మన ఇండియన్స్ కూడా మారిపోయారు.. భార్య వద్దు...డేటింగ్ ముద్దు..!

వైవాహిక బంధం అనేది చాలా గొప్పది. నిజానికి మన దేశంలో పెళ్లికి ఎక్కువ విలువ ఇస్తారు. విదేశాల్లో ఈ సంప్రదాయన్ని పెద్దగా పట్టించుకోరు. కానీ.. మన దగ్గర.. ఒకరితో పెళ్లి జరిగితే వారికే కట్టుబడి ఉండాలి అనే సంప్రదాయం ఉంది. పెళ్లి తర్వాత పురుషుడు మరో మహిళను చూసినా, మహిళ.. పురుషుడిని చూసినా తప్పు భావించే సమాజం మనది.

అయితే.. ఇప్పుడు మన సమాజం కూడా పూర్తి గా మారిపోయింది. భారతీయులు కూడా  వైవాహిక బంధానికి కట్టుబడి ఉండాలని అనుకోవడం లేదట. అక్రమ సంబంధాలు పెట్టుకోవడానికి, మరొకరితో డేటింగ్ చేయడానికి  ఉత్సాహం చూపిస్తున్నారట. ఈ మాట మేం చెప్పడం లేదు.  తాజా సర్వేలో ఈ విషయం తేలింది.

గ్లీడెన్ సర్వే
వివాహం, అవిశ్వాసం, సాంస్కృతిక నిబంధనల పట్ల భారతదేశం లో మారుతున్న వైఖరిపై గ్లీడెన్ ఒక అధ్యయనం నిర్వహించారు. సంక్లిష్టతలను అన్వేషించడానికి, టైర్ 1, టైర్ 2 నగరాల నుండి 25 నుంచి  50 సంవత్సరాల మధ్య వయస్సు గల 1,503 మంది వివాహిత భారతీయులను అంచనా వేశారు.
 

60 శాతం మంది ప్రతివాదులు స్వింగింగ్ (సింగిల్స్ , భాగస్వాములు ఇద్దరూ వినోద ప్రయోజనాల కోసం ఇతరులతో లైంగికంగా పాల్గొనే లైంగిక చర్య) వంటి సాంప్రదాయేతర డేటింగ్ పద్ధతులను స్వీకరిస్తున్నారని పరిశోధన వెల్లడించింది. ఇంట్లో లైఫ్ పార్ట్ నర్ ఉన్నా.. మరొకరితో సంబంధం పెట్టుకోవాలనే కోరిక ఎక్కువ మందిలో ఉండటం విశేషం.
 

ప్లాటోనిక్  ఇంటరాక్షన్స్  (46 శాతం)
అక్రమం సంబంధం అనేది మరొక వ్యక్తితో శారీరక ప్రమేయం ఉన్న సందర్భాలకు మాత్రమే పరిమితం కాదు. దీనిని ప్రదర్శించడానికి వివిధ మార్గాలు ఉన్నాయి. ఎవరైనా ప్లాటోనిక్ సంబంధంలో భావోద్వేగ కనెక్షన్‌లను ప్రత్యేకంగా చూస్తున్నట్లయితే, అది కూడా అక్రమ సంబంధం కిందకే వస్తుంది. ఇలాంటి సంబంధాలు పెట్టుకోవడానికి దేశావ్యాప్తంగా 46శాతం పురుషులు ఇలాంటి బంధాన్నే ఎక్కువగా కోరుకుంటున్నారట. కోల్ కతా లో 52శాతం మంది దీనిపై ఆసక్తి చూపిస్తున్నారు.

వర్చువల్ ఫ్లర్టేషన్ (36-35 శాతం)
డిజిటల్ యుగంలో, ఆన్‌లైన్ సరసాలు చాలా సాధారణ రూపంగా మారాయి. 36 శాతం మంది మహిళలు, 35 శాతం మంది పురుషులు వర్చువల్ ఫ్లర్టింగ్‌ను ఆకర్షణీయంగా భావిస్తున్నారని నివేదిక చూపుతోంది.
 

వారి భాగస్వామి కాకుండా మరొకరి గురించి కలలు (33-35 శాతం)
ఇది ఇప్పుడు సర్వసాధారణం, మీ భాగస్వామి గురించి కాకుండా మరొకరి గురించి ఫాంటసీలను కలిగి ఉండటం పెద్ద విషయంగా కనిపించడం లేదు. 33 శాతం మంది పురుషులు, 35 శాతం మంది మహిళలు ఇలాంటి కల్పనలు కలిగి ఉన్నారని బహిరంగంగా అంగీకరించినట్లు డేటా వెల్లడించింది.