ఆడపిల్లల పేరెంట్స్ కచ్చితంగా తెలుసుకోవాల్సిన విషయాలు ఇవి..!

పిల్లలకు పీరియడ్స్ రాబోతున్నాయనే విషయం ముందుగానే పేరెంట్స్ తెలుసుకోవచ్చట. అదెలాగో ఇప్పుడు చూద్దాం...

early periods in Indian girls

ఇంట్లో ఆడపిల్లలు ఉన్న ప్రతి పేరెంట్స్ కీ ఒక చిన్న టెన్షన్ ఉంటుంది. వారికి ఏ వయసు పీరియడ్స్ మొదలౌతాయో.. వాటికి ముందే పిల్లలను ఎలా ప్రిపేర్ చేయాలి అనే ఆలోచన కూడా ఉంటుంది. చాలా మంది పేరెంట్స్.. పిల్లలకు పీరియడ్స్ మొదలయ్యాక.. ఎలా ఉండాలి? ఏం చేయాలి లాంటివి  అనుకుంటారు. కానీ.. పిల్లలను ఈ విషయంలో ముందుగానే ప్రిపేర్ చేయాలట. అంతేకాదు.. అసలు.. పిల్లలకు పీరియడ్స్ రాబోతున్నాయనే విషయం ముందుగానే పేరెంట్స్ తెలుసుకోవచ్చట. అదెలాగో ఇప్పుడు చూద్దాం...

ఒకప్పుడు ఆడపిల్లలు పద్నాలుగు, పదిహేను సంవత్సరాలు వచ్చే సమాయానికి మొదటి పీరియడ్ మొదలయ్యేది. కానీ, ఇప్పుడు ఎనిమిది, తొమ్మిదేళ్లకే పీరియడ్స్ రావడం మొదలౌతున్నాయి. ఇంత చిన్న పిల్లలకు అర్థమయ్యేలా చెప్పడం కూడా కష్టంగా మారుతోంది. మరి, ఈ విషయాలను పిల్లలను ఏ వయసులో వారికి వివరించాలో, నిపుణులు ఏం చెబుతున్నారో  తెలుసుకుందాం

పిల్లలకు ఏడు సంవత్సరాలు వచ్చే సరికే.. వారిని పీరియడ్స్ విషయంలో ప్రిపేర్ చేయాలట.  వారిని భయపెట్టేలా కాకుండా, అర్థమయ్యేలా చెప్పాలి.  పీరియడ్స్ సమయంలో రక్తస్రావం జరుగుతుందని.. అయితే.. అది దెబ్బ తగలడం వల్ల కాదని..వారికి వివరించాలి. ఇలా ప్రతి నెలా వస్తూనే ఉంటుందని వారికి అర్థమయ్యేలా చెప్పాలి.  ఆ రక్తం చూసి భయపడకూడదని , అలా వచ్చినప్పుడు ఏం చేయాలో వారికి చెప్పాలి.  ఆ సమయంలో ఎంత పరిశుభ్రంగా ఉండాలో లేకపోతే ఎలాంటి సమస్యలు వస్తాయో కూడా వివరించాలి.

girl child

13 సంవత్సరాల వయస్సు ముందు పిల్లలకు పీరియడ్స్ రావడం సాధారణమేనా?
మొదటి పీరియడ్ సగటు వయస్సు 12.4 సంవత్సరాలు. కాబట్టి, దాదాపు సగం మంది అమ్మాయిలకు 13 సంవత్సరాల వయస్సు ముందే పీరియడ్స్ వచ్చేస్తున్నాయి  కానీ కొంతమందికి 9 లేదా 10 సంవత్సరాల వయస్సులో  మొదటి పీరియడ్ వచ్చేస్తోంది. ఇలా తొందరగా పీరియడ్స్ రావడానికి కూడా కారణాల ఉన్నాయి. 

ఒత్తిడితో కూడిన కుటుంబ వాతావరణాలు.
అధిక బరువు.
పట్టణ వాతావరణంలో పెరగడం.
రోజుకు 1.5 కంటే ఎక్కువ చక్కెర-తీపి పానీయాలు తీసుకోవడం.

పిల్లల పీరియడ్స్  ప్రారంభమై ఆగిపోతుందా?
పీరియడ్స్ మొదటి కొన్ని సంవత్సరాలలో ఋతుచక్రం అనూహ్యంగా ఉంటుంది. మొదటి , రెండవ ఋతుచక్రాల మధ్య తరచుగా అంతరం ఉంటుంది. ఆ తర్వాత, ఋతుచక్రాలు క్రమరహితంగా ఉండే అవకాశం ఉంది, 20 , 45 రోజుల మధ్య మారుతూ ఉంటుంది. అలాగే, అమ్మాయిలు తమ పీరియడ్స్ ఎన్ని రోజులు ఉంటాయి , వారికి వచ్చే ఋతు ద్రవం పరిమాణం లో తేడాలు ఉంటాయి. కొందరికి క్రమం తప్పకుండా నెలకు ఒకసారి వచ్చేస్తూ ఉంటాయి. కొందరికి 20 రోజులకి ఒకసారి రావడం లేదంటే.. మరి కొందరికి 45 రోజులకు ఒకసారి కూడా రావచ్చు. మూడేళ్ల తర్వాత నుంచి సరిగ్గా రావడం మొదలౌతాయి.

మీ పిల్లల పీరియడ్స్ త్వరలో వస్తుందో లేదో మీరు ఎలా చెప్పగలరు?

అదృష్టవశాత్తూ, మీ పిల్లల మొదటి పీరియడ్స్ ముందు మీకు బహుశా రెండు సంవత్సరాల హెచ్చరిక ఉంటుంది. పీరియడ్స్ ప్రారంభానికి ముందు జరిగే యుక్త వయసు లక్షణాలు కనపడుతూ ఉంటాయి. అంటే రెండు, మూడేళ్లకు ముందే పిల్లల్లో రొమ్ముల పరిమాణం పెరిగిపోతుంది. ప్రైవేట్ భాగాల్లో వెంట్రుకలు రావడం మొదలౌతాయి. వీటితో పాటు... ముఖంపై మొటిమలు, పిల్లల్లో మూడ్ స్వింగ్స్ లాంటివి వస్తాయి. కాబట్టి.. వీటి ఆధారంగా పిల్లల్లో పీరియడ్స్ మొదలౌతున్నాయని గుర్తించవచ్చు. వీటి ఆధారంగా మీరు పిల్లలను ప్రిపేర్ చేయవచ్చు.