నీతా అంబానీ నుంచి పేరెంట్స్ నేర్చుకోవాల్సిన విషయాలు ఇవి...!

పిల్లల పెంపకం విషయంలో.. తప్పులు వేయకుండా చూసుకోవాలి. ఇలాంటివారు.. ఇంటిని, పిల్లలను మ్యానేజ్ చేయడం నీతా అంబానీ నుంచి నేర్చుకోవాల్సిందే.

దేశంలోనే అత్యంత సంపన్నుడు ముకేష్ అంబానీ భార్య నీతా అంబానీ గురించి స్పెషల్ గా పరిచయం చేయాల్సిన అవసరం లేదు. అయితే.. నీతా దగ్గర నుంచి పేరెంట్స్ అందరూ... తమ పిల్లల పెంపకం విషయంలో కొన్ని టిప్స్ కచ్చితంగా తీసుకోవాల్సిందే. పిల్లలకు మంచి విషయాలు నేర్పించడానికి, పేరెంట్ -చైల్డ్ బంధం బలపడాలి అంటే కచ్చితంగా నీతా పేరెంటింగ్ టిప్స్ ఫాలో అవ్వాల్సిందే.

ఈ కాలంలో దాదాపు తల్లిదండ్రులు ఇద్దరూ పని చేస్తున్నారు. దీంతో... పిల్లల పెంపకం వారికి చాలా కష్టంగా ఉంటుంది. ముఖ్యంగా తల్లులకు ఇంటి పనులకు, పిల్లల సంరక్షణకు సమయాన్ని కేటాయించలేక చాలా ఇబ్బందులు పుడుతూ ఉంటారు. అలా అని.. పిల్లల పెంపకం విషయంలో.. తప్పులు వేయకుండా చూసుకోవాలి. ఇలాంటివారు.. ఇంటిని, పిల్లలను మ్యానేజ్ చేయడం నీతా అంబానీ నుంచి నేర్చుకోవాల్సిందే.

ఎందుకంటే... నీతా అంబానీకి ముగ్గురు పిల్లలు. ఇషా అంబానీ, ఆకాష్ అంబానీ, అనంత్ అంబానీ. అయితే... వారు ఉన్నత శిఖరాలు చేరుకునేందుకు ఆమె చాలానే కష్టపడ్డారని చెప్పొచ్చు. అంబానీ కుటుంబానికి ఎంత ధనం ఉన్నా.... పిల్లలకు ఆమె డబ్బు విలువను తెలియజెప్పేవారట. డబ్బు ఉందనే గర్వం ఎప్పుడూ వారి వద్దకు దరి చేరకుండా చేస్తారట. తాను ఎంత బిజీగా ఉన్నా.. తన పిల్లలతో మాత్రం ఆమె సమయం గడిపేవారట.

1.తమ దగ్గర తరగని సంపద ఉందని.. పిల్లలకు ఏ రోజూ విచ్చలవిడిగా ఖర్చు చేసేందుకు డబ్బులు ఇచ్చేవారు కాదట. నార్మల్ పిల్లల మాదిరిగానే పెంచేవారట. స్కూల్ కి వెళ్లడానికి పిల్లలను పబ్లిక్ ట్రాన్స్ పోర్టులోనే పంపించేవారట. ప్రతి వారం పిల్లలకు పాకెట్ మనీగా కేవలం రూ.5 మాత్రమే ఇచ్చేవారట. డబ్బు విలువను వారికి తెలియజేసేలా చేసేవారట.

2. అంతేకాదు.. తన ముగ్గురు పిల్లలకు ఆమె వినయం నేర్పించారు. తమ ఇంట్లో పనిచేసే పనివాళ్లతో కూడా మర్యాదగా మాట్లాడేలా నేర్పించారట. ఆకాశ్ ఒకసారి వాచ్ మెన్ తో ఫోన్ లో గట్టిగా మాట్లాడినందుకు ముకేష్ కూడా సీరియస్ అయ్యారట. వెంటనే కిందకు పంపించి క్షమాపణలు కూడా చెప్పించారట.

3.ఇక పిల్లలకు నీతా మాత్రమే కాదు.. ముకేష్ కూడా  సమయం కేటాయించేవారట. దగ్గరుండి మరీ.. నీతా అంబానీ తన పిల్లల హోం వర్క్ లో సహాయం చేసేదట.  తమ వర్క్ లైఫ్ ని, పర్సనల్ లైఫ్ ని ఆమె చక్కగా బ్యాలెన్స్ చేసేవారట.

4ఇక.. మగవాళ్లే గొప్ప.. ఆడవారు తక్కువ అనే ఆలోచనను తమ పిల్లల మైండ్ లోకి ఆమె రానిచ్చేవారు కాదట. లింగ సమానత్వానికి ఎక్కువ ప్రాధాన్యత ఇచ్చేవారు. అదే విషయాన్ని తన పిల్లలకు కూడా నేర్పించారు.

5.ఇక.. మనకు చాలా ఆస్తి ఉంది కదా.. చదువుకోకపోయినా పర్లేదు అనే ఆలోచనను కూడా పిల్లల మైండ్ లో రానివ్వలేదు. చదువుకు ప్రాముఖ్యతను ఆమె తన పిల్లలకు నేర్పించేవారట. ఏనాడు చదువు విషయంలో నిర్లక్ష్యం చేయనివ్వలేదట.