం సమర్పించండి - తయారుచేసిన స్వీట్లు, పండ్లు, ఇతర వస్తువులను శ్రీకృష్ణుడికి సమర్పించండి. ప్రతి ఆహార పదార్థంతో పాటు తులసి ఆకులను సమర్పించండి, ఎందుకంటే అది ఆయనకు చాలా ప్రియమైనదిగా పరిగణిస్తారు.
- హారతి, మంత్రాలు - వెలిగించిన దీపంతో హారతి ఇవ్వండి, భక్తి గీతాలు పాడండి లేదా ప్రేమ, గౌరవంతో కృష్ణుని నామాలను జపించండి.
- ప్రసాదం పంపిణీ చేయండి - ఆచారాలు ముగిసిన తర్వాత, ప్రసాదాన్ని కుటుంబ సభ్యులు, అతిథులకు పంచి పెట్టండి.
కృష్ణాష్టమి ఎందుకు జరుపుకుంటారు..?
జన్మాష్టమి కేవలం ఆచార వేడుక మాత్రమే కాదు; ఇది ఆధ్యాత్మిక ప్రతిబింబం, ప్రేమ, భక్తి కి నిదర్శనం. శ్రీకృష్ణుని దివ్య లీలలను మరోసారి స్మరించుకోవడానికి, నీతి, ఆనందం, కరుణ విలువలను గుర్తు చేసుకోవడానికి ఈ వేడుకను జరుపుకుంటాం..
వేడుకలు ఎలా జరుపుకున్నాం అనేదాని కంటే.. ఎంత భక్తితో చేశాం అనేది చాలా ముఖ్యం.
