ఆడవాళ్లు ఇలాంటి విషయాల్లో అస్సలు కాంప్రమైజ్ అవ్వకండి

రిలేషన్ షిప్ అన్నాకా ప్రేమలు, అలకలు, కొట్లాటలు, చిన్న చిన్న గొడవలు, సర్దుకుపోవడం వంటివి ఖచ్చితంగా ఉంటాయి. ముఖ్యంగా రిలేషన్ షిప్ లో కాంప్రమైజ్ అవ్వడం ఎక్కువగా ఉంటుంది. కాంప్రమైజ్ అయితే తప్పేంటి.. అని పెద్దల నుంచి మనం తరచుగా వింటూనే ఉంటారు. నిజానికి రిలేషన్ షిప్ లో కొన్నిసార్లు కాంప్రమైజ్ అవ్వాల్సిందే. అలా అని ప్రతి విషయంలో కాంప్రమైజ్ అయితే మాత్రం మీరు జీవితాంతం బాధపడాల్సి ఉంటుంది. రిలేషన్ షిప్ లో ఆడవాళ్లు ఎలాంటి విషయాల్లో కాంప్రమైజ్ అవ్వకూడదో ఇప్పుడు తెలుసుకుందాం.. 
 

గౌరవం విషయంలో రాజీ..

మీ సిచ్యువేషన్ ఎలా ఉన్నా సరే.. మీ ఆత్మగౌరవం విషయంలో అస్సలు రాజీపడకండి. ఎందుకంటే ఈ విషయంలో మీరు కాంప్రమైజ్ అయితే మాత్రం మీరు జీవితంలో మీ ఆత్మగౌరవాన్ని తిరిగి తెచ్చుకోలేరు. దీనివల్ల మీరు జీవితాంతం బాధపడుతూనే ఉంటారు. మీ భాగస్వామి అయినా.. మిమ్మల్ని అవమానించే హక్కు అస్సలు ఉండదు. మిమ్మల్ని అగౌరవపరిస్తే అస్సలు ఊరుకోకండి. మీ బంధం బలంగా, హాయిగా, ఆనందంగా సాగేందుకు ఒకరినొకరు గౌరవించుకోవడం చాలా ముఖ్యం. 

కెరీర్ విషయంలో రాజీ..

కెరీర్ విషయంలో అబ్బాయిలు అస్సలు రాజీ పడరు. అమ్మాయిలు మాత్రం పరిస్థితుల వల్ల రాజీ పడుతుంటారు. పెళ్లైన తర్వాత పిల్లలు, కుటుంబ బాధ్యత, ఆఫీసు పనులన్నింటీని  చూసుకోలేక కెరీర్ విషయంలో రాజీ పడటమే బెటర్ అనిపిస్తుంది. కానీ కొన్ని రోజుల తర్వాత ఇది తప్పుడు నిర్ణయమని ఫీలవుతుంటారు. ఎందుకంటే చిన్న చిన్న అవసరాలకు కూడా భర్త లేదా కుటుంబంపై ఆధారపడాల్సి వచ్చినప్పుడు ఎందుకు  ఇలా చేశానా అని బాధపడాల్సి వస్తుంది. మీరు పై చదువులు చదివి, ఉద్యోగం కోసం కష్టపడితే మాత్రం ఈ విషయంలో అస్సలు కాంప్రమైజ్ అవ్వకండి. అయితే ఆడవాళ్లు ఇళ్లు, ఆఫీసు పనులను చేయడానికి సిద్దంగా ఉన్నా.. భర్త లేదా కుటుంబం వీళ్లు ఉద్యోగం మానేయాలని ఒత్తిడి చూస్తుంటారు. అందుకే ఇలాంటి విషయంలో అస్సలు కాంప్రమైజ్ అవ్వకండి. వారితో వాదనలు, కొట్లాటలకు దిగకుండా ఉద్యోగం చేయడం వల్ల ఎలాంటి లాభాలున్నాయో వారికి చెప్పండి. 

ప్రాధాన్యాలపై ఒప్పందం..

బాల్యం నుంచి ఎదిగే వరకు మన జీవితం ఎన్నో రకాల అనుభవాలను నేర్పుతుంది. మంచి, చెడు విషయాల గురించి ఒక అవగాహన ఉంటుంది. ప్రతి ఒక్కరికీ మంచి చెడులపై స్వంత అభిప్రాయాలు ఉంటాయి. ఇవి  మీ భాగస్వామి కంటే భిన్నంగా ఉండొచ్చు. అయితే ప్రతి విషయంలో సర్దుకుపోవడం, గొడవలను నివారించడం, తప్పని తెలిసినా వాళ్లకు వత్తాసు పలకడం, ఇష్టం లేకపోయినా.. అవును అనే సమాధానం ఇవ్వడం వంటివి చేయకండి. ఈ విషయంలో మీరు రాజీపడితే మాత్రం జీవితంలో మీరు ఎన్నో ఇబ్బందులను ఎదుర్కోవాల్సి వస్తుంది.