ప్రేమించేటప్పుడు కుల, మత బేధాలు ఎందుకు చూస్తారో తెలుసా?

ప్రేమ (Love) ఎప్పుడూ ఎవరి మీద కలుగుతుందో ఎవరికీ తెలియదు. ప్రేమ అనేది ఒక అద్భుతమైన నిర్వచనం. ప్రేమ అనేది ఇద్దరి వ్యక్తుల మనసును కట్టిపడేస్తుంది. ప్రేమ భూమి ఉన్నంత కాలం ఉంటుంది. ప్రేమకు చావు లేదు. ఒక అమ్మాయి,  అబ్బాయి ప్రేమించుకునేటప్పుడు మొదట వారు ఎటువంటి భేదాభిప్రాయాలను పట్టించుకోరు. ఒకరి మనసును మరొకరు అర్థం చేసుకొని వారి ప్రేమను తెలియపరచుకుంటారు. ప్రేమకు ఏ కుల (Caste) , మత భేదాలు అడ్డురావు. ప్రేమించుకునేప్పుడు వారి లోకంలో వారు జంట పక్షులాగా ఎవరితో సంబంధం లేకుండా విహరిస్తుంటారు. ప్రేమ అనేది ఒక అనుభూతి, ఆప్యాయత, అనుబంధం. ప్రేమలో ఉన్నప్పుడు రెస్పాన్సిబిలిటీ ఎక్కువగా ఉంటుంది.
 

అలాగే వారి ప్రేమ పదికాలాలు పదిలంగా ఉండేందుకు తమ వంతు ప్రయత్నం చేస్తుంటారు. ఒక అమ్మాయి ఒక అబ్బాయి ప్రేమించుకునే సమయంలో వారికి చాలా ఇబ్బందులు (Difficulties) ఎదురవుతుంటాయి. అన్నీ ఇబ్బందులను ఎదుర్కొని వారి జీవన ప్రయాణం (Journey) సాగించేందుకు చాలా కష్టపడతారు. ఇలా ప్రేమించుకునే వారికి చాలా ధైర్యం కూడా ఎక్కువగా ఉంటుంది. ప్రేమలో ఉన్నప్పుడు అబ్బాయి, అమ్మాయి కుల, మత భేదాలను పట్టించుకోరు. ప్రేమికులు వారి వివాహం కోసం పెద్దలను ఎంత ఒప్పించడానికి ప్రయత్నించిన వారు ఒప్పుకోరు.
 

దీనికి ముఖ్య కారణం వారి కుల, మత భేదాలు. కుటుంబ సభ్యులు కుల, మత బేధాలకు ఎక్కువ ప్రాధాన్యత ఇవ్వడంతో వారి వివాహం జరుపుటకు అంగీకరించరు. ప్రేమికులు కుల, మత భేదాలను చూడకుండా పెద్దలను ఎదిరించి పెళ్లి చేసుకున్న వారి మనసులో కొంత బాధ అనేది ఉంటుంది. పెద్దలు వారి ప్రేమను అంగీకరించలేదని బాధపడుతుంటారు. తల్లిదండ్రుల (Parents) ప్రేమకు దూరం అవుతున్నందుకు దిగులు చెందుతారు. పెద్దల అంగీకారం లేకుండా (Without consent) వివాహం చేసుకున్నందుకు వారికి ఏ క్షణంలో ఏమవుతుందో అని భయపడుతుంటారు. పెళ్లయిన కొత్తలో వారి జీవన ప్రయాణం కాస్త భయంగానే ఉంటుంది.

వారి కుటుంబ సభ్యుల నుండి ఏమైనా ఆపదలు వస్తాయని దిగ్బ్రాంతి చెందుతారు. అందుకే కొంతమంది ప్రేమించే సమయంలో కుల, మత భేదాలు తెలుసుకుని ప్రేమలో పడుతుంటారు. ఇలా చేయడంతో వారికి పెద్దల నుండి భవిష్యత్తులో ఎటువంటి ఆపద (Danger) తలెత్తదని భావిస్తారు. కుల, మత భేదాలలో తేడాలు లేకుంటే పెద్దలు వారి వివాహానికి (Marriage) ఎటువంటి అడ్డంకులు చెప్పరని దీంతో ఎటువంటి సమస్యలు రావని వారి జీవన ప్రయాణం హాయిగా, సుఖ సంతోషాలతో ఉంటుందని అందుకే కుల, మత భేదాలను తెలుసుకుంటారు.