Parenting Tips: పిల్లలు మాట వినడం లేదా?

14

ప్రతి తల్లిదండ్రులు తమ పిల్లల భవిష్యత్తు బాగుండాలనే కోరుకుంటారు. తమ పిల్లలు కష్టపడకూడదని, వారి కోసం అన్నీ సమకూరుస్తారు. కానీ.. చాలా మంది పేరెంట్స్ తెలిసో, తెలియక చేసే కొన్ని పనులు కారణంగా పిల్లలు సోమరిపోతుల్లా తయారౌతున్నారని మీకు తెలుసా? నమ్మసక్యంగా లేకపోయినా ఇదే నిజం.

తల్లిదండ్రులు చేసే కొన్ని పనుల కారణంగానే పిల్లలు మొండిగా తయారై.. చివరకు ఆ పేరెంట్స్ మాటే వినకుండా పోతున్నారు. జీవితంలో బాధ్యత అనేది లేకుండా తయారౌతున్నారు. మరి.. పిల్లలు అలా కాకుండా.. మంచిగా జీవితంలో పైకి ఎదగాలంటే.. ఎలాంటి పొరపాట్లు చేయకూడదో తెలుసుకుందాం..

24

తప్పును కనుక్కోవడం

తల్లిదండ్రులు తమ పిల్లలకు ఏదైనా పని అప్పగిస్తే, ఆ పిల్లవాడు దాన్ని పూర్తి చేసిన తర్వాత, తల్లిదండ్రులు పనిని మెచ్చుకోవాలి. కానీ.. చాలా మంది వారు చేసిన పనిని మెచ్చుకోకుండా.. చేసిన దాంట్లో తప్పులు వెతుకుతూ ఉంటారు. ఇలా ప్రతి విషయంలో తప్పులు వెతకడం వల్ల  పిల్లలపై చెడు ప్రభావం పడుతుంది. దీని కారణంగా వారు మీరు ఇచ్చే పనిని చేయడానికి తప్పించుకుంటారు. పని చెప్పగానే చేయకుండా జారుకుంటారు. అదే అలవాటుగా చేసుకొని.. మాట వినకుండా తయారౌతారు.

34

పిల్లలపై నమ్మకం లేకపోవడం

ప్రతి తల్లిదండ్రులు తమ పిల్లలను పూర్తిగా నమ్మాలి. కానీ పిల్లలను నమ్మని తల్లిదండ్రుల పిల్లలు క్రమంగా తమ బాధ్యతలను తప్పించుకోవడం మొదలుపెడతారు. ఇది కాకుండా కొన్ని విషయాలకు తమ పిల్లలను కొట్టే అలవాటు ఉన్న తల్లిదండ్రుల పిల్లలు ఎక్కువగా తమ తల్లిదండ్రులకు దూరంగా ఉండటానికి ఇష్టపడతారు. ఇంకా వారు తల్లిదండ్రులు చెప్పేది ఎప్పుడూ గౌరవించరు. కాలక్రమేణా సోమరిపోతులుగా మారుతారు.

44

అతిగా విచారణ చేయడం

మీరు మీ పిల్లల గురించి ఎక్కువగా ప్రశ్నలు అడుగుతుంటే, వారికి మీపై ఉన్న నమ్మకం తగ్గుతుంది. దీని కారణంగా మీరు ఇచ్చే ఏ పనినైనా చేయడానికి వారు తప్పించుకుంటారు. ఇంకా వారి ఆత్మవిశ్వాసం తగ్గడం మొదలవుతుంది. ముఖ్యంగా మీ నుంచి వారు దూరంగా జరగడం మొదలుపెడతారు. దీని కారణంగా పిల్లలు సోమరిపోతులుగా మారిపోతారు.

గమనిక: తల్లిదండ్రులు తమ పిల్లల మాటలను, భావాలను అర్థం చేసుకోవాలి. అప్పుడే పిల్లలు మిమ్మల్ని అర్థం చేసుకోవడానికి ప్రయత్నిస్తారు. ఇంకా మీలో ఉన్న ఈ అలవాట్లను మార్చుకోండి.