Parenting Tips: పిల్లల డ్రెస్సులు కొనేటప్పుడు ఈ విషయాలు చూస్తున్నారా?

16

పిల్లల కోసం బట్టలు ఎలా ఎంచుకోవాలి : పిల్లలకి దుస్తులు  కొనేటప్పుడు తల్లిదండ్రులు ఎప్పుడూ చాలా జాగ్రత్తగా ఉంటారు. ఎందుకంటే పిల్లలు అందంగా, సౌకర్యంగా ఉండే  డ్రెస్సులనే ఎంచుకుంటారు. పిల్లలకు కలర్ ఫుల్ గా కనపడితే చాలు కొనమని మారాం చేస్తారు. ఆ తర్వాత వేసుకున్నాక కంఫర్ట్ లేదని పక్కన పెట్టేస్తూ ఉంటారు. అందులోనూ పిల్లలకి వేసవి కాలంలో దుస్తులు కొనడం కొంచెం కష్టమైన పని అని అనుభవమున్న తల్లిదండ్రులకి తెలుసు. ఈ ఆర్టికల్‌లో పిల్లల శరీరాన్ని చల్లగా, స్టైల్‌గా ఉంచే  డ్రెస్సులను ఎలా ఎంచుకోవాలో ఇప్పుడు చూద్దాం..

26

తల్లిదండ్రులు చేయకూడని తప్పు:

పిల్లలకి సరిగ్గా లేని దుస్తులు  కొనడం వల్ల వాళ్ళు వేసవికాలం మొత్తం అసౌకర్యంగా ఫీలవుతారు. వేడిని పీల్చుకునే దుస్తులు కొంటే పిల్లలకి అసౌకర్యంగా, చిరాకుగా ఉంటుంది. అలాంటి బట్టలు కొనకుండా ఉండాలి. పాలిస్టర్ బట్టలు తక్కువ ధరకే వస్తున్నా వేడి రోజుల్లో పిల్లలకి మంచిది కాదు. కాటన్, చేనేత లాంటి సహజమైన బట్టలు ఎంచుకోవాలి. ఇవి గాలి బాగా వచ్చేలా చేస్తాయి. చెమటని పీల్చుకుంటాయి. పిల్లల చర్మానికి మృదువుగా ఉంటాయి.

36

దుస్తుల నాణ్యత:

దుస్తులు గరుకుగా లేకుండా మెత్తగా ఉండేలా చూసుకోవాలి. దురదలు, సున్నితమైన చర్మం ఉన్న పిల్లలకి మెత్తటి బట్టలు ఎంచుకోవాలి.

దుస్తులు మెత్తగా ఉందో లేదో ఎలా తెలుసుకోవాలి?

మెత్తగా ఉందో లేదో తెలుసుకోవడానికి తల్లిదండ్రులు బట్టని బుగ్గకి రాసి చూస్తే తెలుస్తుంది. రాసినప్పుడు దురదగా అనిపించినా, ఎర్రగా ర్యాష్ వచ్చినా, గీరుకుపోయినట్లు అనిపించినా వాటిని కొనకూడదు.

46

దుస్తుల సైజు:

పిల్లలకి వేసవికాలం బట్టలు కొంచెం లూజ్‌గా కొనాలి. వాళ్ళు తొందరగా ఎదిగేసరికి బట్టలు టైట్‌గా అనిపించవచ్చు. మరీ లూజ్‌గా కాకుండా, టైట్‌గా కాకుండా తీసుకోవాలి. అడ్జస్ట్ చేసేలా ఉండే నడుము పట్టీలు, సాగే బట్టలు కొనొచ్చు.

56

చెప్పులు:

చెప్పులు కొనేటప్పుడు టైట్‌గా కొనకూడదు. సరిగ్గా లేని చెప్పులు బొబ్బలకి కారణమవుతాయి. పెద్ద చెప్పులు జారిపోయేలా చేస్తాయి. చెప్పులు కొనేటప్పుడు చెప్పుల ముందు ఒక చిన్న గ్యాప్ (1 బొటనవేలు వెడల్పు) ఉండేలా కొనండి.

66

ఎలాంటి దుస్తులు కొనాలి?

పిల్లలు పరిగెత్తడానికి, గెంతడానికి వీలుగా ఉండే దుస్తులు కొనండి. ఆ డ్రెస్సులు పిల్లలకి సౌకర్యంగా ఉండాలి. వాళ్ళ చర్మానికి గాలి తగలాలి. బిగుతుగా ఉండే దుస్తులు,  పాలిస్టర్ బట్టలు, టైట్‌గా ఉండే నడుము పట్టీలు లాంటివి కొనకూడదు.